Էմին Խաչատրյան

Վիքիպեդիայում կան հոդվածներ Խաչատրյան ազգանունով այլ մարդկանց մասին:

Էմին Խաչատրյան
Հիմնական տվյալներ
Ծնվել է	օգոստոսի 5, 1930(1930-08-05) Մոսկվա, ԽՍՀՄ
Երկիր	ԽՍՀՄ և  Հայաստան
Մահացել է	օգոստոսի 5, 2000(2000-08-05) (70 տարեկան) Երևան, Հայաստան
Մասնագիտություն	դիրիժոր, կոմպոզիտոր և երաժշտության ուսուցիչ
Աշխատավայր	Մեծ թատրոն, State Symphony Cinema Orchestra?, Հայաստանի ազգային կամերային նվագախումբ, Ռուսաստանի Գնեսինների անվան երաժշտության ակադեմիա և Երևանի Կոմիտասի անվան պետական կոնսերվատորիա
Կրթություն	Մոսկվայի կոնսերվատորիա (1954)
Պարգևներ	և

Էմին Լևոնի Խաչատրյան (օգոստոսի 5, 1930(1930-08-05), Մոսկվա, ԽՍՀՄ - օգոստոսի 5, 2000(2000-08-05), Երևան, Հայաստան), հայ կոմպոզիտոր, դիրիժոր։ ՌԽՖՍՀ ժողովրդական արտիստ (1975)։

Արամ Խաչատրյանի եղբորորդին։

Կենսագրություն

1954 թվականին ավարտել է Մոսկվայի կոնսերվատորիայի դաշնամուրի, 1958 թվականին՝ դիրիժորության բաժինները։ 1957-1959 թվականներին եղել է Մոսկվայի մարզային սիմֆոնիկ նվագախմբի, 1962-1966 թվականներին՝ Մեծ թատրոնի դիրիժոր, 1959 թվականից՝ ԽՍՀՄ պետկինոյի սիմֆոնիկ նվագախմբի դիրիժոր (1966-1976 թվականներին և 1986-1990 թվականներին՝ գեղարվեստական ղեկավար և գլխավոր դիրիժոր), 1986-1988 թվականներին և 1990-1991 թվականներին՝ ՀՀ հեռուստառադիոպետկոմի սիմֆոնիկ, 1991 թվականից՝ Երևանի կամերային նվագախմբերի գեղարվեստական ղեկավար և գլխավոր դիրիժոր։ 1972-1974 թվականներին դասավանդել է Մոսկվայի Գնեսինների անվան երաժշտական մանկավարժական ինստիտուտում, 1990 թվականից՝ Երևանի կոնսերվատորիայում։

Համերգներով հանդես է եկել ԱՊՀ քաղաքներում և արտասահմանում, բեմադրություններ իրականացրել Լեհաստանի, Չեխոսլովակիայի օպերային թատրոններում։ Եղել է Թեհրան-43 ֆիլմի դիրիժորը։