Առնո Բաբաջանյանի անվան պետական երաժշտամանկավարժական քոլեջ
| Առնո Բաբաջանյանի անվան պետական երաժշտամանկավարժական քոլեջ | |
|---|---|
| Տեսակ | քոլեջ |
| Հիմնադրված է | հոկտեմբերի 1, 1967 |
| Անվանված է | Առնո Բաբաջանյան |
| Տնօրեն | Ա. Հարությունյան |
| Երկիր |  Հայաստան |
| Տեղագրություն | Երևան |
| Հասցե | Երևան, Ազատության 18 |
| Կայք | babajanyancollege.am |
Առնո Բաբաջանյանի անվան երաժշտամանկավարժական քոլեջ, երաժշտական ուսումնական հաստատություն Երևանում, հիմնադրվել է 1967 թվականի հոկտեմբերի 1-ին։
Պատմություն[խմբագրել | խմբագրել կոդը]
Հայաստանի կրթության և գիտության նախարարի 2003 թվականի օգոստոսի 1-ի N 559-Ա/Ք հրամանով Առնո Բաբաջանյանի անվան երաժշտամանկավարժական ուսումնարանն անվանափոխվել է Առնո Բաբաջանյանի անվան պետական երաժշտամանկավարժական քոլեջի[1]։ Ուսումնարանը կրում է հայ կոմպոզիտոր Առնո Բաբաջանյանի անունը։ Քոլեջը երաժշտական միջնակարգ մասնագիտական կրթություն է տվել շուրջ 4500 պատանիների։ Շրջանավարտներից լավագույններն արդի հայ երաժշտարվեստի անվանի գործիչներ են՝ ՀՀ ժողովրդական ու վաստակավոր արտիստներ, միջազգային ու հանրապետական մրցույթների դափնեկիրներ, տարբեր պարգևների և շքանշանների արժանակիրներ՝ երգիչներ Գեղամ Գրիգորյան, Էմմա Պապիկյան, Էմմա Գրիգորյան, ջութակահարներ Աննա Հարությունյան, Լուսինե Աղաբաբյան, դիրիժոր Ռուբեն Ասատրյան, դուդուկահարներ Մկրտիչ Կարապետյան, Կամո Սեյրանյան, ազգային երգի սիրված վարպետներ՝ Պապին Պողոսյան, Սուսաննա Սաֆարյան, Մանիկ Գրիգորյան, Դավիթ Ամալյան, Ինգա և Անուշ Արշակյաններ, դաշնակահարներ Անուշ Ամիրյան, Աշոտ Խաչատրյան, Արմեն Աղաջանյան հանրային ռադիոյի «Արևիկ» անսամբլի գեղարվեստական ղեկավար Արմեն Դիվանյան, հեռուստալրագրող, « Ջեզլ» վոկալ համույթի գեղարվեստական ղեկավար Նաիրա Գյուրջինյան, մի շարք մանակական երգերի հեղինակ Արմեն Դիվանյանի անվան «Արևներ» մրցույթի 2015 թվականի հաղթող Եվա Զարգարյանը և ուրիշներ։
Բաժիններ[խմբագրել | խմբագրել կոդը]
Քոլեջում գործում են հետևյալ բաժինները՝
- դաշնամուրային
- լարային, փողային և հարվածային գործիքների
- ժողովրդական նվագարանների
- երաժշտատեսության
- խմբավարության և դասական
- ժողովրդական ու էստրադային երգեցողության
Փառատոններ և մրցույթներ[խմբագրել | խմբագրել կոդը]
Քոլեջը պարբերաբար անց է կացնում տարբեր փառատոներ, ստուգատեսներ, համերգային զանազան երեկոներ, ինչպես նաև գործում են երաժշտական տարբեր խմբեր՝ ժողովրդական գործիքների նվագախումբ, ուսանողական երգչախումբ և կամերային համույթներ։
1996 թվականից ուսումնական հաստատության նախաձեռնությամբ երկու տարին մեկ անգամ անցկացվել է Առնո Բաբաջանյանի անվան երիտասարդ դաշնակահարների թվով 6 հանրապետական մրցույթներ, որոնք կոչված էին հայտնաբերելու հանրապետության միջնակարգ օղակի առավել շնորհալի և օժտված դաշնակահարների։ 2011 թվականին ՀՀ Կրթության և գիտության նախարարության աջակցությամբ քոլեջի կողմից անցկացվեց Առնո Բաբաջանյանի անվան պատանի և երիտասարդ դաշնակահարների միջազգային մրցույթ-փառատոն՝ նվիրված կոմպոզիտորի ծննդյան 90 ամյակին։ 2013 թվականի հունիսի 12-19 ՀՀ կրթության և գիտության նախարարության աջակցությամբ քոլեջի կողմից անցկացվեց Առնո Բաբաջանյանի անվան պատանի և երիտասարդ դաշնակահարների միջազգային 2-րդ մրցույթ-փառատոնը, որին մասնակցում էին 90-ից ավել դաշնակահարներ ՀՀ բոլոր մարզերից, ԼՂՀ-ից, Սիրիայից, Վրաստանից, Ղազախստանից, Ռուսաստանի Դաշնությունից, Ավստրալիայից[2][3]։
Հայտնի շրջանավարտներ[խմբագրել | խմբագրել կոդը]
- Գեղամ Գրիգորյան
- Էմմա Պապիկյան
- Աշոտ Խաչատրյան
- Ջուլետտա Վարդանյան
- Աննա Հարությունյան
- Լուսինե Աղաբաբյան
- Աշոտ Բաբայան
- Ստեփան Բաբաթորոսյան
- Ռուբեն Ասատրյան
- Ինգա և Անուշ Արշակյաններ
- Մկրտիչ Կարապետյան
- Կամո Սեյրանյան
- Պապին Պողոսյան
- Սուսաննա Սաֆարյան
- Մանիկ Գրիգորյան[4]
- Եվա Զարգարյան
- Հասմիկ Հարությունյան
Ծանոթագրություններ[խմբագրել | խմբագրել կոդը]
- ↑ ՀՀ կրթության և գիտության նախարարի հրաման
- ↑ Մեկնարկել է Առնո Բաբաջանյանի անվան մրցույթ-փառատոնը
- ↑ «Առնո Բաբաջանյանի անվան դաշնակահարների միջազգային փառատոնը Երևան է բերել երաժիշտների նաև Սիրիայից». Արխիվացված է օրիգինալից 2016 թ․ մարտի 5-ին. Վերցված է 2014 թ․ դեկտեմբերի 3-ին.
- ↑ «Առնո Բաբաջանյանի անվան պետական երաժշտամանկավարժական քոլեջ». www.babajanyancollege.am. Վերցված է 2016 թ․ հունվարի 4-ին.