Ժամանակակից արվեստի թանգարան (Սանտա Մարտա)
Ժամանակակից արվեստի թանգարան | |
|---|---|
| Տեսակ | պատկերասրահ |
| Երկիր |  Կոլումբիա |
| Տեղագրություն | Սանտա Մարտա |
| Վայր | Սուրբ Պետրոս Ալեքսանդրացու կինտա |
| Հիմնադրվել է | հուլիս 1986 |
| Կայք | museobolivariano.org.co/museo-bolivariano-de-arte-contemporaneo |
Սանտա Մարտայի Բոլիվարի ժամանակակից արվեստի թանգարան (իսպ.՝ Museo Bolivariano de Arte Contemporáneo, Santa Marta), գեղարվեստի թանգարան Կոլումբիայի Սանտա Մարտա քաղաքում, որը բացվել է 1986 թվականի հուլիսին[1][2]՝ տեղի իշխանությունների օժանդակությամբ, նվիրված է Սիմոն Բոլիվարին և ներկայացնում է Հարավային Ամերիկայի երկրների արվեստը (Բոլիվիա, Կոլումբիա, Պերու, Պանամա և Վենեսուելա)։ Մշտական հավաքածուում կա 200 աշխատանք՝ ստեղծված 1950-ական թվականների սկզբից մինչև մեր օրեր[3], կանոնավոր անցկացնում է խմբակային և անհատական ցուցահանդեսներ։
Պատմություն և նկարագրություն[խմբագրել | խմբագրել կոդը]
Բոլիվարի ժամանակակից արվեստի թանգարանը բացվել է Սանտա Մարտա քաղաքում 1986 թվականի հուլիսի 24-ին՝ տեղացի նկարիչ Արմանդո Վիլեգասայի նախաձեռնությամբ և շրջանային իշխանությունների օժանդակությամբ, երկրի նախագահ Բելիզարիո Բետանկուրը ևս աջակցել է նախագծին։ Պատկերասրահը կոչվում է հեղափոխական Սիմոն Բոլիվարի պատվին, այն գտնվում է Սան Պեդրո Ալեխանդրոյի (Quinta de San Pedro Alejandrino) նախկին առանձնատանը, որը կառուցվել է 1608 թվականին, թանգարանային գործունեության նպատակն էր «բոլիվարյան երկրների ինտեգրումը» (Բոլիվար, Կոլումբիա, Էկվադոր, Պերու, Պանամա, Վենեսուելա)։
Թանգարանի հավաքածուն կազմված է Հարավային Ամերիկայի երկրների ավելի քան 200 «տարաբնույթ» աշխատանքներից․ այն մասամբ ներկայացնում է մայրացամաքի ինչպես աշխարագրությունը, այնպես էլ կերպարվեստը՝ սկսած 20-րդ դարի առաջին կեսից մինչև մեր օրեր։ Բացի գեղանկարչությունից, հավաքածուում կան նաև քանդակներ, փորագրություններ, գրաֆիկական աշխատանքներ և ինստալացիաներ, ջրաներկ կտավներ և կոլանժներ, հավաքածուում ներկայացված են նաև լուսանկարներ և վիդեոարտ։ Հավաքածուի հիմքը հենց հեղինակների նվիրած նվերներն են։ Թանգարանում կան այնպիսի նկարիչների աշխատանքներ, ինչպիսիք են Էդուարդո Քինգմանը (Էկվադոր, 1913-1998), Ասվալդո Գուայասամին (Էկվադոր), Լուիս Ալբերտո Ակունյան (Կոլումբիա, 1904—1994), Անտոնիո Գրասսեն (Կոլումբիա, 1937), Էնրիկե Տաբարեն (Էկվադոր, 1930) և Ռենե Պորտակարերոն (Կուբա)։
Մշտական հավաքածուին զուգահեռ, որոնք ներկայացված են երեք հիմնական դահլիճներում՝ «Alejandro Obregón», «Armando Villegas» և «Enrique Grau», Բոլիվարի թանգարանը առանձնացրել է իր սեփական երկու շինությունները՝ «Hernando del Villar»-ը և «Open Space» պատկերասրահը՝ Հարավային և Լատինական Ամերիկաներից ժամանակակից նկարիչների ժամանակավոր ցուցահանդեսների համար։ Վերջին տարիներին առանձնահատուկ ուշադրություն է դարձվում էկոլոգիական թեմատիկային՝ տրամադրվող ստեղծագործություններում։ Գրական երեկոները, պարային շոուները և թատերական ներկայացումները նույնպես թանգարանային գործունեության մի մասն են։ Կրթական միջոցառումներ-սեմինարներ և դասընթացներ, այդ թվում՝ մանկական և երիտասարդական, թանգարանում անցկացվում են երկրի կրթության նախարարության աջակցությամբ։
Տես նաև[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ Michael Zils Museums of the World: Afghanistan-Swaziland. — K.G. Saur, 2001. — С. 111. — 492 с. — ISBN 9783598206085
- ↑ «"From Drawing to Metaphor" – An Exhibition of Drawings by Karl Stengel». artfixdaily.com (անգլերեն). ArtfixDaily. 2018 թ․ նոյեմբերի 28. Վերցված է 2019 թ․ սեպտեմբերի 18-ին.
- ↑ Agustín Iguarán Quinta de San Pedro Alejandrino, un regreso a los últimos días de Bolívar(իսպ.) // El Heraldo. — 2018.
Գրականություն[խմբագրել | խմբագրել կոդը]
- Zarita Abelló Hábitat: Centro Cultural Quinta de San Pedro Alejandrino, Santa Marta, Colombia / Santa Marta (Colombia), Quinta de San Pedro Alejandrino. — Santa Marta, Colombia: Fundación Museo Bolivariano de Arte Contemporáneo, 2006. — 71 с.
- 2 trienal Internacional de acuarela / Trienal Internacional de Acuarela, Patricia Méndez. — Santa Marta, Colombia: Fundación Museo Bolivariano de Arte Contemporáneo, 2006. — 64 с.
Արտաքին հղումներ[խմբագրել | խմբագրել կոդը]
- «Museo Bolivariano de Arte Contemporáneo: Santa Marta, Colombia». artfacts.net (անգլերեն). ArtFacts.Net. Վերցված է 2019 թ․ օգոստոսի 18-ին.
