Լուկա Կայոլի
Լուկա Կայոլի | |
---|---|
Ծնվել է | 1958[1] |
Ծննդավայր | Միլան, Իտալիա |
Մասնագիտություն | գրող և լրագրող |
Քաղաքացիություն | Իտալիա |
Լուկա Կայոլի (իտալ.՝ Luca Caioli, 1958[1], Միլան, Իտալիա), իտալացի սպորտային լրագրող, գրող, որն առավել հայտնի է դարձել հանրահայտ ֆուտբոլիստների վերաբերյալ իր կենսագրականներով։ Newmag հրատարակչությունը հայերեն է թարգմանել և հրատարակել Կայոլիի «Մեսսի. լեգենդ դարձած տղայի պատմությունը», «Նեյմար. «Պարի Սեն Ժերմենի» բրազիլացի գերաստղի անկասելի վերելքը» և «Ռոնալդու. կատարելության մոլուցք» գրքերը[2]։
Կենսագրություն[խմբագրել | խմբագրել կոդը]
Լուկա Կայոլին ծնվել է 1958 թվականին Միլանում։ Աշխատել է իտալական թերթերում, մասնավորապես, Il Manifesto-ում, L’Unità-ում, La Repubblica-ում և Gazzetta dello Sport սպորտային թերթում։ Աշխատել է նաև Euronews, իտալական RAI և բրիտանական Granada TV հեռուստաընկերությունների սպորտային նախագծերում։
2001 թվականին Լուկա Կայոլին տեղափոխվել է Մադրիդ, որտեղ եղել է իտալական Sky Tg24 հեռուստաընկերության Իսպանիայի թղթակիցը։ Որպես սպորտային մեկնաբան աշխատել է նաև իսպանական La Sexta, Cuatro, Onda Cero և Cadena Ser հեռուստաընկերություններում։ Իսպանական Marca սպորտային օրաթերթի սյունակագիրներից է։ Բացի այդ, համագործակցում է նաև Միլանում հրատարակվող Corriere della Sera օրաթերթի հետ։
Կայոլին ֆուտբոլիստների մասին կենսագրական գրքերի հեղինակ է, որոնք մեծամասնությունը Լա Լիգայում հանդես են եկել 2000-ական և 2010-ական թվականներին։ Այդ ֆուտբոլիստների թվում են Լիոնել Մեսսին, Ռոնալդինյոն, Զինեդին Զիդանը, Կրիշտիանու Ռոնալդուն, Նեյմարը, Ֆերնանդո Տոռեսը, Լուիս Սուարեսը, Կարիմ Բենզեման, Մարիո Բալոտելլին, Անտուան Գրիզմանը, մարզիչներ Վիսենտե դել Բոսկեն և Ռոբերտո Մանչինին։ Կայոլին նաև հեծանվորդ Լենս Արմսթրոնգի մասին պատմող «Լենս Արմսթրոնգի երկակի մարտահրավերը» գրքի հեղինակն է։ Կայոլիի գրքերը ունեն առևտրային հաջողություն և թարգմանվել են տարբեր լեզուներով, այդ թվում նաև հայերեն։ Newmag հրատարակչությունը հայերեն է թարգմանել և հրատարակել Կայոլիի «Մեսսի. լեգենդ դարձած տղայի պատմությունը», «Նեյմար. «Պարի Սեն Ժերմենի» բրազիլացի գերաստղի անկասելի վերելքը» և «Ռոնալդու. կատարելության մոլուցք» գրքերը։
Լուկա Կայոլին ամուսնացած է լրագրող Էլվիրա Կայոլիի հետ։ Նրանք ունեն երկու երեխա։
Ծանոթագրություններ[խմբագրել | խմբագրել կոդը]
- ↑ 1,0 1,1 BNE authority file
- ↑ Newmag. «Լուկա Կայոլի». Newmag Publishing House. Newmag. Վերցված է 2022 թ․ դեկտեմբերի 24-ին.
Արտաքին հղումներ[խմբագրել | խմբագրել կոդը]
- Luca Caioli:Biography (անգլ.)
- El periodista Luca Caioli también da la talla con su primera novela (իսպ.)
- Luca Caioli, el biógrafo de los cracks del fútbol (իսպ.)
- werkstatt-verlag.de:Luca Caioli (գերմ.)