Դորոթի Մելոուն

Վիքիպեդիայից՝ ազատ հանրագիտարանից
Jump to navigation Jump to search
Դորոթի Մելոուն
անգլ.՝ Dorothy Malone
Dorothy Malone - Written on the Wind - Studio Publicity Photo.jpg
Ծնվել էհունվարի 30, 1924(1924-01-30)[1]
ԾննդավայրՉիկագո, Իլինոյս, ԱՄՆ
Մահացել էհունվարի 19, 2018(2018-01-19)[2] (93 տարեկան)
Մահվան վայրԴալաս, Տեխաս, ԱՄՆ
ԿրթությունՀարավային մեթոդիստական համալսարան և Highland Park High School?
ՔաղաքացիությունFlag of the United States.svg ԱՄՆ
Մասնագիտությունդերասանուհի, հեռուստատեսային դերասանուհի և կինոդերասանուհի
Ամուսին(ներ)Ժաք Բերժերաք, Robert Tomarkin? և Charles Huston Bell?
Պարգևներ և մրցանակներՕսկար երկրորդ պլանի լավագույն դերասանուհու համար և Հոլիվուդյան փառքի ծառուղու աստղ

Դորոթի Մելոուն (անգլ.՝ Dorothy Malone, հունվարի 30, 1924(1924-01-30)[1], Չիկագո, Իլինոյս, ԱՄՆ - հունվարի 19, 2018(2018-01-19)[2], Դալաս, Տեխաս, ԱՄՆ), ամերիկացի դերասանուհի, 1957 թվականին դարձել է «Օսկար» մրցանակի դափնեկիր։

Կենսագրություն[խմբագրել | խմբագրել կոդը]

Դորոթի Էլոիզ Մելոունը (անգլ.՝ Dorothy Eloise Maloney) ծնվել է 1925 թվականի հունվարի 30-ին Չիկագոյում։ Նրա ծնվելուց հետո ընտանիքը տեղափոխվել է Դալլաս, որտեղ երիտասարդ Դորոտին սկսել է նկարահանվել որպես մոդել և մասնակցել դպրոցական թատերական բեմադրություններին։ Հարավային մեթոդիստական համալսարանում սովորելիս նրան նկատել է «ՌԿՕ» գործակալը և շուտով նա պայմանագիր է կնքել այդ կինոընկերության հետ։ 1942-ին կայացել է նրա կինոդեբյուտը։

Իր կարիերայի վաղ փուլում Դորոթի Մելոունը հիմնականում նկարահանվել է Բ-կարգի ֆիլմերում, որոնցից շատերը վեստերններ էին։ 1940-1950 թվականներին նրա ամենահայտնի դերերը դարձել են 1946թ.-ի գրախանութի տիրուհին «Մեծ երազանք» ֆիլմում, ինչպես նաև Էբիգեյլը «Նկարիչները և մոդելները» կինոնկարում (1955)։ 1953 թվականին նա նկարահանվել է «Օրենք և կարգ» ֆիլմում, որտեղ նրա գործընկերը դարձել է հայտնի դերասան, իսկ ապագայում ԱՄՆ-ի 40-րդ նախագահ Ռոնալդ Ռեյգանը։

1957 թվականին դերասանուհին Օսկար է ստացել «Քամու վրա գրված բառեր» ֆիլմում՝ երկրորդ պլանի դերի համար։ Դրանից հետո նա դեպի իրեն է գրավել ռեժիսորների ուշադրությունը, և հետագա տարիներին նրան հրավիրել են նկարահանումների այնպիսի կինոնկարներում, ինչպիսիք են «Հազար երեսով մարդը» (1957), «Արատավոր հրեշտակները» (1958), «Շերիֆը» (1959) և «Վերջին ճանապարհորդությունը»։

1950-ականների վերջից Դորոթի Մելոունը սկսել է նկարահանվել հեռուստատեսությունում։ 1964-1969 թվականներին նա կատարել է Կոնստանս Մաքքինզիի դերը «Փեյթոն Փլեյս» հեռուստասերիալում։ Նրա վերջին դերը կինոյում դարձել է Հեյզլ Դոբկինսը «Հիմնական բնազդը» ֆիլմում 1992 թվականին։ ԱՄՆ կինոարտադրության մեջ ունեցած ավանդի համար դերասանուհին արժանացել է աստղի Հոլիվուդի Փառքի ծառուղում՝ Վայն-սթրիթ 1718-ում։

«Քամու վրա գրված բառեր» ֆիլմում

Դորոթի Մելոունը երեք անգամ ամուսնացել է և ամուսնալուծվել։ Առաջին ամուսնուց՝ ֆրանսիացի դերասան Ժակ Բերժերակից, լույս աշխարհ է բերել Միմի և Դայան դուստրերին։ Դերասանուհին մահացել է Դալլասի կլինիկաներից մեկում 2018 թվականի հունվարի 19-ին՝ 93 տարեկանում[3][4][5]։ Մահվան պահին Մելոունը Հոլիվուդի ոսկեդարի վերջին աստղերից մեկն էր։

Ընտրված ֆիլմագրություն[խմբագրել | խմբագրել կոդը]

  • Հիմնական բնազդ (1992) — Հեյզլ Դոբինս
  • Արարած (1983) — Մարջ Սմիթ
  • Ձմեռային սպանություն (1979) — Էմմա Կեգան
  • Ճակատագիր-որսորդ (1964) — Լիզա Բոնդ
  • Վերջին ճանապարհորդությունը (1960) — Լորի Հենդերսոն
  • Շերիֆը (1959) — Լիլի Դոլլար
  • Արատավոր հրեշտակներ(1958) — Լավերն Շումանն
  • Հազար երեսով մարդը (1957) — Կլեվա
  • Քամու վրա գրված բառեր (1956) — Մերիլի
  • Արևմուտքի հինգ հրացան (1955) — Շելի
  • Նկարիչները և մոդելները (1955) — Էբիգեյլ
  • Սա երիտասարդ սիրտ է (1954) — Ֆրեն
  • Սողանցք (1954) — Ռուտի Դոնովան
  • Հեշտ արդյունահանում (1954) — էնն Ստյուարտ
  • Անձնական դժոխք 36 (1954) — Ֆրենսի Ֆարնեմ
  • Կարգ ու կանոն (1953) — Ջիննի
  • Վախեցած է մահվան (1953) — Ռոզի
  • Դատապարտված (1950) — Քեի Նոուլենդ
  • Վախեցած մարդասպանը Նյու Յորքում (1950) — Էլիս Լոուրի
  • Խորը քուն (1946) — Գրախանութի տիրուհին

Մրցանակներ[խմբագրել | խմբագրել կոդը]

Գրականություն[խմբագրել | խմբագրել կոդը]

  • Byrne, James Patrick; Coleman, Philip; Francis King, Jason Ireland and the Americas: Culture, Politics, and History : a Multidisciplinary Encyclopedia, Volume 2. — Illustrated. — ABC-CLIO, 2008. — ISBN 978-1-8510-9614-5

Պատկերներ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. 1,0 1,1 SNAC — 2010.
  2. 2,0 2,1 2,2 Dorothy Malone, 'Peyton Place' Star and Oscar Winner, Dies at 92
  3. «Oscar winner Dorothy Malone, mom on Peyton Place, has died»։ Associated Press (The Guardian)։ 2018-01-19։ Վերցված է 2018-01-20 
  4. Obituary, hollywoodreporter.com; accessed January 20, 2018.
  5. Byrne, 2008, էջ 546