Կարմիր ծանուցում (ֆիլմ)

Վիքիպեդիայից՝ ազատ հանրագիտարանից
Jump to navigation Jump to search
Picto infobox cinema.png
Կարմիր ծանուցում
անգլ.՝ Red Notice
Կարմիր ծանուցում (ֆիլմ).jpg
Պաշտոնական գովազդային սինգլ
ԵրկիրԱմերիկայի Միացյալ Նահանգներ ԱՄՆ
ԺանրԿատակերգական թրիլեր մարտաֆիլմ
Թվականնոյեմբերի 12, 2021
ԼեզուԱնգլերեն
ՌեժիսորՌոուսոն Մարշալ Թարբեր
Պրոդյուսեր
  • Բո Ֆլին
  • Դուեյն Ջոնսոն
  • Դենի Գարսիա
  • Ռոուսոն Մարշալ Թարբեր
  • Հիրամ Գարսիա
Սցենարի հեղինակՌոուսոն Մարշալ Թարբեր
Դերակատարներ
ՕպերատորՄարկուս Ֆյորդերեր
ԵրաժշտությունՍթիվ Յաբլոնսկի
ՄոնտաժՄայքլ Սեյլ
Կինոընկերություն
  • Flynn Picture Company
  • Seven Bucks Productions
  • Bad Version, Inc.
Բյուջե$125–150 միլիոն[1]
ՏեղայնացնողՆեթֆլիքս
IMDbID 7991608
ԿինոՊոիսկID 1115099
Պաշտոնական կայքէջ

Կարմիր ծանուցում (անգլ.՝ Red Notice), սպասվելիք ամերիկյան կատակերգական թրիլեր մարտաֆիլմ, որի հեղինակը և ռեժիսորը Ռոուսոն Մարշալ Թարբերն է։ Գլխավոր դերերում են Դուեյն Ջոնսոնը, Գալ Գադոտը և Ռայան Ռեյնոլդսը։ Ֆիլմը դարձել է Ջոնսոնի և Թարբերի երրորդ համագործակցությունը «Մեկուկես լրտես» և «Երկնաքեր» ֆիլմերից հետո։ Universal Pictures ընկերությունը ձեռք է բերել տեղայնացման իրավունքները և նախատեսել է թողարկումը 2020 թվականի նոյեմբերի 13-ին։ Սակայն 2019 թվականի հուլիսի 8-ին Universal-ը հրաժարվել է վճարել առաջարկվող բյուջեն և Նեթֆլիքսը համաձայնվել է տեղայնացնել ֆիլմը[2]։

Սինոփսիս[խմբագրել | խմբագրել կոդը]

Միջազգային հանցավորության աշխարհում Ինտերպոլը Կարմիր ծանուցում (անգլ.՝ Red Notice) է հայտարարել՝ աշխարհի առավել հայտնի արվեստի գողերից մեկին գտնելու համար[3]։

Դերասանական կազմ[խմբագրել | խմբագրել կոդը]

Արտադրություն[խմբագրել | խմբագրել կոդը]

Զարգացում[խմբագրել | խմբագրել կոդը]

2018 թվականի փետրվարի 8-ին ֆիլմը (կատակերգական մարտաֆիլմ Դուեյն Ջոնսոնի և հեղինակ ու ռեժիսոր Ռոուսոն Մարշալ Թարբերի կողմից) մշակվել է մրցութային պատերազմի շրջանակներում, որը բաղկացած է եղել դրա իրավունքների համար պայքարող խոշոր կինոընկերություններից։ Դրա մեջ ներգրավված են եղել Universal Pictures, Warner Bros. Pictures, Paramount Pictures, Legendary Entertainment, Նեթֆլիքս և Sony Pictures ստուդիաները։ 125-150 միլիոն ԱՄՆ դոլար բյուջեով ֆիլմի պրոդյուսերն է լինելու Բո Ֆլինն իր Flynn Picture Company-ով, իսկ Ջոնսոնը, Դանի Գարսիան և Հիրամ Գարսիան՝ իրենց Seven Bucks Productions-ով և Թարբերն՝ իր Bad Version Inc.-ով, ինչպես նաև Ուենդի Ջեյքոբսոնը, լինելու են գործադիր պրոդյուսերները[4]։ 2018 թվականի փետրվարի 9-ին հայտարարվել է, որ Universal և Legendary կինոընկերությունները դարձել են իրավունքների համար պատերազմի հաղթողներ։ Հաստատվել է նաև, որ Ջոնսոնը ֆիլմի համար 20 միլիոն դոլար է ստանալու[5]։

Քասթինգ[խմբագրել | խմբագրել կոդը]

2018 թվականի հունիսի 11-ին հաստատվել է, որ Գալ Գադոտը նկարահանվելու է ֆիլմում[6]։ 2019 թվականի հուլիսի 8-ին Ռայան Ռեյնոլդսը միացել է դերասանական կազմին[2]։ 2020 թվականի փետրվարի 10-ին Ռիտու Արյան և Քրիս Դիամանթոփուլոսը միացել են ֆիլմի նկարահանումներին[7]։

Նկարահանումներ[խմբագրել | խմբագրել կոդը]

