Էլեոնոր դե Մեդիչի

Վիքիպեդիայից՝ ազատ հանրագիտարանից
Jump to navigation Jump to search
Էլեոնոր դե Մեդիչի
Alessandro Allori - Retrato de Dama Florentina 01-1.jpg
Ծնվել էփետրվարի 28, 1567[1]
ԾննդավայրՖլորանս, Ֆլորենսիայի դքսություն
Մահացել էսեպտեմբերի 9, 1611(1611-09-09)[1][2] (44 տարեկանում)
Մահվան վայրԿավրիանա, Մանտուա, Լոմբարդիա
Ազգությունիտալացի
Մասնագիտությունարվեստի կոլեկցիոներ
ԱմուսինVincenzo Gonzaga?
Ծնողներհայր՝ Francesco I de' Medici?, մայր՝ Joanna of Austria, Grand Duchess of Tuscany?
ԵրեխաներՄարգերիտա Գոնզագա, Francesco IV Gonzaga, Duke of Mantua?, Eleonora Gonzaga?, Ferdinando Gonzaga, Duke of Mantua? և Vincenzo II Gonzaga, Duke of Mantua?
Eleonora de' Medici Վիքիպահեստում

Էլեոնոր դե Մեդիչի (28 փետրվարի 1567[3][4] – 9 սեպտեմբերի 1611) Մանթուայի դուքս՝ Վինչենցո I Գոնզագայի հետ ամուսնությամբ ստացել է Մանտուայի դքսուհու տիտղոս։ Նա Մեդիչի հայտնի ընտանիքի անդամ է և Ֆրանսիայի թագուհի՝ Մարի դե Մեդիչիի քույրը։

Վաղ կյանք[խմբագրել | խմբագրել կոդը]

Էլեոնորը (ծնյալ Էլեոնորա) ծնվել է 1567 թվականի փետրվարի 28-ին, Իտալիայի Տոսկանա նահանգի Ֆլորենցիա քաղաքում։ Մկրտություն ստացել է նույն տարում, Կարդինալ Ինոչենցո Գիոչչի Դել Մոնտեի ձեռամբ[5]։ Հռոմի պապ Պիուս V-ի անունից արարողությունը ներկայացրեց կարդինալ Շպինելո դե Բենչին[6]։ Մկրտության արարողությանը հաջորդեց որսորդական էքսկուրսիան[7]։

Նախնական կարծիք կար, որ Էլեոնորը կամուսնանա Հենրի II-ի և Կատերին դե Մեդիչիի որդի, Անժուի դուքս Ֆրանցիսկոսի հետ[8]։ 1570 թվականին Էլեոնորի մոտ ախտորոշվեց բնական ծաղիկ սուր վարակիչ հիվանդությունը, բայց սա միակ հիվանդությունը չէր, որով նա տառապում էր[9][10]։ Նրա ծնողները սուրբ ջրով կարողացան վերականգնել դստեր առողջությունը[11]։

1574 թվականին, երբ Էլեոնորը յոթ տարեկան էր, նրա հորական պապը մահացավ և հայրը դարձավ Տոսկանիայի Մեծ դուքս։ 1578 թվականին, երբ Էլեոնորը տասնմեկ տարեկան էր մահացավ նրա մայրը[12] և հայրը ամուսնացավ Բիանկա Կապելլոյի հետ[13]։ Մեդիչին ընտանիքի յոթ երեխաներից մեկն էր։ Նրա քույրերից ՝ Մարի դե Մեդիչին դարձավ Ֆրանսիայի թագուհի և ֆրանսիայի թագավոր՝ Լյուդովիկոս XIII Արդարի մայրը։ Մյուս քույրը՝ Աննան, մահացավ տասնչորս տարեկան հասակում։ Էլեոնորը գրեց հորը մահացող Աննայի անունից, ով ցանկանում էր տեսնել հորը, սակայն նույն օրը նա մահացավ[14]։ Էլեոնորի և Մարիի մյուս քույր-եղբայրները նույնպես մահացել են երիտասարդ տարիքում։

Ամուսնություն[խմբագրել | խմբագրել կոդը]

Ամուսնական արարողություններ[խմբագրել | խմբագրել կոդը]

Էլեոնոր դե Մեդիչիի և դուքս Վինչենցո I Գոնզագայի ամուսնությունը

1584 թվականի ապրիլի 29-ին Մեդիչին ամուսնացավ Վինչենցո I Գոնզագայի հետ[4][15]։ Մինչ այդ նա բաժանվեց իր երկրորդ կնոջից՝ Մարգերիտա Ֆառնեսից։ Ամուսնական պայմանագիրը կնքվեց 1584 թվականի ապրիլի 4-ին Մանտուայում։ Տոնակատարության ութերորդ օրը զույգը մեկնեց Ֆլորենցիա հյուրընկալվելու Էլեոնորայի հորը և խորթ մորը։ Այս օրվանից Ֆրանչեսկոն Էլեոնորայի նկարը պահում էր իր մահճակալին մոտ[16]։ Ապրիլի 10-ին Ֆրանչեսկոն նամակ ուղարկեց Ֆիլիպ II Հաբսբուրգին՝ Էլեոնորի և Վինչենցոյի ամուսնության թույլտվությամբ[17]։ 1584 թվականի մայիսի 3-ին Էլեոնորան ժամանեց Մանտունա[18]։ Նա ափ իջավ Միգլիորետտոյում։ Նրան դեպի Պալացցո ուղեկցում էին Օտտավիո Ֆերնեզեն, Պարմայի դուքսը, նրա ապագա ամուսին Վինչենցոն և այլ ազնվականներ։

