Հայաստանի Հանրապետություն (թերթ)
Անվան այլ կիրառումների համար տե՛ս՝ Հայաստանի Հանրապետություն (այլ կիրառումներ)
| Հայաստանի Հանրապետություն | |
|---|---|
.svg) | |
| Տեսակ | թերթ |
| Լեզու | հայերեն |
| Հիմնադրվել է | հոկտեմբերի 9, 1990 |
| Հիմնադիր | Հայաստանի Հանրապետության Ազգային ժողով |
| Երկիր |  Հայաստան |
| Գրասենյակ | Երևան, Հայաստան |
| Լուծարվել է | հունիսի 1, 2023 |
| Կայք | hhpress.am |
| էլեկտրոնային փոստ | hh@hhpress.am |
«Հայաստանի Հանրապետություն», կրճատ ՀՀ, Հայաստանում 1990-2023 թվականներին լույս տեսած օրաթերթ։ Ստեղծվել է ՀՀ Գերագույն խորհրդի 1990 թվականի սեպտեմբերի 6-ի որոշմամբ։ Սկզբում տպվել է հայերեն և ռուսերեն տարբերակներով՝ որպես Գերագույն խորհրդի պաշտոնաթերթ։ Լուծարվել է 2023 թվականին[1]։
Առաջին համարը լույս է տեսել 1990 թվականի հոկտեմբերի 9-ին։ Առաջին խմբագիրը եղել է Այդին Մորիկյանը։ Հետագայում՝ 1992 թվականի նոյեմբերից «Ռեսպուբլիկա Արմենիա» ռուսերեն տարբերակն առանձնացվել է և սկսել լույս տեսնել որպես առանձին թերթ։ Իսկ «Հայաստանի Հանրապետություն»-ն իբրև Գերագույն խորհրդի, այնուհետև՝ ՀՀ Ազգային Ժողովի պաշտոնաթերթ շարունակել է լույս տեսնել մինչև 2000 թվականի վերջը։ 2001 թվականի Հայաստանի Հանրապետության կառավարության փետրվարի 9-ի որոշմամբ ստեղծվել է «Հանրապետություն» ՓԲԸ-ը, որի հրատարակությունն էլ մինչև 2023 թվականը հանդիսացել է «Հայաստանի Հանրապետություն» օրաթերթը։ Այս կարգավիճակով թերթը սկսել է լույս տեսնել 2001 թվականի ապրիլի 9-ից[2]։ Թերթն ունեցել է սեփական թղթակից նաև Արցախում[3]։
2023 թվականի հունիսի 1-ից «Հայաստանի Հանրապետությունը» դադարել է լույս տեսնելուց[1][4]։
Գլխավոր խմբագիրներ[խմբագրել | խմբագրել կոդը]
- Այդին Մորիկյան (1990 - 1997 թթ.)
- Մեսրոպ Հարությունյան (1997 - 1998 թթ. հունվար)
- Լիզա Ճաղարյան (1998 թ. փետրվար - 1998 թ. հոկտեմբեր)
- Աշոտ Աղաբաբյան (1998 թ. հոկտեմբեր - 2001 թ. փետրվար)
- Տիգրան Ֆարմանյան (2001 թ. ապրիլ - 2019 թ. մայիս)
- Արթուր Ղարագյոզյան (2019 - 2023)[5]
Ծանոթագրություններ[խմբագրել | խմբագրել կոդը]
- ↑ 1,0 1,1 ««Հյաստանի Հանրապետությունը» փակում են՝ բառի ուղղակի և անուղղակի իմաստով».
- ↑ Հայաստանի Հանրապետության կայքի
- ↑ Տվյալներ hayadaran.am կայքից(չաշխատող հղում)
- ↑ ««Հայաստանի Հանրապետություն»-1990-2023». mediamax.am (անգլերեն). Վերցված է 2023 թ․ հունիսի 1-ին.
- ↑ «Հայաստանի հանրապետութուն օրաթերթի մասին spyur.am կայքում». Արխիվացված է օրիգինալից 2014 թ․ հոկտեմբերի 6-ին. Վերցված է 2014 թ․ դեկտեմբերի 12-ին.