Էլմիրա Գևորգյան

Վիքիպեդիայից՝ ազատ հանրագիտարանից
Jump to navigation Jump to search
Picto infobox med.png
Էլմիրա Գևորգյան
Ծնվել էփետրվարի 1, 1932(1932-02-01) (88 տարեկան)
ԾննդավայրԵրևան, Հայկական ԽՍՀ, ԱԽՖՍՀ, ԽՍՀՄ
ՔաղաքացիությունFlag of the Soviet Union.svg ԽՍՀՄ
Ազգությունհայ
ԿրթությունԵրևանի բժշկական ինստիտուտ
Մասնագիտությունբժիշկ, նյարդախտաբան
Գիտական աստիճանբժշկական գիտությունների դոկտոր
ԱմուսինՊավել Անանիկյան
ԶավակներՊետրոս Անանիկյան

Էլմիրա Մուշեղի Գևորգյան (փետրվարի 1, 1932(1932-02-01), Երևան, Հայկական ԽՍՀ, ԱԽՖՍՀ, ԽՍՀՄ), հայ բժիշկ, նյարդախտաբան։ Բժշկական գիտությունների դոկտոր (1973 թ.), պրոֆեսոր (1976 թ.)։ ՀՀ վաստակավոր բժիշկ (2012 թ.

Կենսագրություն[խմբագրել | խմբագրել կոդը]

1955 թվականին ավարտել է Երևանի բժշկական ինստիտուտը: 1962 թվականին Մոսկվայում պաշտպանել է թեկնածուական ատենախոսություն՝ «Գլխուղեղի ուռուցքների կլինիկական սիմտոմատիկան և նեյրովիրաբուժական ախտորոշումը» թեմայով։ 1973-2000 թվականներին եղել է ՀԽՍՀ առողջապահության նախարարության գլխավոր նյարդախտաբանը, 1968 թվականից՝ ՀԽՍՀ նյարդախտաբանների ընկերության նախագահ, 1976-1996 թվականներին՝ Երևան բժշկական ինստիտուտի նյարդաբանության, նյարդավիրաբուժության և բժշկական գենետիկայի ամբիոնի վարիչ, 1996 թվականից՝ Գլխուղեղի հետազոտության միջազգային ընկերակցության հայկական բաժնի փոխնախագահ[1], Երևանի «Թիվ 2 բուժմիավորման» գլխավոր տնօրենի խորհրդատու։

1998 թվականից անդամակցում է Նյու Յորքի գիտական ակադեմիային, 1998 թվականից՝ Էկոլոգիայի և կենսագործունեության անվտանգության միջազգային ակադեմիայի անդամ, 2000 թվականից՝ ՌԴ բժշկատեխնիկական գիտական ակադեմիայի անդամ, 2001 թվականից՝ ՀՀ վիրաբուժական գիտական ակադեմիայի անդամ։ Ամերիկյան կենսագրական ինստիտուտի կողմից (ԱՄՆ, Հյուսիսային Կարոլինա) Գևորգյանն ընտրվել է «2005 թվականի գիտության նշանակալի կին», Քեմբրիջի միջազգային կենսագրական կենտրոնը նույն թվականին նրան ճանաչել է առողջապահության բնագավառի առաջատար մասնագետ[2]:

Ստեղծագործություններ և ճանաչում[խմբագրել | խմբագրել կոդը]

Աշխատանքները վերաբերում են գլխուղեղի ուռուցքային և անոթային ախտահարումների կլինիկական դրսևորումների հարցերին, պարբերական հիվանդության, ինչպես նաև էպիլեպսիայի ու վեգետատիվ անոթային նոպաների զարգացման մեջ գլխուղեղի խորանիստ գոյացությունների դերի բացահայտմանը։

Նյարդային համակարգի հիվանդությունների տեղագրական ախտորոշմանը վերաբերող ուսումնական 7 ձեռնարկի և 2 դասագրքերի, երկու մենագրությունների հեղինակ է։

Պարգևներ[խմբագրել | խմբագրել կոդը]

Մեջբերումներ Էլմիրա Գևորգյանից[խմբագրել | խմբագրել կոդը]

Aquote1.png Բժշկությունը հեշտ գիտություն չէ, բայց պետքական է: Այս բարդ գործում հաջողելու լավագույն միջոցը դիմացինին սիրելն է: Aquote2.png


Ընտանիք[խմբագրել | խմբագրել կոդը]

  • Ամուսինը՝ Պավել Անանիկյան, վիրաբույժ
  • Դուստրը՝ Անահիտ Գևորգյան, հոգեբույժ
    • Անահիտի դուստրը՝ Աննան, հոգեբույժ է
  • Որդին՝ վիրաբույժ Պետրոս Անանիկյան
    • Պետրոսի որդին՝ Պավել Անանիկյան կրտսերը, բժիշկ-իրավաբան

Երկեր[խմբագրել | խմբագրել կոդը]

  • Նյարդախտաբանություն, ուսումնական ձեռնարկ, 1997 թ.:
  • «Ճակատային բլթերի օջախային ախտահարումների ախտորոշման կատարելագործման ուղիները» (Ա. Ստեփանյանի հետ համատեղ)
  • «Պարբերական հիվանդության հոգենյարդաբանական տեսանկյունները» (Ա. Պ. Գևորգյանի հետ համատեղ)
  • Пути совершенствования диагностики очаговых поражений лобных долей, Е., 1994 (համահեղինակ).
  • Периодическая болезнь: Психоневрологические аспекты, Е., 2003.

Ծանոթագրություններ[խմբագրել | խմբագրել կոդը]

Վիքիդարանի պատկերանիշը
Վիքիդարանում կան նյութեր այս թեմայով՝
Էլմիրա Գևորգյան