Մաթիլդա Մեյ

Մաթիլդա Մեյ; ֆրանսերեն՝ Mathilda May
Ծնվել է	փետրվարի 8, 1965 (61 տարեկան)
Ծննդավայր	Սենտ Ուեն սյուր Սեն, Սենա, Ֆրանսիա
Կրթություն	Փարիզի կոնսերվատորիա
Քաղաքացիություն	Ֆրանսիա
Մասնագիտություն	հեռուստատեսային դերասանուհի, կինոդերասանուհի, երգչուհի և ռեժիսոր
Աշխատավայր	RTL
Ընտրանի	Lifeforce?, The Cry of the Owl? և The Tit and the Moon?
Ծնողներ	հայր՝ Victor Haïm?
Ամուսին(ներ)	Ժերար Դարմոն
Պարգևներ և մրցանակներ	Սեզար մրցանակ ամենախոստումնալից դերասանուհուն և Ռոմի Շնայդերի մրցանակ

Մաթիլդա Մեյ (ֆրանսերեն՝ Mathilda May, իրական անունը` Կարին (Քարիմա) Հաիմ (Karin Haïm), փետրվարի 8, 1965(1965-02-08)^[1]^[2], Սենտ Ուեն սյուր Սեն, Սենա, Ֆրանսիա), ֆրանսիացի դերասանուհի։

Կենսագրությունը

Մաթիլդա Մեյը ծնվել է ֆրանսիացի դրամատուրգ և դերասան Վիկտոր Հաիմի ընտանիքում, ով սերում էր հունաթուրքական հրեաների ընտանիքից։ Մաթիլդայի մայրը ազգությամբ շվեդուհի, պարուսույց Մարգարետա Հանսոնն էր^[3]։ Մանուկ տարիքից Մաթիլդան զբաղվել է պարերով, ուսանել դերասանի վարպետություն։

Առաջին անգամ Մաթիլդան կինոյում նկարահանվել է 1984 թվականին՝ «Նեմո» կինոնկարում։ Քննադատների կարծիքով, Մաթիլդան կարողանում է տարբեր ժանրերում ինքն իրեն խելամիտ դրսևորել, լինի դա մյուզիքլ, ֆանտաստիկ ֆիլմ և թե լուրջ դրամա։ Նրա դիմագիծը ռեժիսորներին թույլ էր տալիս նկարահանել նրան հատկապես խորհրդավոր կանանց դերերում, ովքեր օժտված էին ներքին ձգողականությամբ։

Մաթիլդա Մեյի առավել հայտնի ֆիլմերից էին «Կատակի արքաները» (1984 թ.), «Կենսական ուժ» (1985 թ.), «Մերկ տանգո» (1990 թ.), «Շնագայլը» (1997 թ.) և այլ կինոնկարներ։ 1987 թվականին նկարահանված, Կլոդ Շաբրոլի «Բվի ճիչը» կինոնկարում Ժյուլիետի դերակատարման համար, Մաթիլդան արժանացել է «Սեզար» մրցանակի` «Ամենախոստումնալից դերասանուհի» անվանակարգում։

Մաթիլդա Մեյը նկարահանվել է այնպիսի ռեժիսորների ֆիլմերում, ինչպիսիք էին Կլոդ Զիդին, Կլոդ Շաբրոլը, Տոուբ Հուպերը, Ժակ Դեմին, Վերներ Հերցոգը, Միշել Բլանը, Բիգաս Լունան, Միշել Դևիլը և ուրիշներ։ Որպես ֆրանսիական կինոյի ամենավառ աստղերից մեկը, նա հաճախ հանդես է գալիս տարբեր կինոփառատոների ժյուրիի կազմում։

1992 թվականին ձայնագրել է «Սիրո ուրախությունը» երաժշտական ալբոմը^[4]^[5]։

Անձնական կյանքը

Մաթիլդա Մեյն ամուսնացել է երեք անգամ։ Առաջին ամուսինը Փոլ Փաուելն էր, իսկ երկրորդը` դերասան Ժերար Դարմոնը։ Վերջինս Մաթիլդայի երկու երեխաների հայրն է։ 2000 թվականին ամուսնացել է կոմպոզիտոր և դերասան Ֆիլիպ Քելլիի հետ և ունեցել մեկ երեխա։ Ներկայումս Մաթիլդան ամուսնալուծված է։