Նկարահանման շրջանը սկսվել է 2020 թվականի հունվարի 3-ին Ջորջիա նահանգի Ատլանտա քաղաքում[8][9]։ Ֆիլմի արտադրությունն ի սկզբանե պետք է սկսվեր 2019 թվականի ապրիլին՝ «Ջումանջի։ Նոր մակարդակ» ֆիլմում Ջոնսոնի աշխատանքի ավարտից հետո[10]։ 2019 թվականի հուլիսի 8-ին նկարահանումները հետաձգվել են մինչև 2020 թվականի սկիզբ[2]։ Իտալիայում նախատեսվող նկարահանումները չեղարկվել են COVID-19 համավարակի պատճառով[11]։ Մարտի 14-ին հայտարարվել է, որ արտադրությունը սառեցվել է համավարակի պատճառով[12]։ Վիզուալ էֆեկտների համար Օսկար մրցանակի արժանացած (Շեղբի վրայով վազողը - 2049) արտիստ Ռիչարդ Ռ․ Հուվերը զբաղվելու է ֆիլմի վիզուալ էֆեկտներով[13]։

Երաժշտություն[խմբագրել | խմբագրել կոդը]

2020 թվականի փետրվարի 26-ին հայտարարվել է, որ Սթիվ Յաբլոնսկին դառնալու է ֆիլմի երգահանը։ Յաբլոնսկին մինչ այդ համագործակցել է ռեժիսոր Ռոուսոն Մարշալ Թարբերի հետ՝ հեղինակելով «Երկնաքեր» ֆիլմի երաժշտությունը[14]։

Թողարկում[խմբագրել | խմբագրել կոդը]

Ի սկզբանե Universal-ը նախատեսել է թողարկել ֆիլմը 2020 թվականի հունիսի 12-ին[15]։ Ամսաթիվը տեղափոխվել է 2020 թվականի նոյեմբերի 13-ի վրա[16]։ Ավելի ուշ՝ 2020 թվականի հունիսի 8-ին, նախագծի տեղայնացման իրավունքներն անցել են Նեթֆլիքսին[17]։

Ծանոթագրություններ[խմբագրել | խմբագրել կոդը]

  1. «Dwayne Johnson Eyes $20M Payday for Action Thriller 'Red Notice' (Exclusive)»։ The Hollywood Reporter։ Վերցված է February 7, 2018 
  2. 2,0 2,1 2,2 Netflix Takes ‘Red Notice’; Ryan Reynolds Joins Dwayne Johnson & Gal Gadot In Ռոուսոն Մարշալ Թարբեր-Directed Global Heist Film
  3. 3,0 3,1 3,2 3,3 https://www.instagram.com/p/B7kic2QF7PR
  4. «Dwayne Johnson Eyes Big Payday for Action/Comedy Red Notice»։ Screen Rant։ Վերցված է February 8, 2018 
  5. «Universal, Legendary Land 'Red Notice' After Ferocious Auction For Dwayne Johnson Vehicle»։ Deadline։ Վերցված է February 9, 2018 
  6. «Gal Gadot to Star in Dwayne Johnson's Action-Comedy 'Red Notice'»։ Variety։ Վերցված է June 11, 2018 
  7. ‘Red Notice’: ‘The Umbrella Academy’s Ritu Arya, Chris Diamantopoulos Join Dwayne Johnson In Netflix Thriller
  8. «Dwayne Johnson’s ‘Red Notice’ Atlanta Extras Casting Call for Prisoners»։ Project Casting։ January 3, 2020։ Վերցված է January 13, 2020 
  9. Dennis Ryan (December 16, 2019)։ «Casting Call: Upcoming Netflix drama 'Red Notice' hiring actors»։ 11alive.com։ Վերցված է January 13, 2020 
  10. «Gal Gadot Teaming with Dwayne Johnson for Actioner 'Red Notice'»։ Collider։ Վերցված է June 11, 2018 
  11. Coronavirus Prompts Netflix To Explore Options Outside Of Italy For Dwayne Johnson’s ‘Red Notice’
  12. Bennett Anita (March 14, 2020)։ «Netflix Film ‘Red Notice’ Temporarily Halts Production Over Coronavirus»։ Deadline Hollywood։ Վերցված է March 15, 2020 
  13. Frei Vincent (February 18, 2020)։ «6 Underground: Richard Hoover – Overall VFX Supervisor – Netflix»։ Վերցված է March 3, 2020 
  14. «Steve Jablonsky to Score Rawson Marshall Thurber’s ‘Red Notice’»։ Film Music Reporter։ February 26, 2020։ Վերցված է March 3, 2020 
  15. «Dwayne Johnson's Action-Thriller 'Red Notice' Gets 2020 Release Date»։ Variety։ Վերցված է March 16, 2018 
  16. «Dwayne Johnson Action-Thriller 'Red Notice' Heads To November 2020»։ Deadline։ Վերցված է November 8, 2018 
  17. Fleming Mike (July 8, 2019)։ «Netflix Takes ‘Red Notice’; Ryan Reynolds Joins Dwayne Johnson & Gal Gadot In Rawson Marshall Thurber-Directed Global Heist Film»։ Deadline Hollywood։ Վերցված է February 7, 2020 

Արտաքին հղումներ[խմբագրել | խմբագրել կոդը]