Բեսիմ Բոկշի

Վիքիպեդիայից՝ ազատ հանրագիտարանից
Jump to navigation Jump to search
Բեսիմ Բոկշի
Ծնվել էնոյեմբերի 12, 1930(1930-11-12)
ԾննդավայրՋակովիցա, Đakovica District
Վախճանվել էօգոստոսի 16, 2014(2014-08-16) (83 տարեկանում)
Մասնագիտությունբանաստեղծ, համալսարանի պրոֆեսոր, լեզվաբան և բանասեր
Լեզուալբաներեն
ԱզգությունԿոսովոյի ալբանացիներ
ՔաղաքացիությունFlag of Kosovo.svg Կոսովո
ԿրթությունԲելգրադի համալսարան
ԱշխատավայրUniversity of Pristina

Բեսիմ Բոկշի (սերբերեն՝ Бесим Бокси, նոյեմբերի 12, 1930(1930-11-12), Ջակովիցա, Đakovica District - օգոստոսի 16, 2014(2014-08-16)), ալբանացի բանաստեղծ, լեզվաբան և բանասեր։ 2008-2011 թվականներին եղել է Կոսովոյի Գիտությունների և արվեստի ակադեմիայի նախագահ։ ref>«Academy of Sciences and Arts of Kosovo»։ Վերցված է 4 May 2010 </ref>[1]:

Կենսագրություն[խմբագրել | խմբագրել կոդը]

Բեսիմ Բոկշին ծնվել է 1930 թվականի նոյեմբերի 12-ին Հարավսլավիայի թագավորությունում, Ջակովիցա քաղաքում: Մանուկ հասակում ընտանիքով տեղափոխվել է Ալբանիա, բնակություն հաստատել Վլյորա քաղաքի մերձակայքում գտնվող Դուկատ գյուղում: Հենց այստեղի դպրոցում էլ ստացել է տարրական կրթությունը: Մի քանի տարի անց մեկնել է Ալբանիայի մայրաքաղաք Տիրանա[2]՝ ուսումը շարունակելու: 1945 թվականին վերադարձել է Ջակովիցա: Տարիներ անց, աշխատանքին զուգընթաց, բարձրագույն կրթություն է ստացել Բելգրադի համալսարանի ալբանագիտության բաժնում, որն ավարտել է 1959 թվականին: Այնուհետև ավարտել է նաև այդ համալսարանի ասպիրանտուրան:

1961-1963 թվականներին ալբանական լեզու և գրականություն է դասավանդել Ջակովիցայի ավագ դպրոցում, որի տնօրենն էր միաժամանակ: 1967-1973 թվականներին որպես տնօրեն և ձևաբանության դասախոս պաշտոնավարել է Ջակովիցայի բարձրագույն մանկավարժական դպրոցում: Այդ ընթացքում նա ութ ամիս աշխատել է նաև Պրիշտինայի ալբանագիտական ինստիտուտում: 1974 թվականից պատմական ձևաբանության դասընթաց է դասավանդել Պրիշտինայի համալսարանի բանասիրական ֆակուլտետի ալբանական լեզվի ու գրականության բաժնում: Հենց այստեղ էլ դիսերտացիա է պաշտպանել և ստացել բանասիրական գիտությունների դոկտորի գիտական կոչում: Տարիներ անց ընտրվել է Կոսովոյի գիտությունների և արվեստների ակադեմիայի անդամ, հետագայում դարձել դրա նախագահը, փոխնախագահը:

Բոկշին եղել է նաև Պրիշտինայում 1968 թվականին անցկացված լեզվաբանական խորհրդակցությունների արդյունքներն ամփոփող հանձնաժողովի անդամ, նկատելի ավանդ ներդրել ալբաներենի ուղղագրության կանոնակարգման, ստանդարտացման գործում: Որպես պատվիրակ՝ մասնակցել է նաև ուղղագրության հարցերի առնչությամբ Տիրանայում 1973 թվականին անցկացված լեզվաբանական կոնգրեսին, Թուրքիայում՝ Անկարայում 1978 թվականին տեղի ունեցած, Հարավարևելյան Եվրոպայի ժողովուրդների լեզուների ուսումնասիրման հարցերին նվիրված կոնգրեսին:

Բեսիմ Բոկշին մահացել է 2014 թվականի օգոստոսի 14-ին[1]:

Երկեր[խմբագրել | խմբագրել կոդը]

Բանաստեղծական ժողովածուներ[խմբագրել | խմբագրել կոդը]

Լեզվաբանական աշխատություններ[խմբագրել | խմբագրել կոդը]

  • Development of the Formation of the Present Nominal Flexion of Albanian (Rruga e formimit të sotëm nominal të shqipes), Приштина, 1980
  • Postposition of the article in Balkan languages (Prapavendosja e nyjes në gjuhët ballkanike), Приштина, 1984
  • The Participle in Albanian: A Diachronic View (Pjesorja e shqipes: vështrim diakronik), Приштина, 1998
  • On Personal Pronouns in Albanian (Për vetorët e shqipes), Приштина, 2004.

Ծանոթագրություններ[խմբագրել | խմբագրել կոդը]