Իվան Գրոհար

Իվան Գրոհար
Ծնվել է	հունիսի 15, 1867(1867-06-15)[…]
Ծննդավայր	Železniki Municipality, Ավստրո-Հունգարիա
Վախճանվել է	ապրիլի 19, 1911(1911-04-19)[…] (43 տարեկան)
Մահվան վայր	Լյուբլյանա, Ավստրո-Հունգարիա
Քաղաքացիություն	Ավստրո-Հունգարիա
Մասնագիտություն	նկարիչ
Ոճ	իմպրեսիոնիզմ
Ժանր	դիմապատկեր
Թեմաներ	գեղանկարչություն
Ուշագրավ աշխատանքներ	The Sower?
Աշակերտներ	Tomaž Seljak?
Ivan Grohar Վիքիպահեստում

Իվան Գրոհար (սլովեներեն՝ Ivan Grohar, հունիսի 15, 1867(1867-06-15)^[…], Železniki Municipality, Ավստրո-Հունգարիա - ապրիլի 19, 1911(1911-04-19)^[…], Լյուբլյանա, Ավստրո-Հունգարիա), սլովեն նկարիչ, իմպրեսիոնիզմի ներկայացուցիչ։ Ռիխարդ Յակոպիչի, Մատեյ Ստեռնենի և Մատիյա Յամայի հետ մեկտեղ՝ համարվում է 19-րդ դարավերջի և 20-րդ դարասկզբի ժամանակաշրջանի սլովենական կերպարվեստի կարևորագույն դեմքերից մեկը; Լայն ճանաչման ու համբավի է արժանացել հակապես իր բնանկարներով ու դիմանկարներով։ Օժտված է եղել նաև երաժշտական ձիրքերով և աչքի է ընկել որպես լավ կիթառահար ու երգիչ։

Կենսագրություն

Մանուկ հասակում Իվանը որբացել է։ Դեռ վաղ հասակից է դրսևորել նկարչական ունակությունները և դրանք զարգացրել է ավագ վարպետների հովանավորության շնորհիվ։ 1894 թվականից, մրցաթոշակ ստանալով, կերպարվեստի գաղտնիքների ու նրբությունների մեջ խորամուխ է եղել Վիեննայում ու Գրացում։ 1896 թվականին իր ստուդիան է բացել հայրենի Սլովենիայում՝ Շկոֆիա Լոկա քաղաքում։ 19-րդ դարի իտալացի նկարիչ խորհրդապաշտ (սիմվոլիստ) նկարիչ Ջովաննի Սեգանտինիի ազդեցությամբ՝ կրոնական թեմաներով կտավներ է վրձնել, գտնվել է նաև խորհրդապաշտ այլ արվեստագետների ազդեցության ներքո։ 1904 թվականին, սլովենցի իմպրեսիոնիստ այլ նկարիչների հետ մեկտեղ, մասնակցել է Ավստրիայի մայրաքաղաք Վիեննայում կազմակերպված ցուցահանդեսին, որը, նաև նրա աշխատանքների շնորհիվ, մեծ հաջողություն է ունեցել։ Դրանից հետո նրա գործերը ցուցադրվել են նաև Լոնդոնում, Բելգրադում, Տրիեստում, Վարշավայում, Բեռլինում...

Մահացել է 1911 թվականի ապրիլի 19-ին՝ 43 տարեկան հասակում, թոքախտից։

Ետմահու ճակատագիրը

Նկարչի մահից մեկուկես տասնամյակ անց՝ 1926 թվականին կազմակերպվել է հատուկ նրա ստեղծագործությանը նվիրված ցուցահանդես։ Անցյալ և ներկա սլովեն արվեստաբաններից շատերը գտնում են, որ Գրոհարի աշխատանքները զգալի ազդեցություն են գործել սլովեն հետագա նկարիչների վրա։ Շատերը համարում են նաև,որ նրա «Սերմնացանը» նկարը խորհրդանշում է սլովենների անցումը գյուղականից քաղաքային մշակույթի։ Ի դեպ, նկարչի այդ աշխատանքը վերարտադրված է սլովենական հինգ եվրո արժողությամբ թղթադրամի վրա։

Գլխավոր գործերը

• Брна (1899)
• Srce Jezusovo (1900)
• Pod Koprivnikom (1902)
• Rafolško polje (1903)
• Pomlad (1903)
• Macesen (1904)
• Škofja Loka v snegu (1905)
• Sejalec (1907)
• Krompir (1909/1910)
• Mož z vozom (1910)
• Črednik (1910)

Պատկերասրահ

• 

  Սերմնացանը

• 

  Բռնո

• 

  Մոր դիմանկարը

• 

  Այգին լուսնալույսով

• 

  Խնձորենի

• 

  Սբ. Ֆրանցիշեկ Քսավերը

• 

  Մատուռ

• 

  Մսուր

• 

  Սիրո երազ

• 

  Լուկա Երանի դիմանկարը

• 

  Կարտոֆիլ հավաքողները

• 

  Խրձված հասկեր

• 

  Բանաստեղծ Ֆրանցե Պրեշերնի դիմանկարը

• 

  Իվան Գրոհարի շիրմաքարը

Գրականություն

• Brejc, Tomaž, Slovenski impresionisti in evropsko slikarstvo, Ljubljana, 1982
• Jaki, Barbara et al, Ivan Grohar: Bodočnost mora biti lepša, Lubiana, 1997
• Podbevšek, Anton, Ivan Grohar: Tragedija slovenskega umetnika, Lubiana, 1937
• Slovenski biografski leksikon, s.v. "Grohar Ivan"
• Stele-Možina, Melita, Likovni zvezki, zv. 3, Ivan Grohar, Lubiana, 1962

Արտաքին հղումներ

• Іван Грохар (սլովեն.)
• Місця, пов'язані з життям та творчістю Івана Грохара (սլովեն.)
• Іван Грохар
• Твори Івана Грохара (անգլ.)