Jump to content

Գունար Տորվալդսոն

Վիքիպեդիայից՝ ազատ հանրագիտարանից
Գունար Տորվալդսոն
Անձնական տվյալներ
Ամբողջական անուն Գունար Հեյդար Տորվալդսոն
Ազգությունը Իսլանդիա Իսլանդիա
Քաղաքացիությունը Իսլանդիա Իսլանդիա
Ծննդյան ամսաթիվ ապրիլի 1, 1982(1982-04-01)[1][2] (42 տարեկան)
Ծննդավայր Վեստմաննաեիյար, Իսլանդիա
Հասակ 182 սմ
Քաշ 76 կգ
Դիրք հարձակվող
Ակումբային տեղեկություններ
Ներկա ակումբ Թուրքիա Կոնյասպոր
Համար 23
Մասնագիտական կարիերա*
Տարի Ակումբ Խաղ (Գոլ)
1999-2004 Իսլանդիա Վեստմաննաեիյար 72 (37)
2004-2006 Շվեդիա Հալմստադ 38 (16)
2006-2008 Գերմանիա Հաննովեր 96 7 (0)
2007-2008 → Նորվեգիա Վոլերենգա 16 (4)
2008-2010 Դանիա Էսբերգ 24 (2)
2010 → Անգլիա Ռեդինգ 4 (0)
2010 → Նորվեգիա Ֆրեդրիկստադ 7 (3)
2011-2013 Շվեդիա Նորչյոպինգ 70 (34)
2013-մ.հ. Թուրքիա Կոնյասպոր 10 (0)
Ազգային հավաքական
2005-մ.հ. Իսլանդիա Իսլանդիա 24 (5)
* Մասնագիտական կարիերայում ընդգրկված են միայն առաջնության խաղերը և գոլերը:

Գունար Հեյդար Տորվալդսոն (իսլ.՝ Gunnar Heiðar Þorvaldsson, ապրիլի 1, 1982(1982-04-01)[1][2], Վեստմաննաեիյար, Սյուդյուրլանդ, Իսլանդիա), իսլանդացի ֆուտբոլիստ, հարձակվող։ Հանդես է գալիս թուրքական «Կոնյասպոր» ակումբում և Իսլանդիայի հավաքականում։

Կարիերա

[խմբագրել | խմբագրել կոդը]

Ակումբային

[խմբագրել | խմբագրել կոդը]

2004 թվականի օգոստոսին Գունարը «Վեստմաննաեիյար» իսլանդական ակումբից տեղափոխվել է շվեդական «Հալմստադ»[3]։ Այս թիմի կազմում նա կատարել է իր նորամուտը 2004 թվականի սեպտեմբերի 14-ին Շվեդիայի առաջնության շրջանակներում՝ «Մալմյոյի» դեմ խաղում[4]։ 2004 թվականի դեկտեմբերի 2-ին նա, Թագավորական լիգայի շրջանակներում գրավելով «Օդենսեի» դարպասը, «Հալմստադի» կազմում հեղինակում է իր առաջին գոլը[5]։ Նոր թիմի կազմում նա սկզբում ստանում է 11 համարի մարզաշապիկը[6], իսկ 2005 թվականին՝ 10[7]: 2004/05 մրցաշրջանում նա իր խփած 16 գոլերի շնորհիվ դառնում է առաջնության լավագույն ռմբարկուն։ Այդ մրցաշրջանում նա նաև երկու գոլ էր հեղինակել ՈւԵՖԱ Գավաթի մրցության շրջանակներում (երկուսն էլ պորտուգալական «Սպորտինգի» դարպասը)[8][9]։

