Գուրգեն Մելիքյան

Անվան այլ կիրառումների համար տե՛ս՝ Գուրգեն Մելիքյան (այլ կիրառումներ)

Վիքիպեդիայում կան հոդվածներ Մելիքյան ազգանունով այլ մարդկանց մասին։

Գուրգեն Մելիքյան
Ծնվել է	դեկտեմբերի 14, 1936(1936-12-14) (87 տարեկան) Իրան
Քաղաքացիություն	Իրան,  ԽՍՀՄ և  Հայաստան
Մասնագիտություն	լեզվաբան, համալսարանի դասախոս, արևելագետ, իրանագետ և հասարակական գործիչ
Հաստատություն(ներ)	Երևանի պետական համալսարան և Արցախի պաշտպանության բանակ
Պաշտոն(ներ)	դեկան
Ալմա մատեր	Քուշեշ-Դավթյան դպրոց և Երևանի պետական համալսարան (1962)
Կոչում	պրոֆեսոր
Գիտական աստիճան	բանասիրական գիտությունների թեկնածու (1984)
Տիրապետում է լեզուներին	հայերեն
Պարգևներ	և Հայաստանի վաստակավոր մանկավարժ

Գուրգեն Վրեժի Մելիքյան (դեկտեմբերի 14, 1936(1936-12-14), Իրան), հայ լեզվաբան, արևելագետ, իրանագետ, հասարակական գործիչ, պրոֆեսոր, բանասիրական գիտությունների թեկնածու։ ԵՊՀ արևելագիտության ֆակուլտետի դեկան, Արցախի Հանրապետության Պաշտպանության բանակի գնդապետ (1996),

Կենսագրություն

Ծնվել է 1936 թվականի դեկտեմբերի 14-ին Իրանի Աբադան քաղաքում։ Ավարտել է Թեհրանի «Քուշեշ-Դավթյան» և Աբադանի «Ադաբ» հայկական դպրոցները։ 1958 թ. ընդունվել է Երևանի պետական համալսարանի բանասիրության ֆակուլտետի արևելյան լեզուների և գրականության բաժինը, որն ավարտել է 1962 թ. և աշխատանքի անցել նույն բաժնում։ 1984 թվականին պաշտպանել է թեկնածուական ատենախոսություն։ 1985 թ. նրան շնորհվել է դոցենտի գիտական կոչում։ 1992 թվականից նշանակվել է ԵՊՀ արևելագիտության ֆակուլտետի դեկան։ Գնդապետ Գուրգեն Մելիքյանը 1991–1994 թվականներին եղել է հրամանատարի արտաքին կապերի գծով տեղակալ։ 2008 թվականին նրան շնորհվել է պրոֆեսորի գիտական կոչում։ Գուրգեն Մելիքյանը հեղինակ է երեք տասնյակ գիտական հրապարակումների, երեք մենագրության և երկու դասագրքի։ Զբաղվել է պարսից լեզվի թարգմանական, ինչպես նաև պարսկերենի հարադիր բառակապակցությունների, բառաքերականական, բարդ բառերի, իրանական բարբառների հետ կապված հիմնահարցերի ուսումնասիրությամբ։

Մասնակցությունը Արցախյան պատերազմին

Գնդապետ Մելիքյանը 1988-1994 թթ. գործուն մասնակցություն է ունեցել Արցախի ազգային-ազատագրական շարժմանը։ Արցախ է ուղարկել կապի միջոցներ, մարդասիրական օգնություն, մասնակցել է Մաճկալաշենի կամավորական ջոկատի կազմավորման, զինելու և հանդերձավորելու աշխատանքներին։ Արցախյան ազատամարտի ընթացքում եղել է Ազատագրական բանակի հրամանատարի արտաքին կապերի գծով տեղակալ (1993-1999 թթ.): 1995 թ. Քաշաթաղի շրջանի վարչակազմը հիմնադրել է «Քաշաթաղի բազմազավակ ընտանիքների Գուրգեն Մելիքյան» հիմնադրամը, որի շրջանակներում իրականացվում են հայրենասիրական-բարեգործական բազմաբնույթ միջոցառումներ։

«Ամարաս» բարեգործական կազմակերպության վարչության անդամ, Արցախում «Արփեն» մոր և մանկան բժշկական կենտրոնի գործադիր տնօրեն, Արցախի հոգևոր թեմի ատենապետ (1992 թվականից)։

Պարգևներ

• Խոպան հողերի յուրացման համար (1965)
• Մարտական Խաչ 2–րդ աստիճանի շքանշան (1999)
• Մովսես Խորենացու մեդալ (1999)
• Հայաստանի Հանրապետության վաստակավոր մանկավարժ (2012)

Գրականություն

• Երևանի պետական համալսարանի 90-ամյա պատմության ֆակուլտետը, խմբ. Էդիկ Գ. Մինասյան, Երևան, 2009։
• Երևանի պետական համալսարան։ Կենսագրական հանրագիտարան, Երևան, 2009, էջ 407-408։

Արտաքին հղումներ

• Գուրգեն Մելիքյան

Վիքիդարանն ունի նյութեր, որոնք վերաբերում են «Գուրգեն Մելիքյան» հոդվածին։