Գևորգ Բարդակչյան

Գևորգ Բարդակչյան
Ծնվել է	օգոստոսի 2, 1942 (81 տարեկան); Բեյրութ, Լիբանան
Քաղաքացիություն	Լիբանան և ԱՄՆ
Մասնագիտություն	պատմաբան, բանասեր և գրականագետ
Հաստատություն(ներ)	Հարվարդի համալսարան և Միչիգանի համալսարան
Անդամակցություն	ՀՀ ԳԱԱ, Middle East Studies Association of North America? և Society for Armenian Studies?
Ալմա մատեր	ԵՊՀ հայ բանասիրության ֆակուլտետ և Օքսֆորդի համալսարան
Կոչում	պրոֆեսոր
Տիրապետում է լեզուներին	հայերեն
Պարգևներ

Գևորգ Պարգևի Բարդակչյան (օգոստոսի 2, 1942(1942-08-02)^[1], Բեյրութ, Լիբանան), հայ բանասեր, պատմաբան, գրականագետ։ Օքսֆորդի համալսարանի դոկտոր (1979), պրոֆեսոր (1982)։ ՀՀ ԳԱԱ արտասահմանյան անդամ (28.12.2011)։

Կենսագրություն[խմբագրել | խմբագրել կոդը]

Դպրոցն ավարտել է Դամասկոսում, այնուհետև՝ ընդունվել և ավարտել Երևանի պետական համալսարանի բանասիրական ֆակուլտետը և Օքսֆորդի համալսարանը։ 1974-1987 թվականներին դասախոսել է Հարվարդի համալսարանում, 1987 թվականից Միչիգանի համալսարանի հայոց լեզվի և գրականության ամբիոնի վարիչն է, 1995 թվականից, միաժամանակ՝ հայագիտական ծրագրերի տնօրեն^[3]։

Աշխատությունները վերաբերում են ուշ միջնադարի և նոր շրջանի պատմությանը, գրականությանը և մշակույթին («Յակոբ Պարոնեանի այլաբանական կարգ մը երկերու պատմական դեմքերն ու դէպքերը», 1980, «Հիտլերը և հայերի ցեղասպանությունը», 1991)^[4]։

1985 թվականին անգլերեն լեզվով «Հիտլերը և Հայոց ցեղասպանությունը» գրքում, հիմնվելով մինչ այժմ անհայտ արխիվային փաստաթղթերի վրա, Բարդակչյանը տվել է անառարկելի ապացույցներն այն բանի, որ Հիտլերը, ծրագրելով հրեաների զանգվածային ոչնչացումը, որպես նախադեպ նկատի է ունեցել Օսմանյան կայսրությունում կատարված Հայոց ցեղասպանությունը, ինչպես նաև թուրքերի անպատժելիությունը մարդկության դեմ գործած հանցագործության համար։ Մասնակցել է ցեղասպանության հարցերին նվիրված միջազգային գիտական կոնֆերանսներին^[5]։

Երկեր[խմբագրել | խմբագրել կոդը]

A Textbook of Modern Western Armenian, by Բարդակչյան Գևորգ Պարգևի, Thomson, Robert W., Edition: 1st ed.Type: book Book; Literary form: not fiction Publisher: New York, Caravan Books, 1977.
Hitler and the Armenian genocide / Kevork Bardakjian., by Բարդակչյան Գևորգ Պարգևի, Material type: book Book; Literary form: not fiction Publisher: Cambridge, Mass. Zoryan Institute, 1985.
Հիտլերը և հայերի ցեղասպանությունը։ [Հիտլերի ճառը 1939 թվականի օգոստոսի 22-ին], Բարդակչյան Գևորգ Պարգևի, Ալթունյան Շ. Ս, Արզաքանյան, Ն. Մ., Երևան, «Հայաստան», 1991։
A Reference guide to modern Armenian literature, 1500-1920: With an introductory history / Bardakjian, K. B., by Բարդակչյան Գևորգ Պարգևի, Material type: book Book; Literary form: not fiction Publisher: Detroit, Mich. : Wayne State University Press, 2000.
Հիտլերը և հայոց ցեղասպանությունը։ [Հիտլերի ճառը 1939 թվականի օգոստոսի 22-ին], Բարդակչյան Գևորգ Պարգևի, Ալթունյան Շ. Ս., Երևան, «Նշանակ», 2005։

Ծանոթագրություններ[խմբագրել | խմբագրել կոդը]

↑ ^1,0 ^1,1 https://www.sci.am/membersview.php?id=494&langid=2
↑ Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ ՀՀ ԳԱԱ արտասահմանյան անդամներ, Գևորգ Բարդակչյան
↑ Ով ով է. Հայեր. Կենսագրական հանրագիտարան, հատոր առաջին, Երևան, 2005.
↑ Hitler and the Armenian Genocide, Camb.Mass., 1985.

Վիքիդարանն ունի նյութեր, որոնք վերաբերում են «Գևորգ Բարդակչյան» հոդվածին։

Այս հոդվածի կամ նրա բաժնի որոշակի հատվածի սկզբանական տարբերակը վերցված է «Հայկական հարց» հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։

[_6501db5e9a08c813-1] 1,0 ^1,1 https://www.sci.am/membersview.php?id=494&langid=2

[_12a944ff442aac16-2] Bibliothèque nationale de France data.bnf.fr (ֆր.): տվյալների բաց շտեմարան — 2011.

[3] ՀՀ ԳԱԱ արտասահմանյան անդամներ, Գևորգ Բարդակչյան

[4] Ով ով է. Հայեր. Կենսագրական հանրագիտարան, հատոր առաջին, Երևան, 2005.

[5] Hitler and the Armenian Genocide, Camb.Mass., 1985.

[1]

[2]

[3]

[4]

[5]