Հանս Ռոդլիխ
Հանս Ռոդլիխ | |
---|---|
Ծնվել է | փետրվարի 11, 1903[1] Վիեննա, Ավստրո-Հունգարիա[2] |
Երկիր | Ավստրիա և Միացյալ Թագավորություն |
Մահացել է | նոյեմբերի 27, 1968[1] (65 տարեկան) Մանչեսթեր, Hundred of Salford, Լանքաշիր, Անգլիա, Միացյալ Թագավորություն[2] |
Մասնագիտություն | կոմպոզիտոր, գրող և համալսարանի դասախոս |
Աշխատավայր | Էդինբուրգի համալսարան և Մանչեսթերի Վիկտորիայի համալսարան |
Կրթություն | Ֆրանկֆուրտի Գյոթեի անվան համալսարան |
Հանս Ֆերդինանդ Ռոդլիխ (գերմ.՝ Hans Ferdinand Redlich, փետրվարի 11, 1903[1], Վիեննա, Ավստրո-Հունգարիա[2] - նոյեմբերի 27, 1968[1], Մանչեսթեր, Hundred of Salford, Լանքաշիր, Անգլիա, Միացյալ Թագավորություն[2]), ավստրիացի կոմպոզիտոր, դիրիժոր, երաժշտագետ և ուսուցիչ։
Կենսագրություն
[խմբագրել | խմբագրել կոդը]Ռոդլիխը ծնվել է Վիեննայում, այն ժամանակ Վիեննայի համալսարանի պատմության պրոֆեսոր Յոզեֆ Ռեդլիխի (1869-1936) ընտանիքում։ Մասնավոր դասեր է վերցրել Փոլ Վայնգարտներից, (դաշնամուր), Հուգո Կաուդերայից (ներդաշնակություն) և Կառլ Օրֆից (կոմպոզիցիա): 1931 թվականին ավարտել է Մայնի Ֆրանկֆուրտի համալսարանի փիլիսոփայական ֆակուլտետը (երաժշտագիտություն)։ 1924-1925 թվականներին եղել է դիրիժոր Բեռլինում, 1925-1929 թվականներին՝ Մայնցում, ապա՝ Մանհայմում։ Նացիստների իշխանության գալուց հետո նա ստիպված է եղել արտագաղթել։
1937 թվականին հաստատվել է Մեծ Բրիտանիայում։ 1947 թվականին ստացել է բրիտանական քաղաքացիություն[3]։ Աշխատել է որպես դիրիժոր («Բի-բի-սի-ում») և դասավանդել բրիտանական համալսարաններում՝ Քեմբրիջ (1942-1949), Բիրմինգհեմ (1949-1955), Էդինբուրգ (1955-1962), Մանչեսթեր (1962-ից): Լետչվորթում ապրած նրա աշակերտներից է եղել հույն կոմպոզիտոր Յանիս Քրիստուն[4]: Հեղինակ է մի շարք երաժշտական հանրագիտարանների և բառարանների հոդվածների, մասնակցել է Հենդելի ամբողջական երկերի հրատարակության նախապատրաստմանը։ Գրել է մենագրություններ Մալերի, Մոնտեվերդիի, Վագների, Բրուկների, Բերգի մասին:
Հեղինակ է նվագախմբային պիեսների և վոկալ-սիմֆոնիկ եռագրության՝ «Հելդերլին» (1946)։
Ռոդլիխն ամուսնացավ իր առաջին կնոջ՝ Էլիզա Գերլախի հետ 1930 թվականին, և նա նրա հետ տեղափոխվել է Մեծ Բրիտանիա։ Էլիզա Գերլախին մահացել է 1959 թվականին, և նա երկրորդ անգամ ամուսնացել է 1961 թվականին՝ Էրիկա Բուրգերի հետ։ Ռոդլիխը մահացել է Մանչեսթերում, մի քանի սրտի կաթվածից հետո[3][5]։
Երաժշտագիտական աշխատանքներ
[խմբագրել | խմբագրել կոդը]- Gustav Mahler. — Nürnberg, 1919.
- Claudio Monteverdi, Bd 1. Das Madrigalwerk. — В., 1932.
- Richard Wagner: Tristan and Isolde. — L.-N. Y., 1948.
- Richard Wagner: Lohengrin. — L.-N. Y., 1949.
- Richard Wagner: Parsifal. — L.-N. Y., 1951.
- Claudio Monteverdi. Leben und Werk. — Olten. 1949.
- Bruckner und Mahler. — L.-N. Y., 1955.
- Alban Berg. — W., 1957.
Գրականություն
[խմբագրել | խմբագրել կոդը]- Музыкальный энциклопедический словарь / Гл. ред. Г. В. Келдыш. — М.: Советская энциклопедия, 1991. — С. 456 — ISBN 5-85270-033-9
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 1,3 1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ 2,0 2,1 2,2 2,3 2,4 2,5 Deutsche Nationalbibliothek Record #120849615 // Gemeinsame Normdatei (գերմ.) — 2012—2016.
- ↑ 3,0 3,1 'Redlich, Hans Ferdinand (1903 - 1968)' in Who Was Who, Oxford University Press (2011)
- ↑ «Jani Christou (1926-1970». Michael Stewart (ամերիկյան անգլերեն). Վերցված է 2024-01-29-ին.
- ↑ Reaney, Gilbert. 'Hans Ferdinand Redlich in Memoriam' in Acta Musicologica, Vol. 42 (1970), pp. 217-219