Լորա Հարիեր

Վիքիպեդիայից՝ ազատ հանրագիտարանից
Jump to navigation Jump to search
Լորա Հարիեր
Laura Harrier Cannes 2018 2.jpg
Ծնվել էմարտի 28, 1990(1990-03-28) (31 տարեկան)
ԾննդավայրՉիկագո, Իլինոյս, ԱՄՆ[1]
ԿրթությունՈւիլյամ Էսպեր Ստուդիա[2]
ՔաղաքացիությունFlag of the United States.svg ԱՄՆ
Մասնագիտությունդերասանուհի, մոդել, կինոդերասանուհի և հեռուստատեսային դերասանուհի

Լորա Հարիեր (անգլ.՝ Laura Ruth Harrier, մարտի 28, 1990(1990-03-28), Չիկագո, Իլինոյս, ԱՄՆ[1]), ամերիկացի դերասանուհի և մոդել։ Առավել հայտնի է «Մեկ կյանք ապրելու համար» ամերիկյան սերիալում խաղացած Դեսթին Էվանս դերով։ 2017 թվականին «Սարդ-մարդ։ Տունդարձ» ֆիլմում խաղացել է Լիզի դերը[3][4][5]։

Վաղ կյանք[խմբագրել | խմբագրել կոդը]

Հարիերը ծնվել է 1990 թվականի մարտի 28-ին[6] Իլինոյս նահանգի Չիկագո քաղաքում։ Մեծացել է Իլինոյս նահանգի Էվանսթոն քաղաքում[7]։ 2004-2008 թվականներին սովորել է Township Evanston միջնակարգ դպրոցում։ Հայրը աշխատում է ապահովագրական ընկերությունում, իսկ մայրը՝ պաթոլոգոանատոմում[8]։ Ունի կրտսեր եղբայր[9]։

18 տարեկան հասակում Լորան տեղափոխվել է Նյու Յորք՝ Նյու Յորքի համալսարանում Gallatin School of Individualized Study ընդունվելու համար։ Տեղափոխվելուց հետո զբաղվել է մոդելային գործունեությամբ և հետաձգել է համալսարան ընդունվելը[9]։ Այնուամենայնիվ մոդել աշխատելը այն զբաղմունքը չէր, որին նա կարող էր երկար ժամանակ նվիրվել։ Ի վերջո նա որոշում է դերասանուհի դառնալ և ընդունվել Վիլյամ Էսպերի դերասանական դպրոց[8][9]։ Այդ ժամանակից ի վեր նա ապրում է Նյու Յորքում։

Կարիերա[խմբագրել | խմբագրել կոդը]

Դերասանական գործունեություն[խմբագրել | խմբագրել կոդը]

2013 թվականին Հարիերը «Մեկ կյանք ապրելու համար» ամերիկյան սերիալում խաղացել է Դեսթին Էվանսի դերը։ Նկարահանվել է նաև «Վերջին հինգ տարիներ» (2014) և «Համարձակություն ճշմարտությունն ասելու» (2016) ֆիլմերում։

Լորայի առաջին լուրջ դերը եղել է «Սարդ-մարդ։ Տունդարձ» ֆիլմի (2017) գլխավոր հերոսի սիրեցյալի՝ Լիզի դերը։ 2017 թվականի հունիսին հայտարարվել էր, որ Հարիերը Մայքլ Բի Ջորդանի հետ խաղալու է Ռեյ Բրեդբերիի «451 աստիճան ըստ Ֆարենհայթի» նշանավոր վեպի էկրանավորման մեջ (Միլի Մոնտագի դերը)[10]։

Մոդելային աշխատանք և նորաձևություն[խմբագրել | խմբագրել կոդը]

Հարիերը մոդել է եղել Garnier, Urban Outfitters, American Eagle և L’Oréal ընկերություններում։ Հայտնվել է Վոգ, Cosmopolitan, Elle և Glamour ամսագրերի շապիկներին։

2016 թվականին Kenzo-ի ֆրանսիական նորաոճ բրենդի համար նկարահանվել է ռեժիսոր Քերի Բրոնշթեյնի «The Realest Real» կարճամետրաժ ֆիլմում։ Հարիերը ներկայումս Քելվին Քլայն ընկերության և Լուի Վիտոն մոդելային տան մոդել է և իտալական ոսկերչական Bulgari բրենդի դեմքը[11]։

Ֆիլմագրություն[խմբագրել | խմբագրել կոդը]

Տարի Անվանում Բնօրինակ անվանում Դեր Ծանուցում
2013 Մեկ կյանք ապրելու համար One Life to Live Դեսթինի Էվանս 43 էպիզոդում
2014 Հիշեք ամեն ինչ Unforgettable Էմբեր 2 էպիզոդում
2014 Վերջին հինգ տարիները The Last Five Years կին
2015 Համարձակություն ճշմարտությունն ասելու Fourth Man Out Դորոթի Կուդա
2017 Սարդ-մարդ։ Տունդարձ Spider-Man: Homecoming Լիզ
2018 451 աստիճան ըստ Ֆարենհայթի Fahrenheit 451 Միլի Մոնտագ հեռուստաֆիլմ
2018 Սև կլանականը BlacKkKlansman Պատրիս

Ծանոթագրություններ[խմբագրել | խմբագրել կոդը]

  1. 1,0 1,1 1,2 http://abc7chicago.com/entertainment/laura-harrier-star-of-spiderman-homecoming-returns-to-chicago/2127314/
  2. Former StudentsWilliam Esper Studio.
  3. Ethan Anderton (2016-07-25)։ «Spider-Man Homecoming Characters Revealed»։ /Film (en-US)։ Վերցված է 2017-08-07 
  4. Thom Geier (2016-04-15)։ «'Spider-Man: Homecoming' Casts Laura Harrier From 'One Life to Live'»։ TheWrap (en-US)։ Վերցված է 2017-08-07 
  5. Kroll Justin (2016-04-16)։ «Tony Revolori and Laura Harrier Join ‘Spider-Man: Homecoming’»։ Variety (en-US)։ Վերցված է 2017-08-07 
  6. Winer Ethan (2017-12-15)։ «The Audio Expert»։ doi:10.4324/9781315223162 
  7. «AHR Expo returns to Chicago for 2018»։ Filtration + Separation 54 (3): 11։ 2017-05։ ISSN 0015-1882։ doi:10.1016/s0015-1882(17)30114-3 
  8. 8,0 8,1 JOHN ORTVED (06/14/16)։ «Laura Harrier»։ Interview Magazine։ Վերցված է 2017-08-07 
  9. 9,0 9,1 9,2 Weatherford Ashley (հուլիսի 5, 2017)։ «Laughing and Crying With Laura Harrier, the New Star of Spider-Man»։ New York Magazine (անգլերեն)։ Վերցված է 2017-08-07 
  10. Denise Petski (2017-06-26)։ «‘Fahrenheit 451’: Laura Harrier Cast As Millie In HBO Movie»։ Deadline.com (en-US)։ Վերցված է 2017-08-07 
  11. «“Bulgari broke the mold when it made the Octo Finissimo Automatic.”» (անգլերեն)։ Bulgari Magazine։ Արխիվացված է օրիգինալից 2017-08-07-ին։ Վերցված է 2017-08-07