Արամ Սաթյան

Վիքիպեդիայից՝ ազատ հանրագիտարանից
Jump to navigation Jump to search
Արամ Սաթյան
Aram Satyan.jpg
Ծնվել էմայիսի 23, 1947(1947-05-23) (72 տարեկան)
ՔաղաքացիությունFlag of Armenia.svg Հայաստան
Ազգությունհայ
ԿրթությունՄոսկվայի Չայկովսկու անվան պետական կոնսերվատորիա
Մասնագիտությունկոմպոզիտոր և երաժիշտ
Պարգևներ և
մրցանակներ
Հայաստանի Հանրապետության արվեստի վաստակավոր գործիչ «Հայրենիքին մատուցած ծառայությունների համար» 1-ին աստիճանի մեդալ և ՀՀ մշակույթի նախարարության ոսկե մեդալ
ԱնդամությունՀայաստանի կոմպոզիտորների միություն
Aram Satian Վիքիպահեստում

Արամ Արամի Սաթյան (1947, մայիսի 23, Երևան), հայ կոմպոզիտոր, երգահան։ ՀՀ արվեստի վաստակավոր գործիչ (2011Հայաստանի կոմպոզիտորների միության նախագահ։

Կենսագրություն[խմբագրել | խմբագրել կոդը]

Արամ Սաթյանը ծնվել է 1947 թ. մայիսի 23-ին, Երևանում։

1961 թ. ավարտել է Երևանի Սպենդիարյանի անվան երաժշտական դպրոցը և առաջին պրոֆեսիոնալ քայլերը արել է Երևանի Ռ. Մելիքյանի անվան երաժշտական ուսումնարանում։

1970 թ. ավարտել է Երևանի Կոմիտասի անվան պետական կոնսերվատորիայի ստեղծագործական բաժինը, որից հետո կատարելագործվել է Մոսկվայում։

1969 թ. Մոսկվայի երիտասարդ կոմպոզիտորների համամիութենական ստուգատեսում «Սիմֆոնիկ վարիացիաներ» ստեղծագործության համար ստացել է առաջին մրցանակը։

1970 թվականից եղել է ԽՍՀՄ Կոմպոզիտորների միության անդամ։

1973-80 թվականներին աշխատել է ՀԽՍՀ հեռուստառադիոպետկոմում՝ որպես երաժշտական խմբագիր, 1980-1986 թվականներին՝ Երևանի Բաբաջանյանի անվան երաժշտական ուսումնարանում՝ որպես երաժշտության տեսության բաժնի վարիչ։

1981-1984 թվականներին սովորել է Երևանի կոնսերվատորիայի ասպիրանտուրայում և հրավիրվել դասավանդելու ստեղծագործական բաժնում։

1990-1994 թվականներին եղել է Երևանի Կամերային նվագախմբի գեղարվեստական ղեկավարը, 1994-1997 թվականներին՝ Հայաստանի հեռուստառադիո պետական վարչության երաժշտական ծրագրերի և խմբերի տնօրենը ու գեղարվեստական ղեկավարը։

Երևանի կոնսերվատորիայի պրոֆեսոր է։ Արժանացել է բազմաթիվ մրցանակների տարբեր հանրապետական մրցույթներում՝ 1981 թ.` ՀԽՍՀ կոմերիտմիության Պետական մրցանակ, 1976 թ.` «Առաջին սիրո հեքիաթն իմ», 1985 թ.` «Արդյոք հիշում ես», 1991 թ.` «Հուսո աղոթք» երգերը՝ «Լավագույն երգ»: Գրել է «Լիլիթ», «Փոքրիկ Ցախեսը», «Մանեկեն» փոփ օպերաները, «Մենք դաշնամուր ենք նվագում» բալետը, 3 սիմֆոնիա, մի շարք կոնցերտներ, բազմաթիվ սիմֆոնիկ և կամերային ստեղծագործություններ, ավելի քան 300 երգեր և ռոմանսներ, երաժշտություններ կինոյի և թատրոնի համար։ «Լիլիթը» գրվել է 1983 թվականին և համարվում է այդ ժանրում գրված առաջին հայկական ստեղծագործությունը[1]։

Արամ Սաթյանը թողարկել է բազմաթիվ ձայնապնակներ, ձայներիզներ Հայաստանում, Ռուսաստանում, ԱՄՆ-ում, Ֆրանսիայում, Արգենտինայում, ունի ֆոնդային ձայնագրություններ։ 2013 թ. ընտրվել է Հայաստանի կոմպոզիտորների միության նախագահ։

Հայրը՝ Արամ Սաթունցը, և հորեղբայրը՝ Աշոտ Սաթյանը, ևս նշանավոր կոմպոզիտորներ էին։

2013 թվականին ընտրվել է Հայաստանի կոմպոզիտորների և երաժշտագետների միության նախագահ։

Սաթյան երաժշտական տոհմը[խմբագրել | խմբագրել կոդը]

Պարգևներ և կոչումներ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

External links[խմբագրել | խմբագրել կոդը]