Կիև-Մոգիլայան ակադեմիա

Վիքիպեդիայից՝ ազատ հանրագիտարանից
Jump to navigation Jump to search
Կիև-Մոգիլյան Ակադեմիայի շենքը

Կիև-Մոգիլայան ակադեմիա (կոլեգիա), առաջին բարձրագույն ուսումնական հաստատությունը Ուկրաինայում. կազմակերպվել է 1632-ին՝ Կիևա-Աստվածահայտնության եղբայրություն դպրոցի (1615-ից) և Կիև-Պեչորյան մայրավանքի դպրոցի (հիմնել է Կիևի հոգևոր առաջնորդ Պյոտր Մոգիլան) միավորմամբ։ 1633-ից կոչվել է կոլեգիա, 1701-ից՝ ակադեմիա։ Սովորել են կազակական ավագանու, ազնվականների, հարուստ քաղաքացիների ու հոգևորականների երեխաները։ Ուսման տևողությունը հասել է մինչև 12 տարվա։ Դասավանդվել են սլավոներեն, հունարեն, լատիներեն, լեհերեն, քերականություն, բնական գիտություններ, հռետորություն, բանաստեղծական արվեստ, Փիլիսոփայություն, երաժշտություն, աստվածաբանություն, աշխարհագրություն, ճարտարապետություն։ Մոսկվայի համալսարանի հիմնադրմամբ ակադեմիան աստիճանաբար կորցրել է իր նշանակությունը, իսկ Խարկովի համալսարանի ստեղծումից (1805) հետո զրկվել բուհի իր դերից։ Ակադեմիան փակվել է 1817-ին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 5, էջ 401 CC-BY-SA-icon-80x15.png

Կատեգորիա։ Ուկրաինայի համալսարաններ