Էդման Այվազյան

Էդման Այվազյան; պարսկերեն՝ اِدمان آیوازیان
Ծնվել է	օգոստոսի 10, 1932
Ծննդավայր	Թեհրան, Իրան
Վախճանվել է	մարտի 25, 2020 (87 տարեկան)
Մահվան վայր	Լոնդոն, Միացյալ Թագավորություն
Քաղաքացիություն	Իրան
Մասնագիտություն	նկարիչ
	Edman Ayvazyan Վիքիպահեստում

Վիքիպեդիայում կան հոդվածներ Այվազյան ազգանունով այլ մարդկանց մասին:

Էդման Այվազյան (Էդիկ Այվազյան, օգոստոսի 10, 1932(1932-08-10)^[2], Թեհրան, Իրան^[1] - մարտի 25, 2020(2020-03-25), Լոնդոն, Միացյալ Թագավորություն), հայ նկարիչ։ Ծովանկարիչների թագավորական միության անդամ (2002 )։ Լոնդոնի գեղանկարիչների թագավորական ինստիտուտի անդամ (2006)^[3]։

Կենսագրություն[խմբագրել | խմբագրել կոդը]

Էդման Այվազյանը ծնվել է Թեհրանում։ 1939-1948 թվականներին սովորել է Թեհրանի Թամադոն միջնակարգ դպրոցում, 1964-1966 թվականներին՝ Հռոմի գեղարվեստի ակադեմիայում։

1948 թվականին մասնակցել է պատանի նկարիչների ցուցահանդեսին և արժանացել մրցանակի։ 1958 թվականին Իրանի կողմից ընտրվել է Վենետիկի Բիենալեի մասնակից և արժանացել է Արվեստի և մշակույթի նախարարության առաջին մրցանակին։ 1960-1974 թվականներին աշխատել է ճարտարապետության բնագավառում (Գաջերե հյուրանոց, Թոմասյան դպրոց)։ Ստեղծել է Թեհրանի Սուրբ Սարգիս եկեղեցու տաճարի պատկերները։

1973 թվականին տեղափոխվել է Լոնդոն։ 1980 թվականին գծագրել է Աբդուլազիզ թագավորի անվան օդանավակայանի Մեծ մզկիթի ինտերիերը, Ռիադ։

Էդման Այվազյանն անդրադարձել է «Սասունցի Դավիթ» էպոսին, նկարազարդել է Հովհաննես Թումանյանի երկերը, ստեղծել է դիմանկարներ, ծովանկարներ։ Այվազյանի ստեղծագործությունները գտնվում են տարբեր եկեղեցիներում, թանգարաններում՝ Լազար պատկերասրահ, Արամ Խաչատրյանի տուն-թանգարան^[4]։

2015 թվականին պարգևատրվել է ՀՀ սփյուռքի նախարարության «Արշիլ Գորկի» մեդալով^[5]։

Ցուցահանդեսներ[խմբագրել | խմբագրել կոդը]

1950-1990 թվականներին անհատական և խմբակային ցուցահանդեսներ է ունեցել Իրանում, Հայաստանում, Մեծ Բրիտանիայում, ԱՄՆ-ում^[6]։

«Մշակույթ միության» պարսկահայ նկարիչների խմբակային ցուցահանդես, 1949

Խմբակային ցուցահանդես «Գարուն» ակումբ, Թեհրան, 1950
Մշակութային կապերի համամիութենական ընկերության ամենամյա ցուցահանդես, Թեհրան, 1950-1951 թ
Խմբակային ցուցահանդես «Իրան-ԱՄՆ» ընկերություն, Թեհրան, 1952
Ժամանակակից արվեստագետների խմբակային ցուցահանդես, Թեհրան, 1954 , 1955
Անհատական ցուցահանդես «Իրան-ԱՄՆ» ընկերություն, Թեհրան, 1956
Գրաֆիկական աշխատանքների անհատական ցուցահանդես, Գիլդհոլ, Լոնդոն, 1967
Անհատական ցուցահանդես, Գյուլբենկյան սրահ, Լոնդոն, 1982
Անհատական ցուցահանդես, Գորկի սրահ, Նյու Յորք, 1983
Հայաստանի նկարիչների միություն, Երևան, 1987
Ցուցահանդես Արարատ ակումբում, Թեհրան^[7]
Կոմիտասին նվիրված խմբակային ցուցահանդես-փառատոն, Կանադա, 2009
«Հայրենիքի գույները», Երևան, Հայաստանի ազգային պատկերասրահ, 2015 ^[8]
«Հանդիպում ընկերոջս՝ Սարգիս Մուրադյանի հետ», Սարգիս Մուրադյան պատկերասրահ, 2016 ^[9]

Պատկերասրահ[խմբագրել | խմբագրել կոդը]

Էդման Այվազյան
«Արշիլ Գորկի» մեդալով պարգևատրվելիս
«Հայրենիքի գույները» ցուցահանդեսը ՀԱՊ-ում
«Հայրենիքի գույները» ցուցահանդեսը ՀԱՊ-ում

Ծանոթագրություններ[խմբագրել | խմբագրել կոդը]

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Էդման Այվազյան կատեգորիայում։

[_e20c8e5cd9a49c1f-1] 1,0 ^1,1 ^1,2 ^1,3 https://www.paymanonline.com/ا%D9%90دمان-ادیک-آیوازیان،نخستین-نقاش-ایر/

[_5712db9d226d861b-2] 2,0 ^2,1 https://www.mallgalleries.org.uk/artist/edman-oaivazian-rsma-roi

[3] «Caroun: Edman Aivazian»։ www.caroun.com։ Վերցված է 2020-03-25

[4] Edik Ayvazian (Edman)

[5] Իրանահայ նկարիչ էդման Այվազյանը պարգևատրվել է Սփյուռքի նախարարության «Արշիլ Գորկի» մեդալով

[6] Սփյուռքահայ նկարիչ էդման Այվազյանի աշխատանքները կցուցադրվեն Հայաստանի ազգային պատկերասրահում

[7] Iranian-Armenian artist Ayvazian brings solo exhibit home

[8] էդման Այվազյան «Հայրենիքի գույները»

[9] «Հանդիպում ընկերոջս հետ». Էդման Այվազյանի ցուցահանդեսը Երևանում

[1]

[2]

[3]

[4]

[5]

[6]

[7]

[8]

[9]