Դիաննա Էյգրոն

Դիաննա Էյգրոն
Ծնվել է	ապրիլի 30, 1986(1986-04-30) (37 տարեկան)
Ծննդավայր	Սավաննա, Ջորջիա, ԱՄՆ
Կրթություն	Burlingame High School? և Hebrew school?
Քաղաքացիություն	ԱՄՆ
Կրոն	հուդայականություն
Մասնագիտություն	դերասանուհի, երգչուհի, պարուհի, կինոդերասանուհի, հեռուստատեսային դերասանուհի, սցենարիստ, հեռուստառեժիսոր, բլոգեր, կինոռեժիսոր, կինոպրոդյուսեր, մոդել և թատրոնի դերասանուհի
Ժանրեր	փոփ, ջազ, lounge music? և թեթև երաժշտություն
Ամուսին(ներ)	Winston Marshall?
Համատեղ ապրող(ներ)	Ալեքս Պետիֆեր, Սթեն Սեբաստիան և Քրիս Էվանս
Պարգևներ և մրցանակներ	ԱՄՆ կինոդերասանների գիլդիայի մրցանակ

Դիաննա Էլիզ Էյգրոն (անգլ.՝ Dianna Elise Agron, ապրիլի 30, 1986(1986-04-30), Սավաննա, Ջորջիա, ԱՄՆ), ամերիկացի դերասանուհի, երգչուհի, մոդել ու պարուհի։ Դիաննան նաև You, Me, and Charlie-ն կայքի ստեղծողն է, որում նկարներով նկարագրվում է իր սերը երաժշտության, արվեստի ու այլ նախասիրությունների նկատմամբ։ Դիաննան հանրությանը հայտնի է դարձել "Երգչախումբ" սերիալի գլխավոր հերոսներից մեկի ` Քուին Ֆաբրեի դերը տանելու շնորհիվ։

Կենսագրություն

Դիաննան ծնվել է Ջյորջիա նահանգում, բայց անցկացրել է մանկությունն ու պատանեկությունը Տեխասում ու Կալիֆորնիայում։ Նա Մերի ու Ռոնալդ Էյգրոնների դուստրն է։ Էյգրոնի հայրի ծագմամբ ռուս էր, ու իրենց ազգանունը ծագել է Էյգրոնսկի ռուսական ազգանունից։ Դիաննան Ջեյսոն անունով երիտասարդ եղբայր ունի։ Նա մանկուց ստացել է բազմաթիվ դերեր դպրոցական միջոցառումներում ու թատրոններում։ Դիաննայի հրեշտակային ձայնը ծնողները նշմարել են մանկուց, բայց երբեք նրան որևէ երածշտական դասերի չեն տարել։

Կարիերա

Դիաննան որպես դերասանուհի իր կարիերան սկսել է 2006 թվականին ` նկարահանվել միանգամից մի քանի ֆիլմերում ու հեռուստաշոուներում։ Դիաննան հայտնի դարձավ բոլորին "Վերոնիկա Մարս" և "Հերոսները" սերիալներում տարած դերերի համար։ Նա սկսեց ավելի մեծ համբավ վայելել երբ տարավ իր թերևս ամենահայտնի ու հիշվող դերը ` Քուին Ֆաբրեյի դերը "Երգչախումբ" աշխարհահռչակ երիտասարդական հեռուստասերիալում։ Այս դերի համար նա արժանացավ բազմաթիվ մրցանակների ու այլ պարգևատվությունների։ Դիաննան մինչ այժմ խաղում է սերիալում, սակայն այլևս գլխավոր դերակատարը չէ ու սերիալում հայտնվում է միայն կարևորագույն սերիաներում։ Դիաննան բացի սերիալներում ու տեսահոլովակներում նկարահանվելուց նկարահանվել է նաև բազմաթիվ աշխարհահռչակ ֆիլմերում, դրանցից են հայուհի Շերի ու Քրիստինա Ագիլերայի ընկերակցությամբ "Բուրլեսք" ֆիլմը, "Ես Չորրորդ Համարն եմ" ֆանտաստիկ ժանրի ֆիլմը, որտեղ Դիաննան գլխավոր դերակատարուհի էր և այլ բազմաթիվ ֆիլմեր։ Դիաննան 2013 թ.-ին նկարահանվել է նաև Ռոբերտ Դե Նիրոյի հետ "Ընտանիքը" կատակերգական մարտաֆիլմում։ Այժմ Դիաննան շարունակում է նկարահանվել բազմաթիվ ֆիլմերում, սերիալներում ու տեսահոլովակներում։ Դիաննան իր ուժերն է փորձել նաև ռեժիսուրայում, դառնալով մեկ կարճամետրաժ ֆիլմի ու մի տեսահոլովակի ռեժիսոր։

