Կոմս Մոնտե-Քրիստո (ֆիլմ, 1954)

Վիքիպեդիայից՝ ազատ հանրագիտարանից
Jump to navigation Jump to search
HS Disambig.svg Անվան այլ կիրառումների համար տե՛ս՝ Կոմս Մոնտե-Քրիստո (այլ կիրառումներ)
Picto infobox cinema.png
Կոմս Մոնտե-Քրիստո
Le Comte de Monte-Cristo
ԵրկիրՖրանսիա
Flag of Italy.svg Իտալիա
Ժանրդրամա[1], ռոմանտիկ ֆիլմ[1] և գրական ստեղծագործության էկրանավորում
ՀիմքԿոմս Մոնտե-Քրիստո
Թվական1954
Լեզուֆրանսերեն
ՌեժիսորRobert Vernay?[1]
ՊրոդյուսերԺակ Ռոյտֆելդ
ԴերակատարներDaniel Ivernel?[2], Ժան Մարե[2], André Brunot?[2], André Var?[2], Բեռնար Մյուսոն[2], Շարլ Բայար[2], Claude Génia?[2], Daniel Cauchy?[2], Էդուար Ֆրանկոմ[2], Fernand Gilbert?[2], Folco Lulli?[2], Ֆրանս Ասսլեն[2], Ֆրանկ Մորիս[2], Frédéric Valmain?[2], Génica Athanasiou?, Guy Favières?, Jacques Castelot?[2], Jacques Couturier?[2], Jean Témerson?[2], Ժան-Պիեռ Մոկի[2], José Casa?[2], Julien Bertheau?[2], Julien Maffre?[2], Léon Berton?[2], Léon Walther?[2], Lia Amanda?[2], Louis Seigner?[2], Lucien Blondeau?[2], Made Siamé?[2], Marcel Delaître?[2], Marcel Journet?[2], Marcel Loche?[2], Maryse Paillet?[2], Nathalie Nerval?[2], Նոել Ռոկվեր[2], Պաոլո Ստոպպա[2], Paul Azaïs?[2], Paul Barge?[2], Paul Ville?[2], Philippe Richard?[2], Pierre Morin?[2], Ռոժե Պիգո[2], Roger Vincent?[2] և Simone Paris?[2]
ԵրաժշտությունJean Wiener?
Պատմվածքի վայրՄարսել
ԿինոընկերությունLux Film
Տևողություն183 րոպե

Կոմս Մոնտե-Քրիստո (ֆրանս.՝ Le Comte de Monte-Cristo, իտալ.՝ Il tesoro di Montecristo[3]), ֆրանս-իտալական համատեղ արտադրության պատմա-արկածային գեղարվեստական կինոնկար, որը նկարահանվել է 1954 թվականին: Ալեքսանդր Դյումայի համանուն ստեղծագործության էկրանավորումն է[4]:

Ռեժիսոր Ռոբեր Վեռնեի այս ֆիլմը, որտեղ ներգրավված էին եվրոպական կինոյի հայտնի աստղեր, համարվում է Դյումայի հայտնի վեպի ամենավառ էկրանավորումներից մեկը:

Սյուժե[խմբագրել | խմբագրել կոդը]

Երիտասարդ նավաստի Էդմոն Դանտեսը, իր իսկ ընկերների մատնությամբ մեղադրվում է պետական դավաճանության մեջ և բանտարկվում չարագուշակ Իֆ ամրոցում: Նա բանտարկության մեջ դատապարտված էր մահանալու, սակայն ճակատագիրը երիտասարդին մտերմացնում է մեկ այլ բանտարկյալի՝ աբբա Ֆարիայի հետ, ով մահվանից առաջ Դանտեսին պատմում է անհամար գանձերի մասին, որոնք պահված են ծովում կորած Մոնտե-Քրիստո փոքրիկ կղզում, միաժամանակ հուշելով նաև փախուստի գաղափարը:

Իրականացնելով հանդուգն փախուստը բանտից, Դանտեսը գտնում է աբբայի գանձերը և իր հարազատ քաղաք է վերադառնում կոմս Մոնտե-Քրիստո անունով, որպեսզի արդարադատություն իրականացնի այն մարդկանց նկատմամբ, ովքեր մասնակցություն էին ունեցել իր բանտարկության գործին:

Դերասանական կազմ[խմբագրել | խմբագրել կոդը]

Դերակատար Կերպար
Ժան Մարե Էդմոն Դանտես
Լիա Ամանդա Մերսեդես
Դանիել Իվերնել Գասպար Կադրուս
Կլոդ Ժենյա Կադրուսի կինը
Ֆոլկո Լյուլլի Ջակոպո
Ժակ Կաստելո Ժերար դը Վիլֆոր
Ռոժե Պիգո Ֆեռնան դը Մորսեր
Ժան-Պիեռ Մոկի Ալբեր դը Մորսեր
Քրիստինա Գրադո Հայդե

Նկարահանող խումբ[խմբագրել | խմբագրել կոդը]

Կինոգործիչ Ներդրումը
Դանիել Իվերնել, Ժորժ Նևե սցենարիստ
Ռոբեր Վեռնե ռեժիսոր
Ժակ Ռոյտֆելդ պրոդյուսեր
Ռոբեր Ժյուլիան օպերատոր
Ժան Վիներ կոմպոզիտոր

Տարբերություններ գրքից[խմբագրել | խմբագրել կոդը]

  • Գրքում Էդմոն Դանտեսը բանտարկված էր ուղիղ 14 տարի, իսկ ֆիլմում՝ 17 տարի: Թվում է, որ դա աննշան մանրուք է, սակայն հաշվի առնելով Ֆրանսիայի բուռն պատմությունը, ստացվում է, որ Դանտեսը ազատության մեջ է հայտնվում արդեն իսկ ուրիշ երկրում, որտեղ Հուլիսյան միապետության «ժողովրդական» կարգերն էին տիրում և որն առավել բարեհաճ էր նապոլեոնյան ժառանգության նկատմամբ: Հասկանալի չէ, թե ինչու՞ նրան համաներման չէին արժանացրել Հուլիսյան հեղափոխությունից հետո, եթե միայն դը Վիլֆորը չէր թաքցրել նրա գործը: Առավել ևս, որ 1830 թվականից հետո Իֆ ամրոցը այլևս բանտ չէր (ինչի մասին հղում է արվել նաև գրքի վերջում):
  • Ֆիլմում բացակայում է Դանգլերի կերպարը: Նրա գործառույթները բաժանվել են Կադրուսի և Ֆեռնանի միջև, իսկ ազգանունը բաժին էր հասել դը Վիլֆորին (այդ անունով նա այցելում է սիրուհուն՝ Բրունոյի մորը):
  • Գրքում Կադրուսը դերձակ էր և Դանտեսի հարևանը, իսկ ֆիլմում «Փարավոն»-ի նավապետի երկրորդ օգնականն էր:

Ծանոթագրություններ[խմբագրել | խմբագրել կոդը]