Պալացցոյում հիմնվելով՝ նա հագավ իր հարսանեկան ոսկեգույն զգեստը և շքախմբի ուղեկցությամբ, ոսկեզօծված սայլակով ժամանեց եկեղեցի։ Ճաշկերույթից հետո Գոնզագայի հետ այցելեց կարդինալ Ալեսանդրո Գամբարային[19]։


Ամուսնական կյանք[խմբագրել | խմբագրել կոդը]

Էլեոնորի դիմանկարները բազմազան են։ Դրանք պատվիրվել են դեռևս իր մոր կենդանության օրոք[20]։ 1586 թվականի մայիսի 7-ին Էեոնորան լույս աշխարհ բերեց իր առաջնեկ որդուն՝ Ֆրանչեսկոյին։ Հղիության ընթացքում նրա հայրը դեղձ էր ուղարկում աղջկան[21]։ Հաջորդ տարում Էլեոնորայի ամուսնու հայրը մահացավ և Վինչենցոն դարձավ Մանտուայի դուքս, սիկ Էլեոնորը պահպանեց իր՝ դքսուհու կոչումը։ Նույն տարում, ծանր հղիությունից հետո լույս աշխարհ եկեվ նրա երկրորդ որդին՝ Ֆերդինանդոն[22]։ Հետագայում էլի զավակներ ունեցավ։ Նրա որդիներից Գուգլիելմո Դոմենիկոն(1589) մահացավ երիտասարդ տարիքում, դուստրը՝ Մարգերիտան(1591) ամուսնացավ Լորրեյնի դուքս՝ Հենրի II-ի հետ։ Նրա տղաներից ամենափոքրը՝ Վինչենցոն (1594) տղաներից ամենահաջողակն էր։ 1596 թվականին՝ հղիության չորրորդ ամսում նա կորցրեց երեխային[23] և 1598 թվականին լույս աշխարհ բերեց իր երկրորդ դստերը, որին անվանեց Էլեոնոր։ Հետագայում նա ամուսնացավ Ֆերդինանդ II (Սրբազան Հռոմեական կայսրության կայսր) հետ։

1600 թվականի հոկտեմբերին, Էլեոնորը ներկայացավ իր քույր Մարիի և Հենրի IV-ի (Ֆրանսիա) պսակադրությանը։ 1601 թվականին Մարի թագուհին լույս աշխարհ բերեց իր առաջնեկին՝ Ֆրանսիայի թագավոր՝ Լյուդովիկոս XIII Արդար-ին։ Մարիի խնդրանքով Էլեոնորը դարձավ երեխայի կնքամայրը[24]։

1602 թվականին, բուժվելու նպատակով Վինչենցոն մեկնեց Ֆլանդրիա՝ Էլեոնորի հսկողությանը թողնելով դքսությունը[25]։ Նա նամակագրական կապով ամուսնուն տեղեկացնում էր երկրում տիրող իրավիճակին[26]։1603-1604-ի ձմռանը Գալիլեո Գալիլեյոն այցելեց Մանտուա։ Վինչենցոն նրան նվիրեց ոսկե շղթա և արծաթե երկու սպասք։ 1606 թվականին, Էլեոնորն իր դստերը՝ Մարգերիտային ուղեկցեց Լորրեյն, որտեղ պետք է տեղի ունենար նրա և դուքս Հենրիի ամուսնությունը[27]։

Մահ և հուղարկավորություն[խմբագրել | խմբագրել կոդը]

1611 թվականի սկզբներին Էլեոնորը հիվանդացավ և երկարատև բուժման արդյունքում թվում էր թե ապաքինվել է[28]։ Նա երկու ամսով մեկնեց Պալացցո դի Պորտո, որտեղ օդն ավելի մաքուր էր։ Շոգ եղանակներին նա մեկնում էր հյուսիսային՝ Կավրիանա քաղաք։ Այնտեղ նրա վիճակն ավելի վատացավ և նա մահացավ 1611 թվականի սեպտեմբերի 9-ին, քառասունչորս տարեկան հասակում։ Այդ ժամանակ Վինչենցոն Կազալե Մոնֆերատոում էր։ Նա մահացավ հաջորդ տարում[29]։

Մահից հետո Էլեոնորի մարմինը տեղադրեցին «կապարե զամբյուղի» մեջ, որը լի էր դեղձերով և սև թավշյա հագուստով։ Մինչ հուղարկավորությունը նա երկու օր մնաց Կարվիանա եկեղեցում։ Ապա սև գործվածքով պատված կառքով, որին կցված էին վեց սև ձիեր, նրան տեղափոխեցին Մանտուա։ Կառքին հետևում էին ևս տասներկու սև կառքեր, որոնք տեղափոխում էին Գոնզագա ընտանիքի սևազգեստ անդամներին։

