Դմիտրի Ախշարումով (ուտոպիստ)

Վիքիպեդիայից՝ ազատ հանրագիտարանից
Jump to navigation Jump to search
HS Disambig.svg Անվան այլ կիրառումների համար տե՛ս՝ Դմիտրի Ախշարումով (այլ կիրառումներ)
Դմիտրի Ախշարումով
Ծնվել էմայիսի 14, 1823(1823-05-14) կամ մայիսի 29, 1823(1823-05-29)
Վախճանվել էհունվարի 6, 1910(1910-01-06) (86 տարեկանում) կամ հունվարի 20, 1910(1910-01-20) (86 տարեկանում)
Մասնագիտությունգրող
Լեզուհայերեն և ռուսերեն
ՔաղաքացիությունՌուսական կայսրություն
ԿրթությունՍանկտ Պետերբուրգի պետական համալսարանի արևելյան ֆակուլտետ, Տարտուի համալսարան և Ս. Մ. Կիրովի անվան ռազմական բժշկական ակադեմիա
Գիտական աստիճանբժշկության դոկտոր (1866)
ԱնդամակցությունՊետրաշևականներ

Դմիտրի Դմիտրիի Ախշարումով (մայիսի 14, 1823(1823-05-14) կամ մայիսի 29, 1823(1823-05-29) - հունվարի 6, 1910(1910-01-06) կամ հունվարի 20, 1910(1910-01-20)), ուտոպիստ-սոցիալիստ, գրող, բժիշկ։ Ծագումով հայ, Դմիտրի Ի. Ախշարումովի որդին։

Կենսագրություն[խմբագրել | խմբագրել կոդը]

1846 թվականին ավարտել է Պետերբուրգի համալսարանի արևելագիտական ֆակուլտետը։ 1848 թվականին անդամագրվել է պետրաշնականների խմբակին և դարձել Ռուսաստանի ուտոպիստ–սոցիալիստական շարժման նշանավոր դեմքերից։ Ա. Շ. Ֆոնրիեի գաղափարների հետևորդ էր, միաժամանակ, հեղափոխական–դեմոկրատ։

Կողմնակից էր ժողովրդի ստորին խավերին քաղաքական պայքարի մեջ ներգրավելուն։ 1849 թվականին բանտարկվել և դատապարտվել է գնդակահարության, սակայն վճիռը փոխվել է։ Ախշարումովը աստիճանազրկվել ու մյուս պետրաշևականների հետ աքսորվել է Կովկաս։ 1856 թվականին ազատվել է զինվորական ծառայությունից և իրավունք ստացել ապրելու Ռուսաստանի կենտրոնական քաղաքներում։

1862 թվականին ավարտել է Բժշկա-վիրաբուժական ակադեմիան։ Հրատարակել է բազմաթիվ հոդվածներ ու գրքեր խոլերայի, ժանտախտի և այլ համաճարակային հիվանդությունների մասին[1]։ Պոլտավայում հիմնել է բժիշկների միություն։ Գրել է բանաստեղծություններ, որոնցում արտահայտել է իր քաղաքական հայացքներն ու իղձերը («Հող, դժբախտ հող», 1849, «Լեռը բարձր Է, գագաթը հազիվ է նշմարվում», 1849 և այլն)։

Ծանոթագրություններ[խմբագրել | խմբագրել կոդը]

  1. Արծվի Բախչինյան (2002)։ Հայազգի գործիչներ։ Երևան: Զանգակ-97։ ISBN 99930-2-415-5 
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ CC-BY-SA-icon-80x15.png