Դեյվիդ Հարբոր

Դեյվիդ Հարբոր
Ծննդյան թիվ՝	ապրիլի 10, 1975(1975-04-10) (48 տարեկան)
Ծննդավայր՝	Ուայթ Փլեյնս, Վեստչեստեր շրջան, Նյու Յորք, ԱՄՆ
Քաղաքացիություն՝	ԱՄՆ
Մասնագիտություն՝	հեռուստատեսային դերասան, կինոդերասան, թատրոնի դերասան և դերասան
IMDb։	ID 1092086

Դեյվիդ Քաննեթ Հարբոր (անգլ.՝ David Kenneth Harbour, ապրիլի 10, 1975(1975-04-10), Ուայթ Փլեյնս, Վեստչեստեր շրջան, Նյու Յորք, ԱՄՆ), ամերիկացի թատրոնի և կինոյի դերասան։ «Ոսկե գլոբուս» և «Էմմի» մրցանակների թեկնածու։

Կենսագրություն

Դեյվիդ Հարբորը սովորել է նյույորքյան Բիրամ Հիլս միջնակարգ դպրոցում, դերասաններ Շոն Մահերի և Էյալ Փոդելի հետ։ 1997 թվականին ավարտել է Հանովերում գտնվող Դարտմուտի քոլեջը։

Հարբորի մասնագիտական կարիերան սկսվել է 1999 թվականին Բրոդվեյում, որտեղ նա խաղացել է «Անձրև վաճառողը» բեմադրությունում։ Նույն թվականին նա մատուցողի դեր է ստացել «Կարգ ու կանոն» հեռուստասերիալում։ 2005 թվականին Հարբորը առաջադրվել է «Թոնի» մրցանակին՝ «Ո՞վ է վախենում Վիրջինա Վուլֆից» բեմադրության համար։

2000-ականներին Դեյվիդ Հարբորը ստանում է նկատելի դերեր «Գթասրտության քվանտ», «Փոփոխությունների ճանապարհ» և «State of Play» ֆիլմերում։

Իրական հայտնիություն է նրան բերել Ջիմ Հոփերի դերը «Տարօրինակ դեպքեր» գիտաֆանտաստիկ հեռուստասերիալում։

2017 թվականի մայիսին հայտնի դարձավ, որ Դեյվիդը գլխավոր դեր է խաղալու «Հելլբոյ» ֆիլմում, որը մեծ էկրաններ է դուրս եկել 2019 թվականի ապրիլի 11-ին։

2018 թվականի հունվարին համացանցում հայտնվեց նորություն այն մասին, որ դերասանը համաձայնվել է անցկացնել իր երկրպագուհիներից մեկի ամուսնության արարողությունը։ Աղջիկը իր Թվիթթերյան միկրոբլոգում հրապարակում է կատարել, որտեղ հարցրել է, թե նա ինչ պետք է անի, որպիսի Դեյվիդ Հարբորը սեպտեմբերին անցկացնի իր ամուսնության արարողությունը։ Դերասանը արձագանքեց նամակին, ասելով, որ նրա հրապարակումը պետք է 125 հազար ռեթվիթ հավաքի։ Հաղորդագրությունը առաջին օրերի ընթացքում անհրաժեշտ ռեթվիթեր հավաքեց։

Ընտրյալ ֆիլմագրություն

Տարեթիվ		Հայերեն անվանում	Բնօրինակ անվանում	Դեր
2004	ֆ	Քինսի	Kinsey	Ռոբերտ Քինսի
2005	ֆ	-	Brokeback Mountain	Ռենդալ Մալոուն
2007	ֆ	Նարկոզ	Awake	Դրակուլա
2008	ֆ	Փոփոխությունների ճանապարհ	Revolutionary Road	Շեփ Քեբբել
2008	ֆ	Գթասրտության քվանտ	Quantum of Solace	Գրեգ Բիմ
2009	ս	Խաբիր ինձ	Lie to Me	Տղայի հայրը
2011	ֆ	Կանաչ ձիաբոռ	The Green Hornet	Ֆրենկ Սկանլոն
2011	ֆ	ՄԵՆՔ։ Հավատում ենք սիրուն	W.E.	Էրնեստ Սիմպսոն
2012	ֆ	Հերթապահության ավարտ	End of Watch	Վան Հաուզեր
2012	ֆ	Մեր միջև	Between Us	Ջոել
2012	ֆ	-	Knife Fight	Սթիվեն Գրին
2013	ֆ	Ծախուն	Snitch	Ջեյ Փրայս
2013	ֆ	Պարկլենդ	Parkland	Ջեյմս Գորգոն Շանկլին
2013	ս	Տարրական	Elementary	բժիշկ Մեյսոն Բոլդուին
2014	ֆ	X/Y	X/Y	Թոդ
2014	ֆ	Զբոսանք դիակների կողքով	A Walk Among the Tombstones	Ռեյ
2014	ֆ	Հավասարեցնողը	The Equalizer	Ֆրենկ Մաստերս
2014-2015	ս	-	State of Affairs	Դեյվիդ Պատրիկ
2014-2015	ս	Մանհեթեն	Manhattan	Ռիդ Էկլին
2015	ֆ	Սև զանգված	Black Mass	Ջոն Մորիս
2015-2016	ս	Բանշի	Banshee	Ռեբերտ Դալտոն
2016	ս	Ինքնասպաննների ջոկատ	Suicide Squad	Դեքստեր Թոլիվեր
2016-ներկա	ս	Տարօրինակ դեպքեր	Stranger Things	Ջիմ Հոփեր
2016	ս	-	Crisis in Six Scenes	Վիկ
2017	ֆ	Անքուն գիշեր	Sleepless	Դագ Դենիսոն
2019	ֆ	Հելլբոյ	Hellboy	Հելլբոյ
2020	ֆ	Սև այրի	Black Widow	Ալեքսեյ Շոստակով