Լուիզ Ոսկերչյան
| Լուիզ Ոսկերչյան | |
|---|---|
 | |
| Հիմնական տվյալներ | |
| Ծնվել է | նոյեմբերի 9, 1922[1] Ուոթերթաուն, Միդլսեքս շրջան, Մասաչուսեթս, ԱՄՆ[1] |
| Երկիր |  ԱՄՆ |
| Մահացել է | մարտի 13, 2000 (77 տարեկան) Միդլսեքս շրջան, Մասաչուսեթս, ԱՄՆ |
| Մասնագիտություն | երաժշտության ուսուցիչ և դաշնակահարուհի |
| Գործիքներ | դաշնամուր[1] |
| Աշխատավայր | Հարվարդի համալսարան[1] և Բրանդեյսի համալսարան[1] |
| Կրթություն | Նոր Անգլիայի կոնսերվատորիա |
Լուիզ Ոսկերչյան (անգլ.՝ Luise Vosgerchian, նոյեմբերի 9, 1922[1], Ուոթերթաուն, Միդլսեքս շրջան, Մասաչուսեթս, ԱՄՆ[1] - մարտի 13, 2000, Միդլսեքս շրջան, Մասաչուսեթս, ԱՄՆ)[2], ամերիկահայ դաշնակահարուհի, մանկավարժ, Հարվարդի համալսարանի պրոֆեսոր[3]։
Կենսագրություն
[խմբագրել | խմբագրել կոդը]Լուիզ Ոսկերչյանը ծնվել է 1922 թվականի նոյեմբերի 9-ին Ուոթերթաուն քաղաքում (ԱՄՆ), հայ էմիգրանտների ընտանիքում[4]։ Սկզբնական երաժշտական կրթությունն ստացել է ծննդավայրում։ 1945 թվականին ավարտել է Բոստոնի «Նյու Ինգլանդ» կոնսերվատորիան (Գ. Օնդրիսեկի դասարան)։ Ուսման տարիներին մենահամերգներով հանդես է եկել Բոստոնում։ 1948 թվականին The New York Times ամսագիրը գրել է նրա մենահամերգներից մեկի մասին[5]։
1949 թվականին կատարելագործվել է Փարիզի կոնսերվատորիայում (ղեկավար՝ Նադիա Բուլանժե), հաճախել նաև ստեղծագործության դասարանի պարապմունքներին։ Ծանոթացել է ժամանակակից ֆրանսիական երաժշտական դպրոցի կատարողական սկզբունքներին, երկերի մեկնաբանման առանձնահատկություններին, հակադիր հնչյունների փոխանցումների վարպետությանը։ Կատարողական երկացանկը հարստացրել է ֆրանսիացի կոմպոզիտորների ստեղծագործություններով։
1956 թվականին վերադարձել է ԱՄՆ. դասավանդել է Բրանդեյսի համալսարանում, 1959-1990 թվականներին՝ Հարվարդի համալսարանի երաժշտության ֆակուլտետում (պրոֆեսոր՝ 1971 թվականից)։ Դասավանդել է ապագա ականավոր շատ երաժիշտների[6]։ Նրա ամենահայտնի ուսանողների թվում են եղել Ալիսոն Չառնին, Յո-Յո Ման, Ջոն Քուլիջ Ադամսը, Բոբի Մաքֆերինը, Սթիվեն Պրուսլինը և Ռիչարդ Սենթ Քլերը[7]։
1958 թվականից մի քանի անգամ հանդես է եկել Բոստոնի (դիրիժորներ՝ Շառլ Մյունշ, Սերգեյ Կուսևիցկի), Նյու Յորքի սիմֆոնիկ նվագախմբերի հետ, մենահամերգներով շրջագայել ԱՄՆ-ում, Գերմանիայում, Ֆրանսիայում, Անգլիայում. երկացանկում ընդգրկված են եղել Յ. Ս. Բախի, Լ. վան Բեթհովենի, Ա. Կրաֆտի, Զ. Կոդայի, Ա. Խաչատրյանի, Ա. Բաբաջանյանի, Աարոն Կոպլենդի և ուրիշների ստեղծագործություններից։
Ֆիզիկոս Բրայան Գրինն իր «Մինչև ժամանակի վերջը» (անգլ.՝ «Until the End of Time») գրքում Ոսկերչյանին նկարագրել է որպես իր ամենաազդեցիկ ուսուցիչներից մեկը՝ նշելով, որ նա «խորը հետաքրքրություն է ցուցաբերել այն բանի նկատմամբ, թե ինչպես են գիտական հայտնագործությունները առնչվում գեղագիտական զգացմունքների հետ»։
Լուիզ Ոսկերչյանը մահացել է 2000 թվականի մարտի 13-ին ԱՄՆ Էքտոն քաղաքում։ Հոգեհանգստյան արարողությունն անցկացվել է Սանդերս թատրոնում[8]։
Հարվարդի համալսարանը սահմանել է Լուիզ Ոսկերչյանի դասախոսական մրցանակ[6]։
Անձնական կյանք
[խմբագրել | խմբագրել կոդը]Լուիզ Ոսկերչյանն ամուսնացած է եղել Կամիլ Պագաջիկի հետ. նրանք ծանոթացել էին 1949 թվականին Փարիզում։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 1,3 1,4 1,5 1,6 1,7 https://news.harvard.edu/gazette/story/2007/02/luise-vosgerchian/
- ↑ «Harvard University Obituary and Death Notice Collection - 83». www.genealogybuff.com. Վերցված է 2021 թ․ հունիսի 6-ին.
- ↑ «Luise Vosgerchian». 2007 թ․ փետրվարի 8.
- ↑ «Luise Vosgerchian». Harvard Gazette (ամերիկյան անգլերեն). 2007 թ․ փետրվարի 8. Վերցված է 2021 թ․ հունիսի 6-ին.
- ↑ «Luise Vosgerchian Gives Piano Recital». 1948 թ․ դեկտեմբերի 20 – via NYTimes.com.
- ↑ 6,0 6,1 «The Luise Vosgerchian Teaching Award». ofa.fas.harvard.edu.
- ↑ «Noted Musician, Professor Vosgerchian Dies | News | The Harvard Crimson». www.thecrimson.com. Վերցված է 2021 թ․ հունիսի 6-ին.
- ↑ In remembrance of Luise Vosgerchian. 2000 թ․ նոյեմբերի 29. OCLC 77990576 – via Open WorldCat.
Այս հոդվածի կամ նրա բաժնի որոշակի հատված վերցված է «Հայ երաժշտության հանրագիտարանից», որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ 
|