Հրո երկիր (արշիպելագ)

Վիքիպեդիայից՝ ազատ հանրագիտարանից
Picto infobox map.png
Հրո երկիր արշիպելագ
Tierra del Fuego

Երկիր ԱրգենտինաԱրգենտինա, ՉիլիՉիլի
Մակերես 73753 կմ2
Ամենաբարձր կետը 2488 մ
Բնակչություն (2006) 251 000 մարդ

Հրո երկիր արշիպելագ[1] (իսպ.՝ Tierra del Fuego [ˈtjera ðel ˈfweɣo]), Հարավային Ամերիկայի ամենահարավային արշիպելագ, որի կազմի մեջ է ներառվում ավելի քան 40 հազար կղզիներ։ Արշիպելագի ընդհանուր մակերեսը կազմում է 73 753 կմ², որից 47 992 կմ²-ը զբաղեցնում է արշիպելագի գլխավոր կղզին՝ համանուն կղզին՝ Հրո երկիրը։

Արշիպելագի մեծ մասն ընկած է Չիլիի և մտնում է Մագալյանես ի լա Անտարկտիկա Չիլենա շրջանի կազմի մեջ։ Իսլա Գրանդե կղզին բաժանված է Չիլիի և Արգենտինայի միջև, որտեղ այն մտնում է Հրո երկիր, Հրո Երկիր, Անտարկտիդա և Հարավային Ատլանտիկայի կղզիներ նահանգի մեջ։

Աշխարհագրություն[խմբագրել | խմբագրել կոդը]

Արշիպելագը մայրցամաքից բաժանված է Մագելանի նեղուցով, իսկ Անտարկտիդայից՝ Դրեյքի նեղուցով։

Արբանյակային լուսանկար

Արշիպելագի ամենաբարձր կետը Դարվին լեռն է 2488 մ բարձրությամբ, ավելի վաղ ամենաբարձր կետ համարվում էր Շիպտոն լեռը 2469 մ բարձրությամբ։ Արշիպելագի կղզիների ափերը խիստ կտրատված են, հատկապես հարավ-արևմուտքում։ Հարավային մասերում գտնվում է Հարավային Ամերիկայի ամենացածր կետը՝ Դիեգո Ռամիրես կղզին։

Պատմություն[խմբագրել | խմբագրել կոդը]

Հրո երկիր աշխիպելագն հայտնաբերող Ֆերնան Մագելանը արշիպելագը համարել է Terra Australis Incognita-ի հյուսիսային մաս։ Իր անվանումն ստացել է Մագելանի նավարկություններից հետո։ Տեղաբնիկները՝ հնդկացիները, գիշերվա ժամերին կրակ էին վառում, իսկ Մագելանին թվացել է, թե հրաբխային կրակ է և արշիպելագն անվանում է Հրո երկիր։

Բնակչություն[խմբագրել | խմբագրել կոդը]

Հրո երկիր կղզում գտնվում է աշխարհի ամենահարավային քաղաքը՝ Ուշուայան, որը գտնվում է Արգենտինայում, իսկ Նավարինո կղզում գտնվում է ամենահարավային բնակավայրը Երկիր մոլորակի վրա՝ Պուերտո Տորոն, որը գտնվում է Չիլիում։ Բնակչության մեծամասնությունն ապրում է Հրո երկիր կղզում։

Ծանոթագրություններ[խմբագրել | խմբագրել կոդը]