Դանիայի ազգային պատկերասրահ

Վիքիպեդիայից՝ ազատ հանրագիտարանից
Jump to navigation Jump to search
Դանիայի ազգային պատկերասրահ
Statens Museum for Kunst, København.jpg
Տեսակպատկերասրահ
ԵրկիրFlag of Denmark.svg Դանիա
ՏեղագրությունԿոպենհագեն
ՎայրԿոպենհագեն
Կազմված էThe Royal Collection of Graphic Art?
ՀասցեSølvgade 48 - 50, 1307 København K
Հիմնադրված է1896
Այցելուներ451 195[1]
ՏնօրենMikkel Bogh?[2]
Կոորդինատներ: 55°41′20.004″ հս․ լ. 12°34′42.996″ ավ. ե. / 55.68889000° հս․. լ. 12.57861000° ավ. ե. / 55.68889000; 12.57861000
Կայքsmk.dk

Դանիայի ազգային պատկերասրահ (դան․՝ Statens Museum for Kunst, SMK), ազգային պատկերասրահ Դանիայում, գտնվում է Կոպենհագենի կենտրոնում[3]:

Թանգարանը հավաքում, գրանցում, պահպանում, հետազոտում և ուսումնասիրում է 14-րդ դարից մինչև մեր օրեր դանիական, ինչպես նաև օտարերկրյա արվեստի նմուշները:

Պատմություն[խմբագրել | խմբագրել կոդը]

Interior - Statens Museum for Kunst - DSC08266.JPG

Դանիայի ազգային պատկերասրահի հավաքածուի հենքը եղել է դանիական միապետերի արվեստի պալատը (դան․՝ Kunstkammeret): Երբ գերմանացի Գերհարդ Մորելը 1750 թվականին դարձավ Ֆրեդերիկ V-ի Արվեստի պալատի պահապանը, նա թագավորին առաջարկեց ստեղծել նկարների առանձին հավաքածու: Համոզված լինելու համար, որ իր հավաքածուն չի զիջում այլ թագավորական ընտանիքների և տեղական կոմսերի հավաքածուներին, թագավորը գնեց բազում իտալական, հոլանդական և գերմանական նկարներ: Հավաքածուն համալրվեց նաև ֆլամանդական և հոլանդական արվեստի լավագույն նմուշներով: Մորելի օրոք ձեռք բերվեց Անդրեա Մանտենյայի «Քրիստոսը որպես տառապանքի փրկիչ» կտավը: Թագավորական արվեստի պատկերասրահը (Det Kongelige Billedgalleri) մինչև 1884 թվականը գտնվել է Քրիստիանսբորգ պալատում[4], մինչև 1896 թվականին թանգարանի բացմամբ ունեցավ նոր շենք[5]:

Այդ ժամանակից ի վեր մի շարք մեծ գնումներ արվեցին: XIX դարում գերիշխում էր դանիացի արվեստագետների գործերը, ուստի թանգարանն ունի Դանիայի ոսկե դարաշրջանի անզուգական հավաքածու: Երկրում ստեղծվում էին բարձր գեղարվեստական որակի գործեր, և 1754 թվականին ստեղծվեց Դանիայի գեղարվեստի թագավորական ակադեմիան:

Հին և նոր շենքերի հանդիպում

Վերջին տարիներին հավաքածուն համալրվել է նվիրատվություններով և երկարաժամկետ փոխառություններով: 1928 թվականին թանգարանին է նվիրաբերվել Յոհանես Թամփսի վաղ ֆրանսիացի ժամանակակից նկարիչների կտավների հավաքածուն, որին հաջորդել է ֆրանսիական ավանդույթով քանդակների ու կտավների գնումը[6]:

Ճարտարապետություն[խմբագրել | խմբագրել կոդը]

Թանգարանի նախնական շենքը նախագծել է դանիացի ճարտարապետ Վիլհելմ Դահլերուպը և Գ. Ե. Ու. Մյոլերը: Շենքը կառուցվել է 1889-1896 թվականներին Իտալական Վերածննդի ճարտարապետական ոճով[7]:

Թանգարանի հետևի մասի ժամանակակից նոր ընդլայնումը նախագծել է ճարտարապետ Աննա Մարիա Ինդրիոն և Arkitektfirmaet C. F. Møller ճարտարապետական ընկերությունից Մադս Մյոլլերը: 1998 թվականին թանգարանն ընդլայնվեց և այնտեղ տեղավորվեց ժամանակակից արվեստի հավաքածուն: Երկու շինությունները միմյանց կապված են «Քանդակների փողոց» ապակեպատ ճեմուղով և թատրոնով[8]:

Հավաքածու[խմբագրել | խմբագրել կոդը]

Թանգարանի հավաքածուն կազմում է գրեթե 9000 նկար և քանդակ, ինչպես նաև 240000 արվեստի գործեր թղթի վրա, հնագույն ժամանակների, միջին դարերի և Վերածննդի դարաշրջանի ավելի քան 2600 գիպսե ֆիգուրներ: Թանգարանի հիմնական հավաքածուի գերակշիռ մասը Դանիայի թագավորների պալատների արվեստի գործերն են:

Հավաքածուում ներառված են՝

  • Եվրոպական արվեստ 1300-1800 թվականներ
  • Դանիական և սկանդինավյան արվեստ 1750-1900 թվականներ
  • Ֆրանսիական արվեստ 1900-1930 թվականներ
  • Դանիական և միջազգային արվեստ 1900 թվականից հետո
  • Գրաֆիկական արվեստի թագավորական հավաքածու
  • Թագավորական գիպսե հավաքածու

Պատկերասրահ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. http://www.dkmuseer.dk/content/enest%C3%A5ende-bes%C3%B8gstal
  2. http://www.smk.dk/om-museet/kontakt-os/direktionen/
  3. «Visiting Information»։ SMK։ Statens Museum for Kunst 
  4. Villadsen Villads (1998)։ Statens Museum for Kunst 1827 - 1952։ Gyldendal։ էջ 13։ ISBN 87-00-34756-6 
  5. Villadsen Villads (1998)։ Statens Museum for Kunst 1827 - 1952։ Gyldendal։ էջ 100։ ISBN 87-00-34756-6 
  6. Top Marianne, Aagesen Dorthe, Larsen Berhit Anne։ «Danish and International art after 1900»։ SMK։ Statens Museum for Kunst 
  7. Villadsen Villads (1998)։ Statens Museum for Kunst 1827 - 1952։ Gyldendal։ էջ 99։ ISBN 87-00-34756-6 
  8. «National Gallery of Denmark - Extension»։ C. F Møller 

Արտաքին հղումներ[խմբագրել | խմբագրել կոդը]