Գրիգոր Հակոբյան (բանաստեղծ)
Անվան այլ կիրառումների համար տե՛ս՝ Գրիգոր Հակոբյան (այլ կիրառումներ)
Գրիգոր Հակոբյան | |
|---|---|
 | |
| Ծնվել է | հուլիսի 7, 1907 |
| Ծննդավայր | Արմըտլու |
| Վախճանվել է | փետրվարի 16, 1981 (73 տարեկան) |
| Վախճանի վայր | Երևան, Հայկական ԽՍՀ, ԽՍՀՄ |
| Մասնագիտություն | գրականագետ և բանաստեղծ |
| Քաղաքացիություն |  Ռուսական կայսրություն և  ԽՍՀՄ |
| Կրթություն | Երևանի պետական համալսարան (1932) |
| Գիտական աստիճան | բանասիրական գիտությունների դոկտոր (1969) |
| Անդամակցություն | ԽՍՀՄ Գրողների միություն |
| Աշխատավայր | ՀՀ ԳԱԱ գրականության ինստիտուտ |
| Գրիգոր Հակոբյան Վիքիդարանում | |
Գրիգոր Արշակի Հակոբյան (հուլիսի 7, 1907, Արմըտլու - փետրվարի 16, 1981, Երևան, Հայկական ԽՍՀ, ԽՍՀՄ), հայ գրականագետ, բանաստեղծ, բանասիրական գիտությունների դոկտոր, պրոֆեսոր (1978), ԽՍՀՄ գրողների միության անդամ 1934 թվականից։
Կենսագրություն[խմբագրել | խմբագրել կոդը]
Ծնվել է Կարսի մարզի Կաղզվանի օկրուգի Արմըտլու գյուղում։ 1922-1924 թվականներին սովորել է Ալեքսանդրապոլի գավառի Իլխիաբի (այժմ՝ Սարատակ) գյուղի դպրոցում։ 1924-1929 թվականներին որպես ուսուցիչ, դպրոցի վարիչ, լուսհրահանգիչ աշխատել է Լենինականի գավառի 3-րդ գավառամասում։ 1932 թվականին ավարտել է Երևանի պետական համալսարանի լեզվագրական ֆակուլտետը։ 1932-1935 թվականներին սովորել է համալսարանի ասպիրանտուրայում։ 1947-1957 թվականներին որպես ուսուցիչ աշխատել է Քանաքեռի Խաչատուր Աբովյանի անվան միջնակարգ դպրոցում։
1957-1981 թվականներին ավագ գիտաշխատող է եղել ՀԽՍՀ ԳԱ Մանուկ Աբեղյանի անվան գրականության ինստիտուտի հայ հին գրականության բաժնում։ 1958 թվականին «Ներսես Շնորհալու շարականները» թեմայով դիսերտացիա է պաշտպանել և ստացել բանասիրական գիտությունների թեկնածուի աստիճան։ 1969 թվականին «12-րդ դարի Կիլիկիայի հայ գրականությունը (Ներսես Շնորհալի, Գրիգոր Տղա, Ներսես Լամբրոնացի)» թեմայով դիսերտացիա է պաշտպանել և ստացել բանասիրական գիտությունների դոկտորի աստիճան։ Մահացել է Երևանում[1]։
Գ. Հակոբյանի երկերի մատենագիտություն[խմբագրել | խմբագրել կոդը]
- Առաջին նվագներ, Երևան, Պետհրատ, 1932, 20 էջ։
- Ներսես Շնորհալի, Երևան, ՀԽՍՀ ԳԱ, 1964, 298 էջ։
- Ներսես Շնորհալի (բնագրեր), Երևան, «Հայաստան», 1969, 220 էջ։
- Ներսես Լամբրոնացի, Երևան, ՀԽՍՀ ԳԱ, 1971, 375 էջ։
- Ներքին Բասենի ազգագրությունը և բանահյուսությունը, Երևան, «Հայաստան», 1974, 396 էջ։
- Հայրենի եզերք. Բասենի պարերգերը, Երևան, «Սովետական գրող», 1978, 200 էջ։
- Շարականների ժանրը հայ միջնադարյան գրականության մեջ (5-15 դդ.), Երևան, ՀԽՍՀ ԳԱ, 1980, 428 էջ։
Ծանոթագրություններ[խմբագրել | խմբագրել կոդը]
- ↑ Գրական տեղեկատու։ Երևան: «Սովետական գրող»։ 1981։ էջ 214-215
Աղբյուրներ[խմբագրել | խմբագրել կոդը]
| ||||||||||||||||
