Գեորգի Սվիրիդով

Գեորգի Սվիրիդով
Բնօրինակ անուն	ռուս.՝ Георгий Васильевич Свиридов
Ծնվել է	դեկտեմբերի 16, 1915; Ֆատեժ, Կուրսկի նահանգ, Ռուսական կայսրություն
Երկիր	Ռուսական կայսրություն, ՌԽՖՍՀ, ԽՍՀՄ և Ռուսաստան
Մահացել է	հունվարի 6, 1998 (82 տարեկան); Մոսկվա, Ռուսաստան
Գերեզման	Նովոդեվիչյան գերեզմանոց
Ժանրեր	օպերա, սիմֆոնիա, Երգչախումբ, սիմֆոնիկ երաժշտություն և choral music?
Մասնագիտություն	կոմպոզիտոր, դաշնակահար և ֆիլմերի երաժշտությունների հեղինակ
Գործիքներ	դաշնամուր
Կրթություն	Սանկտ Պետերբուրգի կոնսերվատորիա (1941)
Անդամակցություն	ԽՍՀՄ կոմպոզիտորների միություն
Պարգևներ	, ; , , , , , , ; , , , , , , և honorary citizen of Moscow? (1997)
Կայք	georgysviridov.narod.ru
	Georgy Sviridov Վիքիպահեստում

Գեորգի (Յուրի) Վասիլևիչ Սվիրիդով (դեկտեմբերի 16, 1915(1915-12-16)^[1], Ֆատեժ, Կուրսկի նահանգ, Ռուսական կայսրություն - հունվարի 6, 1998(1998-01-06)^[2], Մոսկվա, Ռուսաստան), խորհրդային կոմպոզիտոր և երաժշտական-հասարակական գործիչ։ ԽՍՀՄ ժողովրդական արտիստ (1970)։ Սոցիալիստական աշխատանքի հերոս (1975)։

1941 թվականին ավարտել է Լենինգրադի կոնսերվատորիայի կոմպոզիցիայի դասարանը։ 1962-1974 թվականներին՝ ԽՍՀՍ կոմպոզիտորների միության վարչության քարտուղար, միաժամանակ 1968-1973 թվականներին՝ ՌԽՖՍՀ կոմպոզիտորների միության վարչության 1-ին քարտուղար։ Կոմպոզիտորի ստեղծագործական անհատականության ինքնատիպությունն առավել վառ դրսևորվել է վոկալ երաժշտության մեջ։ Ավետիք Իսահակյանի («Հայրերի երկիրը», 1950), Ռ․ Բյոռնսի (երգերի շարք, 1955), Ս․ Եսենինի («Պոեմ Ս․ Եսենինի հիշատակին», 1955 —1956, «Հայրս գեղջուկ է», 1956 և այլն), Վ․ Մայակովսկու («Պաթետիկ օրատորիա», 1959, լենինյան մրցանակ, 1960) խոսքերով գրված կամերային-վոկալ և վոկալ-սիմֆոնիկ երկերում գծագրվում է Սվիրիդովի ստեղծագործության հիմնական՝ հայրենիքի թեման։ Սվիրիդովը էապես նորոգել է վոկալ շատ ժանրեր։ Սվիրիդովի ոճը սերտորեն կապված է ռուս, դասական և սովետական երաժշտության ավանդույթներին, լայնորեն հենվում է գեղջկական բանահյուսությանը՝ այն զուգակցելով20-րդ դարի երաժշտական լեզվի հնարների հետ։ Գրել է նաև երաժշտական կատակերգություններ, այդ թվում՝ «Կրակներ» (1951), տրիո ջութակի, թավջութակի և դաշնամուրի համար, «Կուրսկի երգեր» , «Գարնանային կանտատ» և այլն, կինոնկարների և դրամատիկ, ներկայացումների երաժշտություն։ Պարգևատրվել է Լենինի 2 շքանշանով։

Ծանոթագրություններ[խմբագրել | խմբագրել կոդը]

↑ ^1,0 ^1,1 Internet Movie Database — 1990.
↑ ^2,0 ^2,1 ^2,2 Bibliothèque nationale de France data.bnf.fr (ֆր.): տվյալների բաց շտեմարան — 2011.

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 11, էջ 94)։

[_dd20507a071bda89-1] 1,0 ^1,1 Internet Movie Database — 1990.

[_c513b983fa3a3453-2] 2,0 ^2,1 ^2,2 Bibliothèque nationale de France data.bnf.fr (ֆր.): տվյալների բաց շտեմարան — 2011.

[1]

[2]