2006 թվականի մարտի 21-ին Գունարը գերմանական «Հաննովեր 96» ակումբի հետ կնքում է պայմանագիր, որի ժամկետը լրանալու էր 2009 թվականին[10]։ Նա չի կարողանում հիմնական կազմի համար հարձակվողական պայքարում «հաղթանակ տանել» և պայմանագրի ժամկետից շուտ՝ 2007 թվականի օգոստոսին, վարձավճարով տրվում է նորվեգական «Վոլերենգային»[11]։ Այդ ակումբի կազմում նա անցկացնում է տասը ամիս։

2008 թվականի հունիսին Գունարը տեղափոխվում է դանիական «Էսբերգ»[12]։ Այնտեղ նա նույնպես չի կարողանում դառնալ հիմնական կազմի ֆուտբոլիստ։ 2009 թվականի դեկտեմբերի 16-ին Գունարը վարձավճարով մինչև 2010 թվականի հունիսի 3-ը պայմանագրի ժամկետով համալրում է անգլիական «Ռեդինգի» կազմը[13][14]։ 2010 թվականի հուլիսին Գունարը փորձաշրջան է անցնում անգլիական մեկ այլ՝ «Չարլթոն Ատլետիկ» ֆուտբոլային ակումբում[15][16], սակայն վերջինս հրաժարվում է պայմանագիր կնքել Գունարի հետ[17]։ 2010 թվականի օգոստոսի 29-ին Գունարը վարձավճարով տեղափոխվում է նորվեգական «Ֆրեդրիկստադ»։ Նոր կնքված վարձավճարային պայմանագրի ժամկետը լրանալու էր 2010 թվականի ավարտին[18]։ «Ֆրեդրիկստադը» հանդես էր գալիս Նորվեգիայի առաջնության առաջին դիվիզիոնում, իսկ 2010 թվականի արդյունքներով՝ բարձրանում է բարձրագույն դիվիզիոն, սակայն այդ հանգամանքը նույնպես չի փրկում Գունարին, և ակումբը հրաժարվում է նրանից և նոր պայմանագիր չի կնքում։

2011 թվականի մարտին Գունարը փորձաշրջան է անցնում շվեդական «Նորչյոպինգում»[19]։ Այդ ակումբի մարզիչը Յան Անդերսոնն էր, ում օրոք Գունարը հանդես էր եկել դեռևս «Հալմստադում»։ 2011 թվականի մարտի 17-ին Գունարը 3 տարի ժամկետով պայամանագիր է կնքում շվեդական ակումբի հետ[20]։ Առաջին պաշտոնական խաղը նոր ակումբի կազմում Գունարն անցկացնում է 2011 թվականի ապրիլի 3-ին Շվեդիայի առաջնության շրջանակներում՝ ընդդեմ «ԳԱԻՍ-ի»։

Միջազգային

[խմբագրել | խմբագրել կոդը]

Գունարը հավաքականի կազմում իր նորամուտը կատարել է 2005 թվականի մարտի 30-ին՝ Իտալիայի հավաքականի դեմ ընկերական խաղի շրջանակներում։ Նա 2006 թվականի աշխարհի առաջնության ընտրական փուլում մասնակցել է 4 խաղի[21] և գոլ է հեղինակել Մալթայի հավաքականի դարպասը[22]։ Հավաքականի կազմում նա գոլի հեղինակ է դարձել նաև Եվրո-2008-ի շրջանակներում՝ Հյուսիսային Իռլանդիայի հավաքականի դեմ խաղում[23]։ 2010 թվականի աշխարհի առաջնության ընտրական փուլում Գունարը չի խաղացել[21]։ 2010 թվականի հոկտեմբերի 12-ին՝ երկամյա ընդմիջումից հետո, Գունարը նորից հագնում է ազգային հավաքականի մարզաշապիկը և Եվրո-2012-ի ընտրական փուլի՝ Պորտուգալիայի հավաքականի դեմ խաղում փոխարինում կատարելով դուրս է գալիս խաղադաշտ[24]։

