Թափառաշրջիկը (ֆիլմ, 1951)
 հինդի՝ आवारा | |
|---|---|
| Երկիր | Հնդկաստան |
| Ժանր | փորձնական ֆիլմ և դրամա |
| Թվական | 1951 |
| Լեզու | հինդի |
| Ռեժիսոր | Ռաջ Կապուր[1] |
| Պրոդյուսեր | Ռաջ Կապուր |
| Սցենարի հեղինակ | Խոջա Ահմադ Աբբաս |
| Դերակատարներ | Ռաջ Կապուր, Նարգիս, Պրիտհվիռաջ Կապուր, Լիլա Չիտնիս, Շաշի Կապուր, Կ. Հ. Սինգհ, Քաքու Մորեյ, Բրիջ Մոհան Վյաս և Լիլա Միշրա |
| Օպերատոր | Ռադխու Կարմակար |
| Երաժշտություն | Շանկար Ջայկիշան |
| Մոնտաժ | Ջ. Ջ. Մաեկար |
| Պատմվածքի վայր | Հնդկաստան |
| Կինոընկերություն | R. K. Films |
| Տևողություն | 193 րոպե |
| Շահույթ | 12 500 000 ₹[2] |
 Awaara Վիքիպահեստում | |
Թափառաշրջիկը (հինդի` आवारा, Awaara), հնդկական կինոնկար, որը նկարահանվել է 1951 թվականին՝ Ռաջ Կապուրի կողմից։ 1953 թվականին կինոնկարը ներկայացվել է Կաննի կինոփառատոնի Գրան-պրի մրցանակին։ Time ամսագիրը կինոնկարն ընդգրկել է «հնդկական կինոյի 10 գանձեր»-ի ցանկի մեջ։ Ֆիլմի շահույթը կազմել է 12 միլիոն հնդկական ռուփի։
Այս կինոնկարում Ռաջ Կապուրն առաջին անգամ ներկայացել է թափառաշրջիկի կերպարով, որը հետագայում զարգացրել է իր «Պարոն 420» (1955 թ.) կինոնկարում։ Այն դարձել է նրա ամենահայտնի էկրանային դիմակը և համեմատվել մեծագույն Չարլի Չապլինի կերպարի հետ։
Սյուժեն
[խմբագրել | խմբագրել կոդը]Ռաջը ծնվել և մեծացել էր քաղաքի ետնախորշերում և իր հացը վաստակում էր գողություններով։ Նրա հայրը` հարուստ դատավոր Ռագունաթը, շատ տարիներ առաջ, տանից դուրս էր հանել հղի կնոջը` կասկածելով նրան անպատվության մեջ։ Տարրական դպրոցում Ռաջը ընկերացել էր Ռիտայի հետ, ով բարելավված ընտանիքից էր։ Դատավոր Ռագունաթը, ով Ռիտայի խնամակալն էր, ջանացել էր, որպեսզի անբարեհույս Ռաջը չտեսնվի Ռիտայի հետ և տարել էր նրան ուրիշ քաղաք։
Փողոցում Ռաջը ծանոթանում է հանցագործ Ջագայի հետ, ով սկսում է «հայրություն» անել Ռաջին և սովորեցնում գողությունով ապրել։ Չնայած այդ բնագավառում Ռաջի հաջողություններին, այնուամենայնիվ նա տանջվում է խղճի խայթից։ Նա դառնում է այն մարդկանցից, ովքեր իրական կյանքում բազմադեմ են։
Տարիներ անց, հերթական անգամ բանտից ազատվելով, Ռաջը պատահաբար հանդիպում է Ռիտային։ Մանկական ընկերությունը վերաճում է ռոմանտիկ սիրո։ Ռիտան չգիտի թե ով է իրականում Ռաջը և այդ փաստը ավելի է սաստկացնում Ռաջի ապրումները` իր կործանված կյանքի վերաբերյալ։ Նա փորձում է խզել կապերը իր գողական կյանքի հետ։ Ցասման պահին, պաշտպանելով մորն ու իրեն, նա սպանում է Ջագային։ Երբ նա իմանում է, որ դատավոր Ռագունաթը իր իրական հայրն է և հանդիսանում է իր մոր` տանջանքներով լի կյանքի հիմնական մեղավորը, նա ներխուժում է Ռագունաթի տուն` փորձելով սպանել նաև նրան։
Ռաջին ձերբակալում են և դատում։ Ռիտան, ով նոր էր ստացել փաստաբանի դիպլոմ, փորձում է պաշտպանել նրան` դատարանին պատմելով ողջ դառը ճշմարտությունը։ Ռաջին դատապարտում են երեք տարվա ազատազրկման, սակայն նրան հավատարիմ Ռիտան խոստանում է սպասել նրան։
Դերերում
[խմբագրել | խմբագրել կոդը]| Դերակատար | Կերպար |
|---|---|
| Ռաջ Կապուր | Ռաջ Ռագունաթ |
| Պրիտհվիռաջ Կապուր | դատավոր Ռագունաթ |
| Նարգիս | Ռիտա |
| Շաշի Կապուր | Ռաջը մանուկ հասակում |
| Լիլա Չիթնիս | Լիլա Ռագունաթ |
| Կրիշան Նիրանջան Սինգհ | Ջագա |
| Լիլա Միշրա | դատավորի հարսնացուն |
| Կուկու | պանդոկի պարուհին |
Նկարահանող խումբ
[խմբագրել | խմբագրել կոդը]| Կինոգործիչ | Ներդրումը |
|---|---|
| Ռաջ Կապուր | ռեժիսոր, պրոդյուսեր |
| Խոջա Ահմադ Աբբաս և Վ. Պ. Սաթհե | սցենարիստ |
| Ռադհու Կարմակար | օպերատոր |
| Շանկար Սինգհ և Ջայկիշան Դայաբհայ Պանչալ | կոմպոզիտոր |
Երգեր
[խմբագրել | խմբագրել կոդը]| Թիվ | Երգի անվանումը | Երգիչները | Տևողությունը |
|---|---|---|---|
| 1 | Ek Do Teen | Շամշադ Բեգում | 2:48 |
| 2 | Hum Tujhse Mohabbat Kar Ke | Մուկեշ | 3:56 |
| 3 | Awaara Hoon | Մուկեշ | 3:04 |
| 4 | Ek Bewafa Se Pyar Kiya | Լատա Մանգեշկար | 2:36 |
| 5 | Ab Raat Guzarne Wali Hai | Լատա Մանգեշկար | 3:49 |
| 6 | Jab Se Balam Ghar Aaye | Լատա Մանգեշկար | 2:50 |
| 7 | Ghar Aaya Mera Pardesi | Լատա Մանգեշկար | 4:31 |
| 8 | Dam Bhar Jo Udhar Munh Phere | Լատա Մանգեշկար, Մուկեշ | 4:26 |
| 9 | Tere Bina Aag Yeh Chandni | Լատա Մանգեշկար, Մաննա Դեյ | 5:52 |
| 10 | Naiya Meri Manjhdhar | Մոհամեդ Ռաֆի | 2:39 |
Ծանոթագրություններ
[խմբագրել | խմբագրել կոդը]- ↑ Internet Movie Database — 1990.
- ↑ Box Office 1951 — Box Office India.
 | Վիքիպահեստն ունի նյութեր, որոնք վերաբերում են «Թափառաշրջիկը (ֆիլմ, 1951)» հոդվածին։ |
| ||||||
