Բյույուքդերե պողոտա
Բյույուքդերե պողոտա (թուրքերեն՝ Büyükdere Caddesi), խոշոր պողոտա Ստամբուլի եվրոպական հատվածում, որն անցնում է Շիշլի (Էսենթեփե թաղամաս), Բեշիքթաշ (Լևենթ թաղամաս) և Սարըյեր (Մասլաք թաղամաս) շրջաններով։ Պողոտան սկսվում է Շիշլիի մզկիթի մոտից և շարժվում է դեպի արևելք, որտեղ հատվում է O-1 ավտոմայրուղու հետ։ Այնուհետև պողոտան անցնում է Մեջիդիեքյոյի և Էսենթեփեի միջով, որտեղ հասնելով Զինջիրլիքույու թաղամաս, միանում է Բարբարոս բուլվարին և շարժվելով դեպի հյուսիս, հասնում Լևենթ և Մասլաք։ Պողոտան վերջանում է Սարըյեր շրջանի Հաջըօսման թաղամասի մոտ։ Պողոտայի ընսհանուր երկարությունը 14 կիլոմետր է (8,7 մղոն)։ Զինջիրլիքույույից Մասլաք հատվածում, պողոտան ձևավորում է Քյաղըթհանե և Բեշիքթաշ շրջանների սահմանագիծը, որտեղ Քյաղըթհանեն ընկնում է դեպի արևելք, իսկ Բեշիքթաշը՝ արևմուտք։ Պողոտան իր անվանումն ստացել է Սարըյեր շրջանի Բյույուքդերե թաղամասի անվանումից։
Ստամբուլի մետրոյի M2 գիծը (Ենիքափը-Հաջըօսման) անցնում է պողոտային զուգահեռ և Շիշլիից ձգվում Հաջըօսման։ Մետրոյի գիծը բաղկացած է մետրոյի 9 կայարաններից։ Վերջին տարիներին պողոտայի երկայնքով կառուցվել են մի շարք բանկերի կենտրոնակայաններ, բիզնես կենտրոններ, առևտրի կենտրոններ, էլիտար հյուրանոցներ և երկնաքերեր՝ դարձնելով այն ֆինանսական, բիզնես և սոցիալական կարևոր կենտրոն։
Պողոտայի երկայնքով կառուցված երկնաքերերի թվում են Diamond of Istanbul-ը, Sapphire Tower-ը, Isbank Tower 1-ը, Sabancı Center-ը, Kanyon Towers-ը, Finansbank Tower-ը և այլն։ Պողոտայի վրա են գտնվում նաև Zorlu Center, Kanyon Shopping Mall, MetroCity AVM և Özdilek Park առևտրի կենտրոնները։
Կրթական հաստատություններից պողոտայի վրա են գտնվում Հալիչ համալսարանը, Ճարտարապետության բարձրագույն դպրոցը, Ստամբուլի տեխնիկական համալսարանի Մասլաքի կամպուսը, Իշըք համալսարանը և Յըլդըզ տեխնիկական համալսարանի վարժարանը։
Պողոտայի վրա են գտնվում նաև Մեջիդիեքյոյի իտալա-հրեական և Զինջիրլիքույու գերեզմանատները[1]։
2003 թվականի նոյեմբերի 20-ին «HSBC Bank Turkey» բանկի գլխամասի մոտ, որը գտնվում էր Բյույուքդերե պողոտայի վրա, «Ալ-Կաիդայի» մահապարտ ահաբեկիչը պայթեցրել է իրեն, որի արդյունքում զոհվել և վիրավորվել է մի քանի տասնյակ մարդ[2]։ Շուրջ 10 ժամ ահաբեկչության պատճառով պողոտան փակ է եղել[3]։
-
Ստամբուլի մետրոյի Լևենթ կայարանը Բյույուքդերե պողոտայի վրա -
Բյույուքդերե պողոտան Լևենթ թաղամասում -
Բյույուքդերե պողոտան Լևենթ թաղամասում -
Բյույուքդերե պողոտան Լևենթ թաղամասում
Ծանոթագրություններ
[խմբագրել | խմբագրել կոդը]- ↑ Onur Demirbaş (2014 թ․ օգոստոսի 25). «Ne kendi tarihimizi, ne de dünya tarihini koruyabiliyoruz». Hürriyet (Turkish).
{{cite news}}: CS1 սպաս․ չճանաչված լեզու (link) - ↑ «Powerful blasts kill at least 27 in Istanbul». CNN. 2003 թ․ նոյեմբերի 21. Արխիվացված է օրիգինալից 2019-05-15-ին. Վերցված է 2020-03-21-ին.
- ↑ «Büyükdere Caddesi tek yönlü açıldı». Hürriyet (Turkish). 2003 թ․ նոյեմբերի 20. Վերցված է 2014 թ․ օգոստոսի 26-ին.
{{cite news}}: CS1 սպաս․ չճանաչված լեզու (link)
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Բյույուքդերե պողոտա կատեգորիայում։ |