Կարմե Չակոն

	Կարմե Չակոն; իսպ.՝ Carme Chacón
Կուսակցություն՝	Կատալոնիայի սոցիալիստական կուսակցություն
Կրթություն՝	Բարսելոնայի համալսարան, Մանչեսթերի համալսարան, Բարսելոնայի ինքնավար համալսարան, Յորքի համալսարան և Լավալի համալսարան
Մասնագիտություն՝	քաղաքական գործիչ, համալսարանի դասախոս և փաստաբան
Ծննդյան օր	մարտի 13, 1971
Ծննդավայր	Էսպլուգաս դե Լյոբրեգատ, Corporació Metropolitana de Barcelona, Բարսելոնայի պրովինցիա, Կատալոնիա, Իսպանիա
Վախճանի օր	ապրիլի 9, 2017 (46 տարեկան)
Վախճանի վայր	Մադրիդ, Իսպանիա
Թաղված	Էսպլուգաս դե Լյոբրեգատ
Քաղաքացիություն	Իսպանիա
Ի ծնե անուն	իսպ.՝ Carme Chacón Piqueras
Ամուսին	Միգել Բառոսո
Ինքնագիր
Պարգևներ	և
Carme Chacón

Կարմե Չակոն ի Պիկերաս (իսպ.՝ Carme Chacón i Piqueras, մարտի 13, 1971(1971-03-13)^[1], Էսպլուգաս դե Լյոբրեգատ, Corporació Metropolitana de Barcelona, Բարսելոնայի պրովինցիա, Կատալոնիա, Իսպանիա - ապրիլի 9, 2017(2017-04-09)^[2]^[3], Մադրիդ, Իսպանիա^[3]), իսպանացի պետական և քաղաքական գործիչ, Կատալոնիայի սոցիալիստական կուսակցության անդամ։ 2008 թվականի ապրիլից մինչև 2011 թվականի դեկտեմբերը Սապատերոյի կառավարությունում զբաղեցրել է պաշտպանության նախարարի պաշտոնը։

Կենսագրություն[խմբագրել | խմբագրել կոդը]

Չակոնն իրավաբանական կրթություն է ստացել Բարսելոնայի համալսարանում և սահմանադրական իրավունքի պրոֆեսորի կոչում Ժիրոնայի համալսարանում։

1994 թվականին մտել է Կատալոնիայի Սոցիալիստական կուսակցության կազմում։ 2000 թվականից Իսպանիայի խորհրդարանի ստորին պալատի պատգամավոր է և 2004-2007 թվականներին կատարել է պալատի փոխնախագահի պարտականությունները։

2007 թվականի հուլիսի 6-ին կառավարության վերակազմավորման արդյունքում նա բնակարանային շինարարության նախարարի պաշտոնում փոխարինել է Մարիա Տրուխիլյոյին։ 2008 թվականի ապրիլից մինչև 2011 թվականի դեկտեմբերը զբաղեցրել Է Իսպանիայի պաշտպանության նախարարի պաշտոնը՝ դառնալով այդ պաշտոնում առաջին կինը։ Կարմե Չակոնը նշանակվել է պաշտպանության նախարար՝ հղիության 7-րդ ամսում։ Երեխայի ծնվելուց հետո պաշտպանության նախարարի պարտականությունները ժամանակավորապես կատարել է ներքին գործերի նախարար Ալֆրեդո Պերես Ռուբալկաբան։

Այդ պաշտոնում Կարմե Չակոնը կես տարի շարունակ նախագահել է Եվրամիության պաշտպանության նախարարների նիստերը, Կոսովոյից դուրս է բերել իսպանական զորքերը վերջինիս անկախության (Իսպանիայի կողմից չճանաչված) հռչակումից և Աֆղանստանից դրանց դուրսբերումից հետո։ 2011 թվականին Իսպանիայի Պատգամավորների կոնգրեսը զինծառայողների իրավունքների և պարտականությունների մասին օրենք է ընդունել, որը ստացել է նրա անունը։

2011 թվականի խորհրդարանական ընտրություններում Իսպանական սոցիալիստական բանվորական կուսակցության պարտությունից հետո Կարմե Չակոնն իր թեկնածությունն է առաջադրել կուսակցության գլխավոր քարտուղարի պաշտոնում և այդ ընտրություններում 2012 թվականի փետրվարի 4-ին զիջել է Ալֆրեդո Պերես Ռուբալկաբեին։

2013 թվականի օգոստոսի 28-ին վայր է դրել Իսպանիայում խորհրդարանում պատգամավորի լիազորությունները՝ Մայամիում դասախոսական աշխատանքի անցնելու պատճառով։ 2014 թվականի հուլիսից զբաղեցրել Է Միջազգային հարաբերությունների հարցերով Իսպանական սոցիալիստական բանվորական կուսակցության քարտուղարի պաշտոնը։

2007-2016 թվականներին Կարմեն Չակոնն ամուսնացել է լրագրող Միգել Բարոսոյի՝ Սապատերոյի կառավարության հաղորդակցության հարցերով պետական քարտուղարի հետ։ 2011 թվականին ծնվել է նրանց որդին՝ Միգելը։

Կարմեն Չակոնը ուներ սրտի բնածին արատ։ 2017 թվականի ապրիլի 9-ի առավոտյան մահացած էր հայտնաբերվել իր մադրիդյան բնակարանում։

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]

Վիքիպահեստն ունի նյութեր, որոնք վերաբերում են «Կարմե Չակոն» հոդվածին։

[_523849f8e5771d05-1] 1,0 ^1,1 http://www.20minutos.es/noticia/3008539/0/carme-chacon-primera-ministra-defensa/

[_50e3acc5db43e823-2] 2,0 ^2,1 ^2,2 http://www.ccma.cat/324/mor-la-socialista-carme-chacon-als-46-anys/noticia/2782798/

[_ee53773e33116331-3] 3,0 ^3,1 ^3,2 ^3,3 ^3,4 ^3,5 Muere Carme Chacón, la primera mujer ministra de Defensa (իսպ.) — Madrid: Grupo Prisa, 1976. — ISSN 1576-3757; 1134-6582

[_7d7f4b3001ae5153-4] ttp://web.gencat.cat/ca/actualitat/detall/Creus-de-Sant-Jordi-00005

[1]

[2]

[3]

[4]