Դմիտրի Ուշակով
Դմիտրի Ուշակով Дмитрий Ушаков | |
|---|---|
| Ծնվել է | հունվարի 12 (24), 1873 Մոսկվա, Ռուսական կայսրություն[1] |
| Մահացել է | ապրիլի 17, 1942[1] (69 տարեկանում) Տաշքենդ, Ուզբեկական Խորհրդային Սոցիալիստական Հանրապետություն, ԽՍՀՄ[1] |
| Գերեզման | Botkin Street Cemetery |
| Քաղաքացիություն | Ռուսական կայսրություն.svg){kind=small} ԽՍՀՄ |
| Մասնագիտություն | բառարանագիր, լեզվաբան և բարբառագետ |
| Հաստատություն(ներ) | Մոսկվայի պետական համալսարան, Մոսկվայի կայսերական համալսարան և Մոսկվայի բարձրագույն կանանց դասընթացներ |
| Գործունեության ոլորտ | լեզվաբանություն |
| Անդամակցություն | ԽՍՀՄ գիտությունների ակադեմիա |
| Ալմա մատեր | Մոսկվայի համալսարանի պատմաբանասիրական ֆակուլտետ |
| Կոչում | corresponding members of RAS? |
| Գիտական աստիճան | Մոսկվայի կայսերական համալսարան |
| Գիտական ղեկավար | Ֆիլիպ Ֆորտունատով |
| Եղել է գիտական ղեկավար | Ռուբեն Ավանեսով, Grigori Ossipovitch Vinokour?, Piotr Savitch Kouznetzov?, Aleksandr Reformatsky? և Vladimir Sidorov? |
| Հայտնի աշակերտներ | Grigori Ossipovitch Vinokour?, Ռուբեն Ավանեսով, Piotr Savitch Kouznetzov?, Aleksandr Reformatsky? և Vladimir Sidorov? |
| Պարգևներ | «Պատվո նշան» շքանշան |
Դմիտրի Նիկոլաևիչ Ուշակով (ռուս.՝ Дмитрий Николаевич Ушаков, հունվարի 12 (24), 1873, Մոսկվա, Ռուսական կայսրություն[1] - ապրիլի 17, 1942[1], Տաշքենդ, Ուզբեկական Խորհրդային Սոցիալիստական Հանրապետություն, ԽՍՀՄ[1]), ռուս սովետական լեզվաբան։ ԽՍՀՄ ԳԱ թղթակից անդամ (1939)։ Ավարտել է Մոսկվայի համալսարանը (1895)։ Եղել է կանանց բարձրագույն դասընթացների, խոսքի ինստիտուտի, Մ․ Գորկու անվան գրականության ինստիտուտի, Մոսկվայի Ն․ Չեռնիշեսկու անվան պատմության, փիլիսոփայության և գրականության ինստիտուտի, պետական համալսարանի պրոֆեսոր։ Դմիտրի Ուշակովի աշխատությունները՝ «Ռուսական բարբառագիտության ուրվագիծ՝ Եվրոպայում ռուսերենի բարբառների առաջին քարտեզի հավելվածով» (1915), «Լեզվագիտության համառոտ ներածություն» (1913) և այլ գործեր հիմք ծառայեցին ռուսական բարբառագիտության զարգացման համար։ Դմիտրի Ուշակով եղել է Մոսկվայի բարբառագիտական հանձնաժողովի ստեղծողներից (1903), 1915 թվականից՝ նախագահը, 1904-1931 թթ.՝ հանձնաժողովի հրատարակած գրականության խմբագիրը։ 1901 թվականից մասնակցել է ռուսաստանի ուղղագրության բարեփոխման աշխատանքներին, 30-ական թթ․ գլխավորել լուսժողկոմատի ուղղագրական հանձնաժողովը։ Դմիտրի Ուշակովը նախաձեռնել է ռուսաստանի ուղղախոսության ուսումնասիրությունը («Ռուսերենի ուղղախոսությունը և նրա խնդիրները», 1928, «ճիշտ արտասանության հարցի շուրջը», 1936, հրտ․ 1964)։ Նրա խմբագրությամբ և հեղինակային մասնակցությամբ 1935-1940 թթ. լույս է տեսել «Ռուսերենի բացատրական բառարանի» 4 հատոր։ Դմիտրի Ուշակովի մի խումբ աշակերտներ դարձել են «մոսկովյան հնչութաբանական դպրոցի» միջուկը։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 1,5 1,6 1,7 1,8 Ушаков Дмитрий Николаевич // Большая советская энциклопедия: [в 30 т.] / под ред. А. М. Прохоров — 3-е изд. — М.: Советская энциклопедия, 1969.
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ 
|
