Կամիլա Երկանյան
- Վիքիպեդիայում կան հոդվածներ Երկանյան ազգանունով այլ մարդկանց մասին։
Կամիլա Երկանյան | |
---|---|
Ծնվել է | մայիսի 17, 1981 (43 տարեկան) Երևան, Հայկական ԽՍՀ, ԽՍՀՄ |
Երկիր | ԽՍՀՄ և Հայաստան |
Մասնագիտություն | դաշնակահարուհի և բանաստեղծուհի |
Գործիքներ | դաշնամուր |
Կրթություն | Երևանի Կոմիտասի անվան պետական կոնսերվատորիա (2001) |
Անդամակցություն | ՀԳՄ |
Կամիլա Երկանյան-Քեշիշյան (մայիսի 17, 1981, Երևան, Հայկական ԽՍՀ, ԽՍՀՄ), հայ դաշնակահար, բանաստեղծ։ Հայաստանի գրողների միության անդամ (2003), Լիբանանի պետական բարձրագույն կոնսերվատորիայի պրոֆեսոր։
Կենսագրություն[խմբագրել | խմբագրել կոդը]
Կամիլա Երկանյանը ծնվել է 1981 թվականին Երևանում՝ դաշնակահար, դիրիժոր Սեդրակ Երկանյանի և երաժշտագետ, դաշնակահար Թամար Հովհաննիսյանի ընտանիքում։ 2001 թվականին ավարտել է Երևանի Կոմիտասի անվան պետական կոնսերվատորիան, 2003 թվականին՝ կոնսերվատորիայի ասպիրանտուրան։ 2004 թվականին ամուսնու՝ շվիահար, դուդուկահար Զաքար Քեշիշյանի հետ հիմնել է «Հայկական խճանկար» դուետը[1], 2015 թվականին դաշնակահարուհի Արմինե Աբաջյան-Բասմաջյանի հետ ստեղծել են «Կամար» դաշնամուրային դուետը, որը 2016 թվականին մենահամերգով հանդես է եկել Երևանի Արամ Խաչատրյանի տուն-թանգարանում[2]։
Մենահամերգներով, ինչպես նաև սիմֆոնիկ նվագախմբի հետ հանդես է եկել Կիպրոսում, Եգիպտոսում, Սիրիայում, Լիբանանում, Հայաստանում և Արցախում։
Սկավառակագրություն[խմբագրել | խմբագրել կոդը]
- «Բեթհովենի 3-րդ կոնցերտ» (դաշնամուրի և սիմֆոնիկ նվագախմբի համար, 1996)
- «Նռնենի» (2006)
- «Հայկական խճանկար» (2 ձայնասկավառակ, 2009)
Գեղարվեստական գործունեություն[խմբագրել | խմբագրել կոդը]
Կամիլա Երկանյան-Քեշիշյանը զբաղվել է գեղանկարչությամբ, մետաքսանկարչությամբ, գրել է բանաստեղծություններ, ձևավորել իր գրքերը։ Նրա երկերը տպագրվել են հայաստանյան և արտերկրի մի շարք հայալեզու թերթերում և հանդեսներում, ալմանախներում[1]։ Կամիլա Երկանյան-Քեշիշյանի բանստեղծությունների հիման վրա գրվել են մի շարք վոկալ-նվագարանային ստեղծագործություններ։
Գրքեր[խմբագրել | խմբագրել կոդը]
- «Այս տողը իմ տունն է» (1999)
- «Ձեզ նայելիս» (2001)
- «Ղովտի կին» (2002)
- «Քարի ու իմ միջև» (2004)
- «Բառահանդես» (2007)
Մրցանակներ[խմբագրել | խմբագրել կոդը]
- Առնո Բաբաջանյանի անվան մրցույթի դափնեկիր, 1993
- «Այս տողը իմ տունն է» ժողովածուի համար արժանացել է Ռուբեն Սևակի անվան գրական մրցանակի, 1999
- «Ձեզ նայելիս» ժողովածուի համար արժանացել է ԱՄՆ-ի Համահայկական գրական մրցանակաբաշխության «Սեպուհ Սարգսյան» մրցանակի, 2001
- Արցախի գրողների միության պատվոգրեր, 2007, 2010
- Արցախի մշակույթի նախարարության պատվոգիր, 2008
- Արցախի վարչապետի երախտագիտության մեդալ, 2017
Ծանոթագրություններ[խմբագրել | խմբագրել կոդը]
- ↑ 1,0 1,1 Կամիլա Երկանյանի կենսագրությունը zarkfoundation.com կայքում
- ↑ «ԿԱՄԻԼԱ ԵՐԿԱՆՅԱՆ-ՔԵՇԻՇՅԱՆ. «Աղավաղված հայ մշակույթը ոչ մե՛զ է պետք, ոչ էլ՝ օտարին» - thearmenians.am». thearmenians.am (անգլերեն). Վերցված է 2018 թ․ մայիսի 17-ին.
Արտաքին հղումներ[խմբագրել | խմբագրել կոդը]
- Կամիլա Երկանյան-Քեշիշյան, Արցախի հեռուստաընկերություն(չաշխատող հղում)
- ՆԵՐԿԱՊՆԱԿ /ԿԱՄԻԼԱ ԵՐԿԱՆՅԱՆ-ՔԵՇԻՇՅԱՆ/ 16.09.2016
Վիքիդարանն ունի նյութեր, որոնք վերաբերում են «Կամիլա Երկանյան» հոդվածին։ |
|