1611 թվականի հոկտեմբերի 3-ին Վինչենցոն որոշեց կնոջ հուղարկավորությունը անցկացնել Սուրբ Ֆրանչեսկոյի տոնին, որը հետաձգվել էր Sant'Andrea եկեղեցու շինարարական աշխատանքների հետ կապված։ Արարողակարգն անցկացվեց Կազալե եկեղեցում[30]։

Տես նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. 1,0 1,1 RKDartists
  2. SNAC — 2010.
  3. Charles Davis (25 April 2008)։ «Giorgio Vasari» (իտալերեն)։ էջ 17։ Վերցված է 25 June 2008 
  4. 4,0 4,1 «Eleonora de' Medici»։ GeneWeb։ 21 January 2008։ Վերցված է 25 June 2008 (չաշխատող հղում)
  5. «Bia - The Medici Archive Project»։ Արխիվացված է օրիգինալից 2016-03-05-ին։ Վերցված է 2012-06-13 
  6. «Bia - The Medici Archive Project»։ Արխիվացված է օրիգինալից 2014-04-19-ին։ Վերցված է 2012-06-13 
  7. «Bia - The Medici Archive Project»։ Արխիվացված է օրիգինալից 2014-04-19-ին։ Վերցված է 2012-06-13 
  8. «Bia - The Medici Archive Project»։ Արխիվացված է օրիգինալից 2014-04-19-ին։ Վերցված է 2012-06-13 
  9. «Bia - The Medici Archive Project»։ Արխիվացված է օրիգինալից 2016-03-05-ին։ Վերցված է 2012-06-13 
  10. «Bia - The Medici Archive Project»։ Արխիվացված է օրիգինալից 2014-04-19-ին։ Վերցված է 2012-06-13 
  11. «Bia - The Medici Archive Project»։ Արխիվացված է օրիգինալից 2014-04-19-ին։ Վերցված է 2012-06-13 
  12. Yan Wang (3 August 2007)։ «Murder-riddle Medici princess found»։ Xinhua News Agency։ Վերցված է 30 June 2008 
  13. Mari, Francesco, Polettini, Aldo, Lippi, Donatella, Polettini, Elisabetta Bertol (17 June 2006)։ «The mysterious death of Francesco I de' Medici and Bianca Cappello: an arsenic murder?»։ British Medical Journal։ Վերցված է 27 June 2008 
  14. «Bia - The Medici Archive Project»։ Արխիվացված է օրիգինալից 2016-03-05-ին։ Վերցված է 2012-06-13 
  15. John Cardinal (10 March 2007)։ «Vincenzo I Gonzaga, Duca di Mantova»։ thePeerage.com։ Վերցված է 27 June 2008 
  16. «Bia - The Medici Archive Project»։ Արխիվացված է օրիգինալից 2016-03-05-ին։ Վերցված է 2012-06-13 
  17. «Bia - The Medici Archive Project»։ Արխիվացված է օրիգինալից 2016-03-05-ին։ Վերցված է 2012-06-13 
  18. «Bia - The Medici Archive Project»։ Արխիվացված է օրիգինալից 2018-10-18-ին։ Վերցված է 2012-06-13 
  19. «Bia - The Medici Archive Project»։ Արխիվացված է օրիգինալից 2013-12-13-ին։ Վերցված է 2012-06-13 
  20. «Bia - The Medici Archive Project» 
  21. «Bia - The Medici Archive Project»։ Արխիվացված է օրիգինալից 2018-10-18-ին։ Վերցված է 2012-06-13 
  22. «Bia - The Medici Archive Project»։ Արխիվացված է օրիգինալից 2016-03-05-ին։ Վերցված է 2012-06-13 
  23. «Bia - The Medici Archive Project»։ Արխիվացված է օրիգինալից 2018-10-18-ին։ Վերցված է 2012-06-13 
  24. James Ralph N. (1897)։ Painters and Their Works։ University of Michigan։ էջ 421։ ASIN B000Z6GQ0C 
  25. «Bia - The Medici Archive Project»։ Արխիվացված է օրիգինալից 2016-03-04-ին։ Վերցված է 2012-06-13 
  26. «Bia - The Medici Archive Project»։ Արխիվացված է օրիգինալից 2017-02-02-ին։ Վերցված է 2012-06-13 
  27. «Bia - The Medici Archive Project»։ Արխիվացված է օրիգինալից 2017-02-02-ին։ Վերցված է 2012-06-13 
  28. «Bia - The Medici Archive Project»։ Արխիվացված է օրիգինալից 2016-03-05-ին։ Վերցված է 2012-06-14 
  29. «Vincenzo I Gonzaga»։ The Medici Archive Project։ September 2001։ Արխիվացված է օրիգինալից 2002-03-15-ին։ Վերցված է 30 June 2008 
  30. «Bia - The Medici Archive Project»։ Արխիվացված է օրիգինալից 2016-03-05-ին։ Վերցված է 2012-06-14