Ֆիլմագրություն

Ֆիլմեր

Տարի	Անվանում	Դեր	Նշումներ
2006	Կեսգիշերից Հետո։ Կյանքը Ճաղերի Ետևում	Քելլի	Հեռուստաֆիլմ
2006	Երբ Անծանոթը Կանչում է	Չիրլիդեր	կամեո
2007	T.K.O.	Դիաննա
2007	Սքիդ Մարքս	Մեգան
2007	Սրընթացները	Քայլիի աղջիկը	Կարճամետրաժ
2009	Ընթրիք Ռաֆաելի Հետ	Դիաննա	Կարճամետրաժ
2009	Անանուն Հայտնիներ	Սեդի	Հեռուստաֆիլմ
2009	Ֆուքսիա Փիղը	Շարլոթ Հիլլ	Կարճամետրաժ
2010	Համարձակ Բնածին	Սամանտա
2010	Ռոմանտիկները	Մինոու Հայես
2010	Բուրլեսք	Նատալի
2011	Որսորդները	Ալիս
2011	Ես Համար Չորսն եմ	Սառա Հարթ
2011	Երգչախումբ։3D Համերգ	Քուին Ֆաբրեյ
2013	Ընտանիքը	Բելլ Բլեյք/Բելլ Մանզոնի
2014	Միություն	Պատմող	Փաստագրական
2014	Դավադրություն Ջեքիլ Կղզում	Ամելիա Ռոնդարտ
2014	Կայծակաճարմանդ	Դալիա	Ընթացքում
2014	Կիսաքանդ	Ֆինլի	Նկարահանվում է
2015	Մեն Մենակ		Նկարահանվում է
2015	Հավակնորդները	Վիկտորիա

Հեռուստատեսություն

Տարի	Անվանում	Դեր	Նշումներ
2006	Տանը Մոտ	Խմած աղջիկ	1 սերիա
2006	CSI: Նյուք Յորք	Ջեսիկա Գրանտ	1 սերիա
2006	Դրեյքն ու Ջոշը	Լեքսի	1 սերիա
2006	Շնաձուկ	Ջիա Մելլոն	1 սերիա
2006–2007	Վերոնիկա Մարս	Ջեննի	3 սերիա
2007	Հերոսները	Դեբբի Մարշալլ	5 սերիա
2007	Սա Զբոսանքի Աշխարհ է	Հարփեր	Հիմնական կազմ։13 սերիա
2008	Համարներ	Քելլի Ռանդ	1 սերիա
2009–2014	Երգչախումբ	Քուին Ֆաբրեյ	Գլխավոր դեր (Սեզոններ 1–3) Հրավիրված աստղ (Սեզոններ 4–5);71 սերիա

Որպես Ռեժիսոր

Տարի	Անվանում	Նշումներ
2009	Ֆունքսիա Փիղը	Կարճամետրաժ, նաև պրոդյուսերն ու սցենարիստն է
2010	Մարմին	Տեսահոլովակ

Տեսահոլովակներ

Տարի	Անվանում	Արտիստ	Նշումներ
2013	"Just Another Girl (Ողղակի Ուրիշ Աղջիկ)"	The Killers	Գլխավոր դերակատարուհի