Կամո Արզումանյան

Կամո Արզումանյան
Ծնվել է	մայիսի 14, 1956(1956-05-14) (62 տարեկան)
Ծննդավայր	Եղվարդ, Սյունիքի մարզ, Հայաստան, ԽՍՀՄ
Կրթություն	Ռուսաստանի թատերական արվեստի համալսարան
Քաղաքացիություն	ԽՍՀՄ  Հայաստան
Ազգություն	հայ
Մասնագիտություն	դերասան
Պարգևներ և մրցանակներ	Հայաստանի Հանրապետության վաստակավոր արտիստ, Մովսես Խորենացու մեդալ, Գարեգին Նժդեհ մեդալ և ՀՀ մշակույթի նախարարության ոսկե մեդալ

Կամո Արզումանյան (մայիսի 14, 1956(1956-05-14), Եղվարդ, Սյունիքի մարզ, Հայաստան, ԽՍՀՄ), հայ դերասան։ ՀՀ վաստակավոր արտիստ (2003)։

Կենսագրություն

Կամո Արզումանյանը ծնվել է 1956 թվականին, ՀԽՍՀ Կապանի շրջանի Եղվարդ գյուղում (այժմ՝ ՀՀ Սյունիքի մարզ)։ Ավարտել է Եղվարդի միջնակարգ դպրոցը, ծառայել խորհրդային բանակում, արժանացել բանակի գերազանցիկ մեդալի, ընտրվել Բեռլինի համաբանակային կոնֆերանսի պատվիրակ։ 1978 թվականին որպես դերասան հանդես է եկել Կապանի Ալեքսանդր Շիրվանզադեի անվան պետական դրամատիկական թատրոնում, միաժամանակ, 1979-1984 թվականներին՝ սովորել Ռուսաստանի թատերական արվեստի համալսարանում։ 1991 թվականից Կապանի պետական թատրոնի տնօրենն է։
Մասնակցել է Արցախյան ազատամարտին։ 2006 թվականին լույս է տեսել արձակագիր Էդուարդ Զոհրաբյանի «Ինչպես մի լեռ Խուստուփ...» գիրքը Կամո Արզումանյանի մասին։

Ներկայացումներ

Դեր	Ստեղծագործության հեղինակ	Ներկայացում
Հմայակ Վառլամյան	Ալեքսանդր Շիրվանզադե	«Արմենուհի»
Ներսե իշխան	Մուրացան	«Ռուզան»
Սավելլա	Շեյլի	«Չենչի»
Ալոզո	Ուիլյամ Շեքսպիր	«Փոթորիկ»
Սուր	Հակոբ Պարոնյան	«Պաղտասար ախպար»
Փիլոյան	Ժիրայր Անանյան	«Տաքսի-տաքսի»

Եղիշե Չարենցի «Կապկազ թամաշա» ներկայացումով հանդես է եկել Մոսկվայի Մայակովսկու անվան թատրոնում և արժանանացել ՀԼԿԵՄ մրցանակի։

Ֆիլմեր

Ֆիլմ	Տարեթիվ
«Թռիչքն սկսվում է երկրից»	1980
«Կորուսյալ դրախտ»	1991
«Երևան ջան»	2002
«Տխուր փողոցի լուսաբացը»	2008

Պարգևներ, մրցանակներ

• ՀՀ վաստակավոր արտիստ, 2003 թ.
• Մովսես Խորենացու մեդալ, 2006 թ.
• Ակսել Բակունց մեդալ, 2011 թ.
• Վազգեն Սարգսյան մեդալ, 2012 թ.
• Մայրական երախտագիտություն մեդալ
• Լորիս Մելիքով մեդալ
• Գարեգին Նժդեհ մեդալ, 2014 թ.
• ՀՀ մշակույթի նախարարության ոսկե մեդալ, 2015 թ.
• ԵԿՄ 20-ամյակի մեդալ, 2015 թ.