Թեոդոր Աքսենտովիչ

Վիքիպեդիայից՝ ազատ հանրագիտարանից
Jump to navigation Jump to search
Թեոդոր Աքսենտովիչ
Teodor Axentowicz, Autoportret z paletą.jpg
Ծնվել էմայիսի 13, 1859(1859-05-13)[1][2][3][4]
ԾննդավայրԲրաշով, Ռումինիա[1]
Վախճանվել էօգոստոսի 26, 1938(1938-08-26)[1][4] (79 տարեկանում)
Մահվան վայրԿրակով, Լեհաստան
Ազգությունհայ
ՔաղաքացիությունԼեհաստան
ԿրթությունՄյունխենի գեղարվեստի ակադեմիա
Մասնագիտություննկարիչ
Ժանրդիմապատկեր
Պաշտոնռեկտոր
Teodor Axentowicz Վիքիպահեստում

Թեոդոր Աքսենտովիչ (լեհ.՝ Teodor Axentowicz, 1859, մայիսի 13, Բրաշով, Ռումինիա - 1938, օգոստոսի 26, Կրակով, Լեհաստան), ծագումով հայ լեհ նկարիչ։

Կենսագրություն[խմբագրել | խմբագրել կոդը]

Տարրական կրթությունն ստացել է ծննդավայրում։ Այնուհետև սովորել է Լվովի ռեալական գիմնազիայում։ 1878 թվականին ընդունվել է Մյունխենի գեղարվեստի ակադեմիան, աշակերտել Վագներ Շանդորին և Բենչուր Գունլային։ 1882-1893 թթ. ապրել է Փարիզում, արվեստը կատարելագործել ֆրանսիացի նշանավոր նկարիչ Դյուրանի մոտ։ 1888 թվականին մասնակցել է Մարսյան դաշտի ցուցահանդեսին, ընտրվել Ֆրանսիայի ակադեմիայի անդամ։ 1893-1895 թթ. ապրել է Լոնդոնում։ 1895 թվականին Կրակովի գեղարվեստի ինստիտուտը նրան հրավիրել է վարելու նկարչության ամբիոնը, իսկ երբ այդ դպրոցը դարձել է ակադեմիա, ընտրվել է ռեկտոր։

Ստեղծագործությունը[խմբագրել | խմբագրել կոդը]

Թողել է բազմաթիվ մեծարժեք կտավներ, որոնցից հիշատակության արժանի են «Սառա Բեռնարը Տոսկայի դերում», Վիկտոր Օստվսկու, Անրի Ֆունյեի, Դյուրանովսկու, Լվովի հայ արքեպիսկոպոս Իսահակ Իսահակովիչի և այլ դիմանկարներ։ Պատմա-կոմպոզիցիոն կտավներից են «Վյուզբուրգի գրավումը ֆրանսիացիների կողմից», «Սլավոնների առաջնորդի թաղումը» և այլն։ Հայկական թեմաներով գործերից են՝ «Հայաստանի մկրտությունը», «Հայ գաղթականները Լեհաստանում»։ Ունի նաև հայուհիների դիմանկարներ[5]։

Այլ[խմբագրել | խմբագրել կոդը]

2010-ին ՀՀ Կենտրոնական բանկը շրջանառության մեջ է մտցրել Թեոդոր Աքսենտովիչին նվիրված 100-դրամանոց հուշադրամ, որը թողարկվել է «Աշխարհի նկարիչները» միջազգային դրամագիտական ծրագրի շրջանակներում[6]։

Պատկերասրահ[խմբագրել | խմբագրել կոդը]

Դիմանկարներ[խմբագրել | խմբագրել կոդը]

Ինքնանկարներ[խմբագրել | խմբագրել կոդը]

Լվովի հայկական եկեղեցու որմնանկարները[խմբագրել | խմբագրել կոդը]

Թեոդոր Աքսենտովիչի անվան հրապարակ (Կրակով)[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]