Կարինե Խալաթովա

Վիքիպեդիայից՝ ազատ հանրագիտարանից
Jump to navigation Jump to search
Կարինե Խալաթովա
Ծնվել էհունիսի 20, 1953(1953-06-20) (66 տարեկան)
ԾննդավայրԳանձակ, ԱԽՍՀ, ԽՍՀՄ
Մասնագիտությունբանաստեղծ, թարգմանիչ և լրագրող
ԿրթությունՄոսկվայի պետական համալսարան
ԱնդամակցությունՀայաստանի գրողների միություն
Կարինե Խալաթովա Վիքիքաղվածքում

Կարինե Յուրիի Խալաթովա (հունիսի 20, 1953(1953-06-20), Գանձակ, ԱԽՍՀ, ԽՍՀՄ), բանաստեղծ, թարգմանիչ, լրագրող: Հայաստանի գրողների միության (1989 թ.), Մոսկվայի գրողների միության (1996 թ.) անդամ է:

Կենսագրություն[խմբագրել | խմբագրել կոդը]

Կարինե Խալաթովան ծնվել է 1953 թվականին, Կիրովաբադում: Ավարտել է Մոսկվայի պետական համալսարանի բանասիրական ֆակուլտետի ռուսաց լեզվի և գրականության բաժինը: Ռուսերեն է թարգմանել հայ գրողների մի շարք ստեղծագործություններ, հեղինակ է հայ մշակույթին և գրականությանը նվիրված մի շարք հոդվածների: Հրատարակվել է «Գրական Հայաստան», «Գրքերի աշխարհ», «Կոմունիստ», «Հայաստանի Հանրապետություն», «Ուրարտու», «Կոմսոմոլեց» և այլ հայկական և ռուսական պարբերականներում[1]:

Թարգմանել է Մուշեղ Գալշոյանի, Զորայր Խալափյանի, Վալտեր Արամյանի, Ստեփան Ալաջաջյանի, Շահեն Թաթիկյանի, Վախթանգ Անանյանի, Մկրտիչ Սարգսյանի, Հրաչյա Քոչարի, Կարինե Խոդիկյանի և այլ գրողների ստեղծագործություններից: 1993-2008 թթ. ապրել է Մոսկվայում, «Центрполиграф», «Эксмо», «Акпресс» և այլ պարբերականներում աշխատել որպես լրագրող և խմբագիր: 2008 թվականին վերադարձել է Հայաստան և եղել է ԱՊՀ և Բալթյան երկրների թարգմանիչների մի քանի գիտաժողովների կազմակերպիչներից: 2010-2011 թթ. եղել է «ԱՊՀ և Բալթյան երկրների թարգմանիչներ» կայքի առաջին խմբագիրը, 2011-2012 թթ.՝ Հայաստանի գրողների միության միջազգային գրական կապերի կենտրոնի ղեկավարը: Մասնակցել է թարգմանչական մի շարք միջազգային գիտաժողովների և կոնֆերանսների: Մոսկովյան «Меценат и мир» և «Առագաստ» ամսագրերի հեղինակ և թարգմանիչ (2010 թ.)[1][2][3]:

Երկեր[խմբագրել | խմբագրել կոդը]

  • «Гранатовое кабаре» (2009 թ.)
  • «В поисках утерянного сна» (2012 թ.)
  • «Նրանք սիրել են Հայաստանը» (2011 թ.)
  • «Старый Ереван» («Հին Երևանը 1920-1940-ական թվականների հայ դասականների պատմվածքներում և հուշերում», 2016 թ.)[4]

Մրցանակներ[խմբագրել | խմբագրել կոդը]

  • ՀԳՄ Միքայել Նալբանդյանի անվան մրցանակ, 2012 թ.
  • Մայր Աթոռ Սբ. Էջմիածնի և ՀԳՄ «Կանթեղ» մրցանակ, 2013 թ.

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]