Էդուարդ Զոհրաբյան

Վիքիպեդիայից՝ ազատ հանրագիտարանից
Jump to navigation Jump to search
Էդուարդ Զոհրաբյան
Էդուարդ Զոհրաբյան.jpg
Ծնվել էնոյեմբերի 10, 1937(1937-11-10)
ԾննդավայրԲարձրավան, Սյունիքի մարզ, Հայաստան, ԽՍՀՄ
Վախճանվել էհուլիսի 4, 2009(2009-07-04) (71 տարեկանում)
Վախճանի վայրԳորիս
Մասնագիտությունարձակագիր
Ազգությունհայ
ՔաղաքացիությունFlag of Armenia.svg Հայաստան
ԿրթությունՀայկական պետական մանկավարժական համալսարան
ԱնդամակցությունՀայաստանի գրողների միություն
Պարգևներսպորտի վարպետ
Էդուարդ Զոհրաբյան Վիքիդարանում

Էդուարդ Նիկոլայի Զոհրաբյան (1937, նոյեմբերի 10, Բարձրավան, Գորիսի շրջան - 2009, հուլիսի 4, Գորիս), հայ արձակագիր, բանաստեղծ, թարգմանիչ։

Կենսագրություն[խմբագրել | խմբագրել կոդը]

Ծնվել է Գորիսի շրջանի Բարձրավան գյուղում։ 1966 թվականին ավարտել է Գորիսի թիվ 2 միջնակարգ դպրոցը (էքստեռն կարգով), ապա՝ Երևանի Խաչատուր Աբովյանի անվան հայկական պետական մանկավարժական ինստիտուտի կուլտուրայի ֆակուլտետը և Մոսկվայի հասարակական գիտությունների ակադեմիայի ժուռնալիստիկայի բաժինը։ Աշխատել է շրջանային և հանրապետական մամուլում, հանրապետական ռադիոյում և հեռուստատեսությունում, Արմենպրես գործակալությունում: Խմբագրել է «Նորաթերթ», «Սյունիք», «Մշակ» թերթերը, «Տաթև» ամսագիրը։ 1966 թվականից եղել է ԽՍՀՄ ժուռնալիստների, 1989 թվականից՝ ԽՍՀՄ և Հայաստանի գրողների միությունների անդամ։ Դասավանդել է Գորիսի բուհերում, Երևանի թատրոնի և կինոյի պետական ինստիտուտի Գորիսի մասնաճյուղում։ Եղել է Հայաստանի գրողների միության Սյունիքի բաժանմունքի նախագահը[1]:

Թարգմանել է Եվգենի Շվարցի, Ա. Չխեիձեի, Ա. Ավերչենկոյի և այլոց պիեսները, Ա. Տիշկովի «Ռուդոլֆ Աբելն ամերիկյան դատարանի առջև», մոսկվաբնակ, ռուսագիր Գ. Կարապետյանի «Հայ բանահյուսության գոհարներ» գրքերը, Անդալուզիայի միջնադարյան բանաստեղծների ստեղծագործություններ։ Զոհրաբյանի սցենարներով նկարահանվել են փաստագրական ֆիլմեր[2]:

Երկեր[խմբագրել | խմբագրել կոդը]

Ժողովածուներ

  • «Բողբոջները չբացվեցին»
  • «Ամենքը մի աշխարհ ունեն»
  • «Յոլյաններ»
  • «Հավերժություն»
  • «Ձիեր»
  • «Հին ջրաղացի լեգենդը»[3]
  • «Խնձորեսկ»

Վեպեր

  • «Օրբելյաններ»
  • «Կորած արահետներ»

Պարգևներ[խմբագրել | խմբագրել կոդը]

  • Ռուսաստանի Դաշնության «Փառքի Ոսկե Աստղ» շքանշան
  • ԽՍՀՄ սպորտի վարպետ, 1957
  • Գորիսի պատվավոր քաղաքացի, 2007
  • ՀԳՄ «Գրական վաստակի համար» մեդալ

Ծանոթագրություններ[խմբագրել | խմբագրել կոդը]