Ժոզեֆ Գեֆս

Վիքիպեդիայից՝ ազատ հանրագիտարանից
Ժոզեֆ Գեֆս
Ծնվել էդեկտեմբերի 23, 1808(1808-12-23)[1][2][3][…]
ԾննդավայրԱնտվերպեն, Բելգիա
Մահացել էհոկտեմբերի 9, 1885(1885-10-09)[3] (76 տարեկան)
Վախճանի վայրըԱնտվերպեն, Բելգիա
Քաղաքացիություն Բելգիա[1]
ԿրթությունՓարիզի Գեղեցիկ արվեստների ազգային բարձրագույն դպրոց
Մասնագիտությունքանդակագործ
Պարգևներ և
մրցանակներ
Officer of the Order of the Oak Crown, Լեոպոլդ I շքանշանի սպա, Order of the Immaculate Conception of Vila Viçosa,

Prix de Rome? (1836)

և Սպիտակ բազեյի շքանշան
ԵրեխաներJoris Geefs? և Eugene Geefs?
 Joseph Geefs Վիքիպահեստում

Ժոզեֆ Գեֆս (հոլ.՝ Jozef Geefs, ֆր.՝ Joseph Germain Geefs), դեկտեմբերի 23, 1808(1808-12-23)[1][2][3][…], Անտվերպեն, Բելգիա - հոկտեմբերի 9, 1885(1885-10-09)[3], Անտվերպեն, Բելգիա[4]), բելգիացի քանդակագործ, Գիյոմ Գեֆսի եղբայրն է[5]։

Եղբոր հետ միասին նախ սովորել է Անտվերպենի արվեստի ակադեմիայում (1824-1833 թվական), այնուհետև Փարիզի Գեղեցիկ արվեստների դպրոցում (Ժյուլ Էտյեն Ռամեի մոտ)։ Եղել է Հռոմեական մրցանակի դափնեկիր, որի շնորհիվ մի քանի տարի անցկացրել է Իտալիայում։

1841 թվականից եղել է Անտվերպենի արվեստի ակադեմիայի պրոֆեսոր, իսկ 1876 թվականից` դրա տնօրենը։ Նրա աշակերտներից են եղել, մասնավորապես, Ժոզեֆ Լամբոն և Ի. Մյուլլերը։

Եղել է Բելգիայի թագավորական ակադեմիայի անդամ (1846 թվական

Անտվերպենի Լեոպոլդ I-ի ձիարձանի, Բրյուգգեի քաղաքային վարչության քանդակախմբերի, Անտվերպենի Բուրլա թատրոնի, անտվերպենյան կենդանաբանական այգու, Բրյուսելի հյուսիսային կայարանի (չի պահպանվել) հեղինակն է։ Գեֆսի աշխատանքներից առավել հայտնի է «Չար ոգու» արձանը` Լիեժի Սուրբ Պավելի մայր տաճարի համար (1842 թվական), որը ծխական համայնքի կողմից վերադարձվել է այն բացատրությամբ, որ այն շեղել է հավատացյալների ուշադրությունը. այդ արձանի փոխարեն տաճարում ներկայացվել է Գիյոմ Գեֆսի արձանը (1848 թվական), իսկ նրա եղբոր աշխատանքը այժմ գտնվում է Բրյուսելի Գեղեցիկ արվեստների թագավորական թանգարանում։

Ծանոթագրություններ[խմբագրել | խմբագրել կոդը]

  1. 1,0 1,1 1,2 RKDartists (նիդերլ.)
  2. 2,0 2,1 Josef GeefsOUP, 2006. — ISBN 978-0-19-977378-7
  3. 3,0 3,1 3,2 3,3 3,4 Biographie Nationale de Belgique (ֆր.) / Académie royale des sciences, des lettres et des beaux-arts de BelgiqueBXL.
  4. Որոշ աղբյուրներում որպես մահվան վայր նշվում է Բրյուսելը։
  5. Сомов А. И. (1890–1907)։ «Гэфс»։ Բրոքհաուզի և Եֆրոնի հանրագիտական բառարան: 86 հատոր (82 հատոր և 4 լրացուցիչ հատորներ)։ Սանկտ Պետերբուրգ