Կատերինա Օմելչուկ

Կատերինա Օմելչուկ
Ծնվել է	մարտի 17, 1982 (42 տարեկան)
Ծննդավայր	Կիև, Ուկրաինական ԽՍՀ, ԽՍՀՄ
Քաղաքացիություն	Ուկրաինա
Կրթություն	Գեղարվեստի և ճարտարապետության ազգային ակադեմիա
Մասնագիտություն	նկարչուհի
Թեմաներ	գեղանկարչություն
Անդամակցություն	Ուկրաինայի նկարիչների ազգային միություն
Կայք	omelchuk.com
	Kateryna Omelchuk Վիքիպահեստում

Կատերինա Վլադիմիրովնա Օմելչուկ (ուկրաիներեն՝ Омельчук Катерина Володимирівна, մարտի 17, 1982(1982-03-17), Կիև, Ուկրաինական ԽՍՀ, ԽՍՀՄ), ուկրաինացի նկարչուհի, կիևցի գեղանկարիչ, Ուկրաինայի նկարիչների ազգային միության անդամ։

Կրթություն

1992-2000 թվականներին սովորել է Տարաս Շևչենկոյի անվան պետական գեղարվեստական միջնակարգ դպրոցի գեղանկարչության դասարանում։ Գեղանկարչության դասատուներն են եղել Յուրի Եվգենևիչ Գոնչարենկոն և Տատյանա Վլադիմիրովնա Դավիդովան։
1996-1998 թվականներին սովորել է Կիևի պետական համալսարանին կից մշակույթի և արվեստի գեղարվեստական ձևավորման արվեստանոցում։ Ստացել է գեղարվեստական ձևավորման ուսուցչի մասնագիտություն։
2000-2006 թվականներին սովորել է Կերպարվեստի և ճարտարապետության ազգային ակադեմիայի գեղանկարների վերականգնման ֆակուլտետում։
2004 թվականից՝ Ուկրաինայի նկարիչների ազգային միության Կիևյան բաժանմունքի երիտասարդական միավորման անդամ։
2008 թվականից՝ Ուկրաինայի նկարիչների ազգային միության անդամ։

Ակադեմիայում ուսումնառության ընթացքում մասնակցել է Գ. Մ. Յագոդկինի և Ի. Յու. Մելնիչուկի ղեկավարությամբ կազմակերպված գեղարվեստական ստեղծագործության համաժողովներին, ինչպես նաև 2004 թվականի ընթացքում սովորել է պրոֆեսոր Վասիլի Զաբաշտայի բնանկարների արվեստանոցում։ Մանկավարժներից նրա ստեղծագործական գործունեության ձևավորման վրա հատկապես մեծ ազդեցություն են ունեցել գեղանկարչության այնպիսի վարպետներ, ինչպիսիք են Ալեքսանդր Պետրովիչ Շերեմետը, Հենրիխ (Գենադի) Նիկոլաևիչ Յագոդկինը, Նատալյա Վյատչեսլավովնա Զոզուլյան, Վասիլի Իվանովիչ Զաբաշտան և Իգոր Յուլյանովիչ Մելնիչուկը։

Ստեղծագործական գործունեություն

Ակտիվ մասնակցություն է ունեցել մրցանակաբաշխությունների, ֆորումների, ստեղծագործական հավաքների, գեղարվեստական ակցիաների։ Ցուցահանդեսային գործունեությունը սկսել է 2000 թվականից, «Բնապատկերներ» անհատական ցուցահանդեսի բացմամբ, որը կազմակերպվել է Կիևի Դարնիցկի շրջանային մշակութային գեղարվեստական կենտրոնում։ Կիևի ստեղծագործող երիտասարդության ֆորումի բազմակի մրցանակակիր է «Գեղանկարչություն, գծանկարչություն, քանդակագործություն» անվանակարգում (2005-2008)^[1]։ Ավելի քան 40 համաուկրաինական, միջազգային, անհատական գեղարվեստական ցուցահանդեսների մասնակից է, որոնցից նշանակալիներն են՝

Գեղարվեստական ակցիա «Կիևյան սյուիտ», որը կազմակերպվել էր Ուկրաինայի նկարիչների ազգային միության նախագահ Հրանտի միջոցներով, ք. Կիև (2005)։
Ուկրաինայի և Իտալիայի նկարիչների միջազգային ցուցահանդես «Սուրբ Միքայել Հրեշտակապետի թևերի ներքո», Կիև-Հռոմ (2006)։
Միջազգային գեղարվեստական լվովյան աշնանային սալոն «Բարձր ամրոց-2008 թվական», Արվեստի պալատ, ք. Լվով։
Համաուկրաինական տրիեննալե «Գեղանկարչություն-2007 թվական», կազմակերպված Ուկրաինայի նկարիչների ազգային միության կողմից, ք. Կիև (2007)։
«Ուկրաինան տրիպոլյաից մինչև մեր ժամանակները» (2008), Ուկրաինայի նկարիչների ազգային միություն, Կիև։

Նկարչուհու աշխատանքները

Կատերինան աշխատում է բնանկարի, նատյուրմորտի, դիմանկարի գեղանկարչության բնագավառում, ինչպես նաև պատկերավոր սիմվոլիզմի ոճով։ Նկարչուհու ստեղծագործությունները գտնվում են Ուկրաինայի, Իտալիայի, Իսպանիայի, Ֆրանսիայի, Հոլանդիայի, Կանադայի, ԱՄՆ-ի, Գերմանիայի, Ավստրալիայի, Նոր Զելանդիայի և այլ երկրների մասնավոր հավաքածուներում։

Ծանոթագրություններ

↑ «Журнал Художники України, №16 – 2005. Катерина Омельчук». Бібліотека українського мистецтва (ուկրաիներեն). Վերցված է 2020 թ․ հուլիսի 19-ին.

Արտաքին հղումներ

Պաշտոնական կայք

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Կատերինա Օմելչուկ կատեգորիայում։

[1] «Журнал Художники України, №16 – 2005. Катерина Омельчук». Бібліотека українського мистецтва (ուկրաիներեն). Վերցված է 2020 թ․ հուլիսի 19-ին.

[1]