Էդման Այվազյան

Վիքիպեդիայից՝ ազատ հանրագիտարանից
Jump to navigation Jump to search
Էդման Այվազյան
Edman Ayvazyan 3.JPG
Ի ծնեԷդման Այվազյան
Ծնվել է1932(1932)
ԾննդավայրԹեհրան, Իրան
Ազգությունհայ
ՔաղաքացիությունFlag of Iran.svg Իրան
Մասնագիտություննկարիչ
Edman Ayvazyan Վիքիպահեստում

Էդման Այվազյան (Էդիկ Այվազյան, 1932, Թեհրան, Իրան), հայ նկարիչ։ Ծովանկարիչների թագավորական միության անդամ (2002 թ.)։ Լոնդոնի գեղանկարիչների թագավորական ինստիտուտի անդամ (2006 թ.

Կենսագրություն[խմբագրել | խմբագրել կոդը]

Էդման Այվազյանը ծնվել է Թեհրանում։ 1939-1948 թվականներին սովորել է Թեհրանի Թամադոն միջնակարգ դպրոցում, 1964-1966 թվականներին՝ Հռոմի գեղարվեստի ակադեմիայում։

1948 թվականին մասնակցել է պատանի նկարիչների ցուցահանդեսին և արժանացել մրցանակի[1]: 1958 թվականին Իրանի կողմից ընտրվել է Վենետիկի Բիենալեի մասնակից և արժանացել է Արվեստի և մշակույթի նախարարության առաջին մրցանակին։ 1960-1974 թվականներին աշխատել է ճարտարապետության բնագավառում (Գաջերե հյուրանոց, Թոմասյան դպրոց)։ Ստեղծել է Թեհրանի Սուրբ Սարգիս եկեղեցու տաճարի պատկերները։

1973 թվականին տեղափոխվել է Լոնդոն: 1980 թվականին գծագրել է Աբդուլազիզ թագավորի անվան օդանավակայանի Մեծ մզկիթի ինտերիերը, Ռիադ:

Էդման Այվազյանն անդրադարձել է «Սասունցի Դավիթ» էպոսին, նկարազարդել է Հովհաննես Թումանյանի երկերը, ստեղծել է դիմանկարներ, ծովանկարներ։ Այվազյանի ստեղծագործությունները գտնվում են տարբեր եկեղեցիներում, թանգարաններում՝ Լազար պատկերասրահ, Արամ Խաչատրյանի տուն-թանգարան[2]:

2015 թվականին պարգևատրվել է ՀՀ սփյուռքի նախարարության «Արշիլ Գորկի» մեդալով[3]:

Ցուցահանդեսներ[խմբագրել | խմբագրել կոդը]

1950-1990 թվականներին անհատական և խմբակային ցուցահանդեսներ է ունեցել Իրանում, Հայաստանում, Մեծ Բրիտանիայում, ԱՄՆ-ում[4]:

«Մշակույթ միության» պարսկահայ նկարիչների խմբակային ցուցահանդես, 1949 թ.

  • Խմբակային ցուցահանդես «Գարուն» ակումբ, Թեհրան, 1950 թ.
  • Մշակութային կապերի համամիութենական ընկերության ամենամյա ցուցահանդես, Թեհրան, 1950-1951 թթ.
  • Խմբակային ցուցահանդես «Իրան-ԱՄՆ» ընկերություն, Թեհրան, 1952 թ.
  • Ժամանակակից արվեստագետների խմբակային ցուցահանդես, Թեհրան, 1954 թ., 1955 թ.
  • Անհատական ցուցահանդես «Իրան-ԱՄՆ» ընկերություն, Թեհրան, 1956 թ.
  • Գրաֆիկական աշխատանքների անհատական ցուցահանդես, Գիլդհոլ, Լոնդոն, 1967 թ.
  • Անհատական ցուցահանդես, Գյուլբենկյան սրահ, Լոնդոն, 1982 թ.
  • Անհատական ցուցահանդես, Գորկի սրահ, Նյու Յորք, 1983 թ.
  • Հայաստանի նկարիչների միություն, Երևան, 1987 թ.
  • Ցուցահանդես Արարատ ակումբում, Թեհրան[5]
  • Կոմիտասին նվիրված խմբակային ցուցահանդես-փառատոն, Կանադա, 2009 թ.
  • «Հայրենիքի գույները», Երևան, Հայաստանի ազգային պատկերասրահ, 2015 թ.[6]
  • «Հանդիպում ընկերոջս՝ Սարգիս Մուրադյանի հետ», Սարգիս Մուրադյան պատկերասրահ, 2016 թ.[7]

Պատկերասրահ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]