Էլդա Գրին

Էլդա Գրին Էլդա Աշոտի Գրիգորյան
Ծնվել է	մարտի 10, 1928(1928-03-10)
Ծննդավայր	Թիֆլիս, ԱԽՖՍՀ, ԽՍՀՄ
Մահացել է	հոկտեմբերի 27, 2016(2016-10-27) (88 տարեկան)
Մահվան վայր	Երևան, Հայաստան
Քաղաքացիություն	ԽՍՀՄ և  Հայաստան
Ազգություն	հայ
Կրթություն	Վ․Բրյուսովի անվան պետական համալսարան
Գիտական աստիճան	հոգեբանական գիտությունների դոկտոր
Մասնագիտություն	գրող և հոգեբան
Պարգևներ և մրցանակներ	«1941-1945 թթ. Հայրենական մեծ պատերազմի ժամանակ անձնվեր աշխատանքի համար» մեդալ
Երեխաներ	Աննա Էլբակյան և Մարինե Աբրահամյան

Էլդա Աշոտի Գրին (ամուսնական ազգանունը՝ Աբրահամյան, հայրական ազգանունը՝ Գրիգորյան, մարտի 10, 1928(1928-03-10), Թիֆլիս, ԱԽՖՍՀ, ԽՍՀՄ - հոկտեմբերի 27, 2016(2016-10-27), Երևան, Հայաստան), հայ արձակագրուհի, հոգեբան, դատաբժշկական փորձագետ, հոգեբանական գիտությունների դոկտոր, պրոֆեսոր։

Կենսագրություն

Ծնվել է 1928 թվականին, Թիֆլիսում (Վրաստան), մտավորականի ընտանիքում։ Հայրը՝ Աշոտ Դավիթի Գրիգորյանը, իր հեղափոխական Գրին ծածկանունով է դստերը գրանցել ծննդյան վկայական։ Էլդա Գրինի մանկության և ուսումնառության առաջին տարիներն անցել են Մոսկվայում։ 1937 թվականին նրա հորը, որը Նավթի համամիութենական գիտահետազոտական ինստիտուտի տնօրեն էր, քաղաքական հողի վրա ձերբակալել և աքսորել են Կալիմա։ Ընտանիքը փոխադրվել է Երևան։ Այստեղ Էլդա Գրինն ընդունվել և ավարտել է Պուշկինի անվան դպրոցը, այնուհետև գերազանցությամբ՝ Ռուսական մանկավարժական ինստիտուտի օտար լեզուների ֆակուլտետը՝ զուգահեռ աշխատելով հայկական հեռագրական գործակալությունում որպես թղթակից։ Ասպիրանտուրան ավարտել է Մոսկվայում, որտեղ էլ 1955 թվականին պաշտպանել է թեկնածուական թեզ հոգելեզվաբանության գծով։ Նույն թվականից հոգեբանություն է դասավանդել Երևանի պետական համալսարանում. հոգեբանության պրոֆեսոր է։ 1968 թվականից հանդիսացել է դատահոգեբանական փորձաքննության հիմնադիրը Հայաստանում, նույն թվականից աշխատել որպես փորձագետ-հոգեբան։

Գործունեություն

1972 թվականից Մոսկվայում սովորել է դոկտորանտուրայում՝ գրելով սոցիալ-հոգեբանական ոլորտին առնչվող թեզ։ Շուրջ 140 գիտական աշխատանքների հեղինակ է, այդ թվում՝ նաև դասագրքերի ու ձեռնարկների, որոնք, մասնավորապես իրավաբանական հոգեբանության ոլորտում, հանրապետությունում առաջինն են։ 2004 թվականից ՀՀ մանկավարժա-հոգեբանական ակադեմիայի իսկական անդամ է։ Ընդգրկված է ակտիվ հասարակական գործունեության մեջ, ՀՀ նախագահին կից ներման հանձնաժոողվի անդամ է։ Ընդգրկված է նաև մի քանի այլ հանձնաժողովներում։ Էլդա Գրինն այդ ամենին զուգահեռ հանդես է գալիս նաև հայերեն և ռուսերեն պատմվածքներով (սկսած 1957 թվականից), որոնք հրատարակվել են հանրապետության և արտերկրի տարբեր թերթերում, ամսագրերում և ժողովածուներում։ Նրա ստեղծագործությունները թարգմանվել են աշխարհի տարբեր լեզուներով։

Պարգևներ

• Հայաստանի գրողների միության «Գրական վաստակի համար» մեդալ, 2008
• «Հայրենական մեծ պատերազմի տարիներին թիկունքում կատարած քաջարի աշխատանքի համար» մեդալ

Գրքեր

• Գիշերային էտյուդ, Երևան, 1973:
• Իմ այգին, Երևան, 1983:
• Մանկության ափ, Երևան, 1987:
• Белые птицы, Ереван, 1988.
• Ուզում ենք գեղեցիկ ապրել, Երևան, 1992:
• Шаги по мокрому песку, Ереван, 1997.
• Օրը դեռ չի վերջացել, Երևան, 2000:
• Ռեքվիեմ, 2002:
• Փաստաբանական գործունեության հոգեբանություն: Զանգակ-97, 2002, 60 էջ:
• Դատահոգեբանական փորձաքննությունը քրեական և քաղաքացիական դատավարություններում: Զանգակ - 97, 2002, 72 էջ:
• Դատական գործունեության հոգեբանություն: Զանգակ-97, 2002, 54 էջ:
• Ուղղիչ (պենիտենցիար) հոգեբանություն: Զանգակ-97, 2002, 54 էջ:
• Երազների տիեզերք, Երևան, 2004:
• Իրավաբանական հոգեբանություն: Դասագիրք բարձրագույն ուս. հաստատ. համար (համահեղինակ): Զանգակ-97, 2004, 432 էջ:
• Մեղք, ապաշավանք, կատարսիս: Զանգակ-97, 2005, 69 էջ:
• Bili ptaci, Praha, 2006.
• Этот удивительный цвет хаки, Ереван, 2008.
• Ձեռքերը. պատմվածք 35 լեզուներով, Երևան, 2010, 160 էջ: ISBN 978-99941-1-790-1
• Նատյուրմորտ սև ֆոնի վրա, 2011, 176 էջ: ISBN 978-99941-1-879-3
• Натюрморт на черном фоне, Ереван, 2011:
• Ծառերին դեռ կախված էր առավոտը: 2015, 168 էջ: ISBN 978-9939-68-392-8

Մամուլ

• Ինձ հետ սիրալիր մի խոսիր: «Գրական թերթ», 1969, № 7։

Արտաքին հղումներ

• Էլդա Գրինը Էյ Վի Փրոդաքշն կայքում
• Էլդա Գրինը Զանգակ հրատարակչությունում
• Էլդա Գրին - Գրական Թերթ