Ֆիլմագրությունը

Թվական	Անվանում	Բնօրինակ անվանում	Կերպար
1984	Նեմո	Nemo	Ալիսա
1984	Կատակի արքաները	Les rois du gag	Ալեքսանդրա
1985	Կենսական ուժ	Lifeforce	վամպիր աղջիկը տիեզերքից
1986	Նամակներ անհայտ սիրեկանին	Letters To an Unknown Lover	Ագնես
1987	Ժերար Ֆլոքի անառակ կյանքը	La vie dissolue de Gerard Floque	Պաուլինա
1987	Բուի ճիչը	Le cri du hibou	Ժյուլիետ
1987	Պակասող օղակը	La passerelle	Կորա Էլբաս
1987	Սահարայի գաղտնիքը	Il segreto del Sahara	Միրիամ
1988	Երեք տոմս 26-րդի համար	Trois places pour le 26	Մարիոն
1990	Մերկ տանգո	Naked Tango	Ստեֆանի Թորես, Ալբա Բորենշտեյն
1991	Քարի ճիչը	Cerro Torre: Schrei aus Stein	Կատարինա
1991	Իզաբել Էմբերհարդ	Isabelle Eberhardt	Իզաբել Էմբերհարդ
1991	Վերագտնելով իրեն	Becoming Colette	Գաբրիել Կոլեթ
1992	Բոլոր տանջանքները միանգամից	Toutes Peines Confondues aka Sweetheart	Ժաննա Գարդելլա
1994	Գողն ու խաբեբան	Le Voleur et la menteuse	Սյուզաննա Հենսոն
1994	Փառքի խարդավանքը	Grosse fatigue	Մաթիլդա Մեյ
1994	Կրծքեր և լուսին	La teta y la luna	Էստրելիտա
1994	Անդաստիարակ արքայազնը և քոթակվող տղան	The Whipping Boy	Բեթսի
1996	Ցելյուլոիդ	Celluloide	-
1996	Դաժան հարսանիքներ	Noces cruelles	Սանդրա
1996	Կոկորդիլոսների ֆերմա	La ferme du crocodile	Սանդրին
1997	Շնագայլը	The Jackal	Իզաբելլա Զանկոնիա
1998	Միայն սեր	Only Love	Սիլվիա Ռինալդի
2000	Այնտեղ իմ հայրենիքն է	La-bas. mon pays aka Return to Algiers	Նելլի Ազարա
2001	Կոմիսար Ֆաբիո Մոնտալե	Fabio Montale	Էլեն Պեսայրե
2002	Պերլասկա. Իտալական հերոս	Perlasca: Un eroe italiano	կոմսուհի Էլեոնորա
2002	Հանդիպում	Entrevue	Ալիքս
2003	Սորայա	Soraya	Շամս
2004	Սիրային ճեպընթաց	Love Express	Աննա-Շառլոտա
2005	Շտապող մարդը	L'homme pressé	Իռեն Դեբոր
2007	Մեկ աղջիկ երկուսի համար (Աղջիկը, կիսված երկու մասի)	La fille coupée en deux	Կապուսին Ժամե
2009	Մոպասանի դարը. XIX հարյուրամյակի պատմվածքներն ու վիպակները	Au siècle de Maupassant: Contes et nouvelles du XIXème siècle	Թերեզա դե Մարսան
2011	Կյանքը ֆրանսիական ձևով	Une vie française	Աննա Բլիկ
2011	Իրավունք դեպի ձախ	Les infidèles	Արիանա
2013	Փախուստ դեպքի վայրից	Délit de fuite	Սեսիլ
2015	«Գրանդ օպերայի» գաղտնիքը	Mystère à l'Opéra	Եվա Ֆոնտայն

Ծանոթագրություններ

1 2 filmportal.de — 2005.
1 2 Munzinger Personen (գերմ.)
↑ Mathilda May Արխիվացված 2011-03-01 Wayback Machine, VSD.fr
↑ «Mathilda May - Album Discography - AllMusic».
↑ «Mathilda May - Mathilda May».

Վիքիպահեստն ունի նյութեր, որոնք վերաբերում են «Մաթիլդա Մեյ» հոդվածին։

[_641b3c106ad6bcd4-1] 1 2 filmportal.de — 2005.

[_3936a918cf723007-2] 1 2 Munzinger Personen (գերմ.)

[3] Mathilda May Արխիվացված 2011-03-01 Wayback Machine, VSD.fr

[4] «Mathilda May - Album Discography - AllMusic».

[5] «Mathilda May - Mathilda May».

[1]

[2]

[3]

[4]

[5]