Լեյլա Սարիբեկյան
| Լեյլա Սարիբեկյան | |
|---|---|
| Ծնվել է | հուլիսի 16, 1963 (58 տարեկան) Թբիլիսի, Վրացական ԽՍՀ, ԽՍՀՄ |
| Երկիր |  Հայաստան |
| Մասնագիտություն | Երգչուհի |
| Գործիքներ | վոկալ |
| Կրթություն | Հայկական պետական մանկավարժական համալսարան |
| Պարգևներ | |
Լեյլա Անդրանիկի Սարիբեկյան (Լեիլա[1], հուլիսի 16, 1963, Թբիլիսի, Վրացական ԽՍՀ, ԽՍՀՄ), երգչուհի, ՀՀ վաստակավոր արտիստուհի (2007), Նիգ-Ապարան (կազմակերպություն) ՀԲՀԿ պատվո անդամ (2009)։
Կրթություն[խմբագրել | խմբագրել կոդը]
1980 թվականին ավարտել է Երևանի Դանիել Վարուժանի անվան թիվ 89 միջնակարգ դպրոցը, 1986 թվականին՝ Երևանի Խաչատուր Աբովյանի անվան հայկական պետական մանկավարժական համալսարանի երգ-երաժշտության ֆակուլտետը։
Գործունեությունը[խմբագրել | խմբագրել կոդը]
1986 թվականի օգոստոսին նշանակվել է Երևանի Խաչատուր Աբովյանի անվան հայկական պետական մանկավարժական համալսարանի երգ-երաժշտության ֆակուլտետի վոկալիստ։ Նույն թվականին համատեղությամբ նշանակվել է Երևանի Դանիել Վարուժանի անվան թիվ 89 միջնակարգ դպրոցի «Վարուժնակ» վոկալ համույթի ղեկավար։ Տարբեր բեմահարթակներից երգել է դեռևս դպրոցական նստարանից։ Պրոֆեսիոնալ երգեցողությամբ զբաղվում է 2000 թվականից։ 2005 թվականին հեղինակել է «Միասնության շուրջպար», «Ապարան» երգերը (բառերը՝ Սերգեյ Հարությունյանի)։ 2006 թվականին թողարկել է լազերային CD-ի և հյուրախաղերով հանդես եկել ԱՄՆ-ում և Լիբանանում։ 2007-2008 թվականներին եղել է Շանթ հեռուստաընկերության «Ժողովրդական երգիչ» նախագծի ժյուրիի անդամ։ Նույն տեղում վարել է «Ժողովրդական տասնյակ» հաղորդաշարը։
Մրցանակներ[խմբագրել | խմբագրել կոդը]
- 2000 թվականին մասնակցել է համահայկական լավագույն երգի «Սայաթ-Նովա» անդրանիկ մրցույթին և հայրենասիրական ու լիրիկական ժանրում դարձել դափնեկիր և արժանացել հատուկ մրցանակի։
- 2001 թվականին մասնակցել է «Սայաթ-Նովա» երկրորդ մրցույթին և հայրենասիրական երգի ժանրում արժանացել է 1-ին մրցանակի։
- 2002 թվականին մասնակցել է «Սայաթ-Նովա» երրորդ մրցույթին և «Հայաստանս» երգի համար արժանացել 3-րդ մրցանակի։
- 2002 թվականի օգոստոսին մասնակցել է Կահիրեի երգի միջազգային 8-րդ փառատոնին և 27 երկրների 65 կատարողների մրցույթում «Հայրենի հող» երգի կատարման համար արժանացել է 2-րդ մրցանակի։
Գրականություն[խմբագրել | խմբագրել կոդը]
- Տիգրան Հայազն, Վարդենիս. հանրագիտարան։ Երևան, 2009, էջ 123-124։
Ծանոթագրություններ[խմբագրել | խմբագրել կոդը]
- ↑ «Տվյալները ըստ ԿԸՀ կայքի»։ Արխիվացված է օրիգինալից 2016 թ․ նոյեմբերի 25-ին։ Վերցված է 2016 թ․ հունվարի 30