Մարտին Վարդազարյան

Մարտին Վարդազարյան
Ծնվել է	ապրիլի 4, 1938 (85 տարեկան); Երևան, Հայկական ԽՍՀ, ԽՍՀՄ
Երկիր	Հայաստան
Ժանրեր	Ջազը Հայաստանում
Մասնագիտություն	ջազ երաժիշտ
Կրթություն	Երևանի Կոմիտասի անվան պետական կոնսերվատորիա
Անդամակցություն	Հայաստանի կոմպոզիտորների միություն
Պարգևներ	, Երևանի պատվավոր քաղաքացի և Հայաստանի ժողովրդական արտիստ

Վիքիպեդիայում կան հոդվածներ Վարդազարյան ազգանունով այլ մարդկանց մասին:

Մարտին Ցոլակի Վարդազարյան (ապրիլի 4, 1938, Երևան, Հայկական ԽՍՀ, ԽՍՀՄ), հայ ջազային երաժիշտ, Հայաստանի ժողովրդական արտիստ (2011), պրոֆեսոր։ Երաժշտություն է գրել ավելի քան 100 թատերական պիեսների համար, 5 մյուզիքլի և 40 ֆիլմի երաժշտության հեղինակ է^[2]։

Կենսագրություն[խմբագրել | խմբագրել կոդը]

Մարտին Վարդազարյանը ծնվել է 1938 թվականի ապրիլի 4-ին Երևանում։ Նրա հայրը՝ երաժիշտ Ցոլակ Վարդազարյանը եղել է հայկական ջազի հիմնադիրներից։ 1956-1958 թվականներին աշխատել է «Նաիրի» կինոթատրոնի նվագախմբում՝ որպես դաշնակահար։ 1961 թվականին ավարտել է Երևանի պետական կոնսերվատորիայի դաշնամուրային, և 1970 թվականին՝ կոմպոզիտորական բաժինը։ 1956-1960 թվականներին նվագել է Հայաստանի պետական ռադիոկոմիտեի կվինտետում։ 1961-1963 թվականներին ղեկավարել է «Մոսկվա» կինոթատրոնի նվագախումբը։ Նվագախմբեր է ձևւավորել «Երևան նախագծին» և Պետական համալսարանին առընթեր։ 1966-1972 թվականներին զբաղեցրել է Հայաստանի պետական ռադիոյի և հեռուստատեսության էստրադային անսամբլի գեղարվեստական ղեկավարի պաշտոնը։ 1971-1974 թվականներին դասավանդել է Խաչատուր Աբովյանի անվան Հայկական պետական մանկավարժական համալսարանի արվեստի ֆակուլտետում։ 1974-1989 թվականներին եղել է Հայաստանի կոմպոզիտորների տան գեղարվեստական ղեկավարը։ 1990 թվականից Հայաստանի հանրային հեռուստառադիոյի էստրադային սիմֆոնիկ նվագախմբի խմբավարն է և խորհրդատուն։ 1994 թվականից «Հայկական երաժշտական համաժողով» հասարակական կազմակերպության անդամ է։ Դասավանդում է Կոմիտասի անվան պետական կոնսերվատորիայի ջազ-էստրադային ֆակուլտետում^[3] 2009 թվականից ընտրվել, 2013 թվականին վերընտրվել է Երևան քաղաքի ավագանու անդամ ՀՀԿ համամասնական ընտրացուցակով^[4]։

Պարգևներ[խմբագրել | խմբագրել կոդը]

ՀԽՍՀ մշակույթի վաստակավոր գործիչ (1990)
Հայաստանի ժողովրդական արտիստ (2011)^[5]
«Հայրենիքին մատուցած ծառայությունների համար» 1-ին աստիճանի շքանշան (2017)^[6]
Երևանի պատվավոր քաղաքացի (2007)

Ծանոթագրություններ[խմբագրել | խմբագրել կոդը]

↑ http://armradioarchive.am/ar/Pyptei8
↑ Հարցազրույց Մարտին Վարդազարյանի հետ. Նոյեմբերի 18, 2011
↑ Մշակույթի կենտրոն. Մարտին Վարդազարյան(չաշխատող հղում)
↑ Մարտին Վարդազարյան
↑ Հայաստանի Հանրապետության պատվավոր կոչումներ շնորհելու մասին
↑ «ՀՀ Նախագահի հրամանագրերը - Փաստաթղթեր - Հայաստանի Հանրապետության Նախագահ»։ նախագահ.հայ։ Վերցված է 2017 թ․ սեպտեմբերի 21

[_0f5143f4d3946ba1-1] ttp://armradioarchive.am/ar/Pyptei8

[2] Հարցազրույց Մարտին Վարդազարյանի հետ. Նոյեմբերի 18, 2011

[3] Մշակույթի կենտրոն. Մարտին Վարդազարյան(չաշխատող հղում)

[4] Մարտին Վարդազարյան

[5] Հայաստանի Հանրապետության պատվավոր կոչումներ շնորհելու մասին

[6] «ՀՀ Նախագահի հրամանագրերը - Փաստաթղթեր - Հայաստանի Հանրապետության Նախագահ»։ նախագահ.հայ։ Վերցված է 2017 թ․ սեպտեմբերի 21

[1]

[2]

[3]

[4]

[5]

[6]