Ձեռքբերումներ

[խմբագրել | խմբագրել կոդը]
Նախորդող՝
Մարկուս Ռուսենբերգ 		Լավագույն ռմբարկու
Ալսվենսկան 2005 		Հաջորդող՝
Արի

Ծանոթագրություններ

[խմբագրել | խմբագրել կոդը]
  1. ↑ 1,0 1,1 FBref.com(բազմ․)
  2. ↑ 2,0 2,1 Արգենտինական ֆուտբոլի տվյալների շտեմարան (իսպ.)
  3. ↑ Isländsk landslagsman till HBK «Expressen»
  4. ↑ Գունարի էջը «Հալմստադի» պաշտոնական կայքում
  5. ↑ Royal League 2004/05 rsssf.com
  6. ↑ Alla spelare i Halmstads BK 2004 SvFF
  7. ↑ Alla spelare i Halmstads BK 2005 SvFF
  8. ↑ Հալմստադ 1:2 Սպորտինգ Արխիվացված 2008-05-06 Wayback Machine ՈՒԵՖԱ
  9. ↑ Սպորտինգ 2:3 Հալմստադ Արխիվացված 2008-05-06 Wayback Machine ՈՒԵՖԱ
  10. ↑ Thorvaldsson bindet sich bis 2009 «kicker»
  11. ↑ 96 leiht Thorvaldsson aus «kicker»
  12. ↑ Thorvaldsson zieht’s nach Esbjerg «kicker»
  13. ↑ Gunnar Heidar Thorvaldsson udlejet til Reading FC(չաշխատող հղում) «Էսբերգի» պաշտոնական կայք
  14. ↑ Thorvaldsson deal agreed «Ռեդինգի» պաշտոնական կայք
  15. ↑ Opening-day defeat for Addicks Արխիվացված 2010-07-13 Wayback Machine «Չարլթոն Ատլետիկի» պաշտոնական կայք
  16. ↑ Perkins and Tuna seal late win(չաշխատող հղում) «Չարլթոն Ատլետիկի» պաշտոնական կայք
  17. ↑ Charlton decline chance to sign Gunnar Thorvaldsson southlondon-today.co.uk
  18. ↑ Landslagsspiss til FFK Արխիվացված 2010-08-30 Wayback Machine «Ֆրեդրիկստադի» պաշտոնական կայք
  19. ↑ «IFK på plats på Mallorca» (շվեդերեն). «Նորչյոպինգի» պաշտոնական կայք. 2011 թ․ մարտի 7. Արխիվացված է օրիգինալից 2018 թ․ նոյեմբերի 24-ին. Վերցված է 2011 թ․ ապրիլի 4-ին.
  20. ↑ «Gunnar Thorvaldsson klar för IFK» (շվեդերեն). «Նորչյոպինգի» պաշտոնական կայք. 2011 թ․ մարտի 17. Վերցված է 2011 թ․ ապրիլի 4-ին.
  21. ↑ 21,0 21,1 «Գունարի վիճակագրությունը ՖԻՖԱ-ի պաշտոնական կայքում». Արխիվացված է օրիգինալից 2014 թ․ հուլիսի 18-ին. Վերցված է 2016 թ․ հուլիսի 28-ին.
  22. ↑ Iceland — Malta Արխիվացված 2009-09-19 Wayback Machine ՖԻՖԱ
  23. ↑ Հյուսիսային Իռլանդիա 0:3 Իսլանդիա(չաշխատող հղում) ՈՒԵՖԱ
  24. ↑ Իսլանդիա - Պորտուգալիա 1:3

Արտաքին հղումներ

[խմբագրել | խմբագրել կոդը]
Վիքիպահեստն ունի նյութեր, որոնք վերաբերում են «Գունար Տորվալդսոն» հոդվածին։
 ⛭ 
  Թեմատիկ կայքեր
Ստացված է «https://hy.wikipedia.org/w/index.php?title=Գունար_Տորվալդսոն&oldid=10001742» էջից