Զոյա Բաժանովա

Վիքիպեդիայից՝ ազատ հանրագիտարանից
Jump to navigation Jump to search
Զոյա Բաժանովա
Զոյա Բաժանովա.jpg
Ծնվել էփետրվարի 8, 1902(1902-02-08)
ԾննդավայրՄոսկվա, Ռուսական կայսրություն
Մահացել էդեկտեմբերի 30, 1968(1968-12-30) (66 տարեկանում)
Մահվան վայրՄոսկվա, ԽՍՀՄ
ՔաղաքացիությունFlag of the Soviet Union (1924–1955).svg ԽՍՀՄ
Մասնագիտությունդերասանուհի

Զոյա Կոնստանտինովնա Բաժանովա (ռուս.՝ Зоя Константиновна Бажанова), ռուսական և խորհրդային դրամատիկական դերասանուհի, մանկավարժ։ Բանաստեղծ Պավել Անտոկոլսկու մուսան և կինը[1]։

Կենսագրություն[խմբագրել | խմբագրել կոդը]

Զոյա Բաժանովան ծնվել է 1902 թվականի փետրվարի 8-ին Մոսկվայում։ Լինելով Եվգենի Վախթանգովի և Միխայիլ Չեխովի աշակերտուհին՝ դարձել է Վախթանգովի թատերական ստուդիայի դերասանուհի[1]։ Այնուհետև, երբ 1926 թվականից ստուդիան ստացավ թատրոնի կարգավիճակ, դարձավ Ե․ Վախթանգովի անվան թատրոնի աշխատակազմի մաս՝ այնտեղ աշխատելով 1919-1958 թվականներին։ 1930-1957 թվականներին դասավանդել է Բ․ Շչուկինի անվան ուսումնարանում։

Լինելով ստուդիայի դերասանուհի՝ ծանոթացել է ստուդիայի երիտասարդ դերասան և պոետ Պավել Անտոկոլսկու հետ․ 1920 թվականին նրանք ամուսնացան (նախքան այդ նա կարճ ժամանակ ամուսնացած է եղել Նատալյա Շչեգլովայի հետ և ունեցել է դուստր)։ Բնակարան են ստացել 1928 թվականին Բոլշոյ Լյովշինսկի նրբանցքում Վախթանգովի թատրոնի աշխատակիցների համար հատուկ կառուցված շենքում, ուր և տեղափոխվել և բնակություն են հաստատել հինգերորդ հարկում․ բոլոր հարևանները նաև գործընկերներ էին։ Պատերազմի ժամանակ նրանք երկուսն էլ հանդես էին գալիս ռազմաճակատային բրիգադաներում։ Պավել Անտոկոլսկու որդին առաջին ամուսնությունից՝ Վլադիմիրը, զոհվել է պատերազմին՝ 1943 թվականին։

Զոյա Բաժանովան վախճանվել է ամուսնուց զգալիորեն շուտ։ Վերջինիս համար դա ծանր կորուստ էր։ Պավել Անտոկոլսկին կնոջ հիշատակին բանաստեղծական տողեր է նվիրել․

Все кончено. Но нет конца — концу.
Нет и начала нашему началу.
Но как тебе сегодня не к лицу,
Что ты вчера навеки замолчала.

Բենիամին Կավերինը՝ Պ․ Անտոկոլսկու ընկերը, այդ սարսափելի վշտի մասին գրել է․

Aquote1.png Կարելի է համարձակորեն ասել, որ նա ոչ ոքի և երբեք այդպես չի հասկացել և այդպես չի սիրել, ինչպես իր հավատարիմ, ամբողջ կյանքը նվիրված ընկերոջը։ Միայն նրան էր թույլ տալիս իրեն բռի մեջ պահել[2]։ Aquote2.png


Թաղված է Վոստրյակովո գերեզմանատանը։ Տաս տարի անց նրա կողքը թաղվեց ամուսինը։

Բացի այն, որ Զոյա Բաժանովան մասնագիտությամբ դերասանուհի էր և դերասանական վարպետության ուսուցիչ, նա նաև մեկ այլ ստեղծագործական գործունեություն էր ծավալում՝ նա փայտից քանդակներ էր պատրաստում։ Նրա աշխատանքները ցուցադրվել են Գրականագետների տանը։

Դերերը թատրոնում[խմբագրել | խմբագրել կոդը]

Տարի Հեղինակ Ռեժիսոր Ներկայացում Դեր
1922 Կառլո Գոցցի Եվգենի Վախթանգով Արքայադուստր Տուրանդոտ Զելիմա
1924 Նիկոլայ Գոգոլ Յուրի Զավադսկի Ամուսնություն Դունյաշա
1925 Լիդիա Սեյֆուլինա Ալեքսեյ Պոպով Վիրինեա Մոկեիխա
1926 Միխայիլ Բուլգակով Ալեքսեյ Պոպով Զոյկինի բնակարանը Լիզանկա
1930 Նիկոլայ Պոգոդին Օսիպ Բասով,

Կոնստանտին Միրոնով,

Աննա Օրոչկո,

Բորիս Շչուկին

Տեմպ Վալյա
1932 Մաքսիմ Գորկի Բորիս Զախավա Եգոր Բուլիչովը և ուրիշները Թաիսիա
1936 Ֆրիդրիխ Վոլֆ Պավել Անտոկոլսկի,

Ալեքսանդրա Ռեմիզովա

Ֆլորիդսդորֆ Լենա

Ծանոթագրություններ[խմբագրել | խմբագրել կոդը]

  1. 1,0 1,1 «Зоя Бажанова»։ Кино-Театр.РУ։ Վերցված է 2018-06-23 
  2. Зоя Бажанова — Антокольская