Ծնվել է Վիսպ գյուղում, Շվեյցարիա, 1936 թ.։ Սովորել է Սիոնում, և ստացել իր աստիճանը, էկոնոմիկայի գծով Լոզանի համալսարանում՝ 1959 թ.։ Նա զբաղեցրել է տարբեր պաշտոններ և մասնակցել 1972 և 1976 թթ. Օլիմպիական Խաղերի կազմակերպմանը[22][23][24]։ 1975 թ.-ից սկսած աշխատել է ՖԻՖԱ-ում, սկզբում որպես տեխնիկական գծով նախագահ (1975-1981 թթ.), ապա՝ գլխավոր քարտուղար (1981-1998 թթ.) մինչև իր ընտրությունը ՖԻՖԱ-ի նախագահի պաշտոնում՝ 1998 թ.։ 2002 և 2007 թթ. նա վերընտրվեց այդ պաշտոնում, չնայած վերջին ընտրությունների ժամանակ նա ընտրվեց առանց դեմ քվեների, սակայն ՖԻՖԱ-ի 207 անդամներից նրան կողմ քվեարկեցին ընդամենը 66-ը[25]։ 2009 թվականի դեկտեմբերին նա դարձյալ վերընտրվեց։ 2015 թվականի մայիսի 29-ին նա հինգերորդ անգամ ընտրվեց ՖԻՖԱ-ի նախագահ[26]։
Ֆիզիկական կուլտուրայի հայկական պետական ինստիտուտի պատվավոր պրոֆեսոր։
Ֆուտբոլը մի խաղ է, որից պետք է օգուտ ստանան բոլորը։
Եթե վերադառնանք 2018 թ. աշխարհի գավաթի անցկացման համար ընտրված երկրին, ապա Ռուսաստանը շատ ռիսկային ընտրություն է, սակայն պարոն Աբրամովիչը ֆինանսավորել է ընտրական գործընթացը, մենք կցանկանայինք նույն վերաբերմունքը տեսնել Անգլիայի և Իսպանիայի կողմից հաջորդ ընտրություններին։