Հիտլերը և Հայոց ցեղասպանությունը

Հիտլերը և Հայոց ցեղասպանությունը Hitler and the Armenian Genocide
Հեղինակ	Գևորգ Բարդակչյան
Տեսակ	գրական ստեղծագործություն
Բնօրինակ լեզու	անգլերեն
Լեզու	հայերեն
Հրատարակման տարեթիվ	1985
Հրատարակում հայերեն	2005
ԳՄԴ	63.3 (2Հ)

Հիտլերը և Հայոց ցեղասպանությունը (անգլ.՝ Hitler and the Armenian Genocide), գրքի հեղինակը՝ Գևորգ Բարդակչյանը, ավարտելով Երևանի պետական համալսարանը, բանասիրական գիտությունների դոկտորի աստիճան է ստացել Օքսֆորդի համալսարանում, Միչիգանի համալսարանի պրոֆեսոր է։ Գիտական մանրամասն հետազոտությունների հիման վրա նա վերլուծում է Հիտլերի ճառը և հաստատելով «Ի վերջո, ո՞վ է հիմա հիշում հայերի բնաջնջումը» արտահայտության վավերականությունը, ապացուցում, որ ֆյուրերի հարցը բնավ էլ թյուրիմացության արդյունք չէր։

Լեհաստան ներխուժելու նախօրեին, ելույթ ունենալով գերմանական հրամանատարության գաղտնի մի խորհրդակցության ժամանակ, Հիտլերը հանդես է եկել երկարաշունչ ճառով, որի ընթացքում, համոզելու համար իր բարձրաստիճան հրամանատարներին, որ աշխարհն անմիջապես կմոռանա լեհ ժողովրդի հանդեպ ձեռնարկվելիք անողոք միջոցները, վկայակոչել է 1915 թվականի հայերի ցեղասպանությունը Օսմանյան Թուրքիայում, հնչեցնելով հետևյալ հռետորական հարցը. «Ի վերջո, ո՞վ է հիմա հիշում հայերի բնաջնջումը»։

Գրքի բնօրինակը հրատարակվել է անգլերեն, 1985 թվականին՝ Զորյան ինստիտուտի կողմից։