Էդմոնդ Տիգրանյան

Վիքիպեդիայից՝ ազատ հանրագիտարանից
Jump to navigation Jump to search
Էդմոնդ Տիգրանյան
Ծնվել էմարտի 9 (22), 1911
ԾննդավայրԱլեքսանդրապոլ, Երևանի նահանգ, Ռուսական կայսրություն
Մահացել էդեկտեմբերի 21, 1994(1994-12-21) (83 տարեկանում)
Վախճանի վայրԵրևան, Հայաստան
Ազգությունհայ
ԿրթությունՍանկտ Պետերբուրգի ճարտարապետության և քաղաքացիական ճարտարագիտության պետական համալսարան
Ուշագրավ աշխատանքներԱրմեն Տիգրանյանի հուշարձան
Edmond Tigranian Վիքիպահեստում

Էդմոնդ Արմենի Տիգրանյան (մարտի 9 (22), 1911, Ալեքսանդրապոլ, Երևանի նահանգ, Ռուսական կայսրություն - դեկտեմբերի 21, 1994(1994-12-21), Երևան, Հայաստան), ճարտարապետ, ճարտարապետության դոկտոր (1984), ՀԽՍՀ վաստակավոր շինարար (1953

Կոմպոզիտոր, հասարակական գործիչ Արմեն Տիգրանյանի որդին, ՀԽՍՀ արվեստի վաստակավոր գործիչ, կոմպոզիտոր Վարդան Տիգրանյանի եղբայրը։

Կենսագրություն[խմբագրել | խմբագրել կոդը]

1937 թվականին ավարտել է Լենինգրադի կոմունալ շինարարության ինստիտուտի ճարտարապետության բաժինը։ 1937-1940 թթ. աշխատել է Թբիլիսիում՝ Գ. Մ. Տեր-Միքելյանի գլխավորած «Կավտրանսպրոեկտ» ճարտարապետության արվեստանոցում, 1940-1960 թթ.՝ Երևանի տարբեր նախագծային ինստիտուտներում։ 1960 թվականից դասավանդել է Հայաստանի պետական ճարտարագիտական համալսարանում, (պրոֆեսոր՝ 1985 թվականից)։

Էդմոնդ Տիգրանյանի նախագծերով Վրաստանում կառուցվել են Սևծովյան երկաթուղային (Գագրա, Փոթի, Քոբուլեթ ) կայարանների շենքերը, կամուրջներ, բնակելի տներ, ակումբներ։

Հեղինակ է Երևանի երկաթուղային կայարանի (1949-1955), ԵՊՀ (1949-1965, 1971, 1982), Նուրբ օրգանական քիմիայի ինստիտուտի (1958-1965) համալիրների, Արևմտյան օդանավակայանի (1958), բնակելի և հասարակական շենքերի (1947-1956), Ջերմուկի թիվ 1 առողջարանի (1962) և այլն։

1987 թվականին Երևանում տեղադրված Արմեն Տիգրանյանի հուշարձանի ճարտարապետն է[1]։

Երկեր[խմբագրել | խմբագրել կոդը]

  • Հասարակական շենքերի և կառուցվածքների ճարտարապետական նախագծման հիմունքները: Դասագիրք ճարտարապետաշինարարական ինստիտուտի ուսանողների համար: Լույս, 1989, 390 էջ[2]:
  • Հայ ճարտարապետների գործունեությունը Անդրկովկասում XIX դարի վերջ - XX դարի սկիզբ, Ոսկան Երևանցի, 2003, 263 էջ[3]:
  • Մաքառման և արարման ուղիներով: Արմեն Տիգրանյանի կյանքը, գործունեությունը, ստեղծագործությունը: Ոսկան Երևանցի, 2004, 147 էջ[4]:

Պատկերասրահ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. Ով ով է. Հայեր. Կենսագրական հանրագիտարան, հատոր երկրորդ, Երևան, 2007 
  2. Տիգրանյան Էդմոնդ Արմենի (1989)։ Հասարակական շենքերի և կառուցվածքների ճարտարապետական նախագծման հիմունքները: Դասագիրք ճարտարապետաշինարար. ին-տի ուսանողների համար (հայերեն)։ Լույս։ ISBN 9785545003686 
  3. Տիգրանյան Էդմոնդ Արմենի (2003)։ Հայ ճարտարապետների գործունեությունը Անդրկովկասում XIX դարի վերջ - XX դարի սկիզբ (հայերեն)։ Ոսկան Երևանցի։ ISBN 9789993000525 
  4. Տիգրանյան Էդմոնդ Արմենի (2003)։ Հայ ճարտարապետների գործունեությունը Անդրկովկասում XIX դարի վերջ - XX դարի սկիզբ (հայերեն)։ Ոսկան Երևանցի։ ISBN 9789993000525