Ժաննա Բլբուլյան

Վիքիպեդիայից՝ ազատ հանրագիտարանից
Jump to navigation Jump to search
Ժաննա Բլբուլյան
Ծնվել էմարտի 24, 1947(1947-03-24) (74 տարեկան)
Նոր Բայազետ, Հայկական ԽՍՀ, ԽՍՀՄ
ԵրկիրFlag of the Soviet Union.svg ԽՍՀՄ, Flag of Armenia.svg Հայաստան և Flag of France.svg Ֆրանսիա
Մասնագիտությունդերասանուհի և կոմպոզիտոր
ԿրթությունԱլեքսանդր Սպենդիարյանի անվան երաժշտական մասնագիտական դպրոց, Ռոմանոս Մելիքյանի անվան երաժշտական ուսումնարան և Երևանի Կոմիտասի անվան պետական կոնսերվատորիա (1974)
Կայքjanna-melodie.com

Ժաննա Ռաֆիկի Բլբուլյան (մարտի 24, 1947(1947-03-24), Նոր Բայազետ, Հայկական ԽՍՀ, ԽՍՀՄ), հայ երգահան, դերասանուհի[1]։

Բանաստեղծ Լևոն Բլբուլյանի քույրն է։

Կենսագրություն[խմբագրել | խմբագրել կոդը]

Սովորել է Երևանի Սպենդիարյանի անվան երաժշտական դպրոցում, Ռոմանոս Մելիքյանի անվան երաժշտական ուսումնարանի դաշնամուրի բաժնում, 1968-1974 թվականներին՝ Երևանի Կոմիտասի անվան պետական կոնսերվատորիայում։

1966-1970 թվականներին զուգահեռ սովորել է «Հայֆիլմ» կինոստուդիային կից կինոդերասանի ստուդիայում՝ ստանալով կինոյի և թատրոնի դերասանի որակավորում։

Դասավանդել է Ապարանի, Եղվարդի, Արարատի երաժշտական դպրոցներում։

Որպես դերասանուհի աշխատել է հեռուստատեսությունում, Երևանի Հրաչյա Ղափլանյանի անվան պետական դրամատիկական, Գաբրիել Սունդուկյանի անվան ազգային ակադեմիական թատրոններում։ 1980-1994 թվականներին եղել է Երևանի Պարոնյանի անվան երաժշտական կոմեդիայի պետական թատրոնի առաջատար դերասանուհի։ Տասնյակից ավելի գլխավոր դերեր է կերտել թատրոնում, մի շարք դերեր է խաղացել հեռուստաթատրոնում։ 1990-1993 թվականներին աշխատել է Երևանի Խաչատուր Աբովյանի անվան պետական մանկավարժական ինստիտուտի կինոռեժիսորական ֆակուլտետում՝ որպես բեմական խոսքի մասնագետ։

Հեղինակել է բազմաթիվ երգեր, երաժշտական մանրանվագներ, էտյուդներ, վալսեր, տանգոներ, որոնք կատարվել են Հայաստանում և արտերկրում։ Նրա ստեղծագործությունների զգալի մասը ձայնագրվել է Հայաստանի Հանրային ռադիոյի էստրադային-սիմֆոնիկ նվագախմբի կողմից և տեղ գտել ռադիոյի ձայնադարանային ֆոնդում։

Ձայներիզներ[խմբագրել | խմբագրել կոդը]

  • «Հանդիպման տանգո»
  • «Իմ մեղեդիները»
  • «Խաչված սրտեր»
  • «L’Envole»
  • «Eternity»

Համագործակցել է մի շարք արվեստագետների հետ՝ Երվանդ Երզնկյան, Արամ Սաթյան, Ռուբեն Ամիրբեկյան, Արտակ Հակոբյան, Մարտին Վարդազարյան, Արա Թորոսյան (Մուրզո), Ջիպսի Քինգս, Ժան Մյուզի, Լոալվա Բրազ, Գրեգորի Հյուբեն, Մալյա, Ժերիկա, Նառա Նոյան (դուստրը), Էնիկո Սիլագի, Ժան Կրիշմար, Բերնար Տիրտիո, Լևոն Բլբուլյան, Ժորժ Գոդֆրուա, Անահիտ Մանուկյան, Սյուզան Մարգարյան, Լեյլա Սարիբեկյան, Միստր Իքս, Սոֆի Դևոյան։

1994 թվականից բնակվում և ստեղծագործում է Փարիզում։

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]