Բամ Բամ Բիգելոու

Վիքիպեդիայից՝ ազատ հանրագիտարանից
Jump to navigation Jump to search
Բամ Բամ Բիգելոու
Bam Bam Bigelow
Բիգելոուն 1994 թվականին
Իրական անունՍկոտ Չարլզ Բիգելոու[1]
Scott Charles Bigelow
Ռինգային անուն(ներ)Բամ Բամ Բիգելոու[1]
Բրյուս Բիգելոու[1]
Կործանարար Բամ Բամ Բիգելոու[2]
Կործանարար Յուրկով[1]
Ընդհանուր տեղեկություններ
Հայտարարվող քաշ1,90 մ
Հայտարարվող հասակ147 կգ
Ծննդյան թվական1961 սեպտեմբերի 1
ԾննդավայրԱմերիկայի Միացյալ Նահանգներ Օրինջբուրգ, Հարավային Կարոլինա, ԱՄՆ
Վախճանի թվականհունվարի 19, 2007(2007-01-19) (տարիքը 45)
Վախճանի վայրԱմերիկայի Միացյալ Նահանգներ Հադսոն, Ֆլորիդա, ԱՄՆ
ՄարզիչԼարի Շարպ
Դեբյուտ1985[1]
Ակտիվ շրջան1985-2006
ԱմուսինԴանա Ֆիշեր
(ամուսնալուծված)
Երեխաներ3

Սկոտ Չարլզ Բիգելոու (անգլ.՝ Scott Charles Bigelow, սեպտեմբերի 1, 1961(1961-09-01), Mount Laurel, Բերլինգտոն շրջան, Նյու Ջերսի, ԱՄՆ - հունվարի 19, 2007(2007-01-19)[3], Hudson, Փասկո շրջան, Ֆլորիդա, ԱՄՆ), առավել հայտնի Բամ Բամ Բիգելոու (Bam Bam Bigelow) ռինգային անվամբ, ամերիկացի պրոֆեսիոնալ ըմբշամարտիկ (ռեստլեր)։ Ավելի քան 20 տարվա մասնագիտական կարիերայի ընթացքում հանդես է եկել «World Wrestling Federation» (WWF), «Extreme Championship Wrestling» (ECW) և «World Championship Wrestling» (WCW) կազմակերպություններում։ Չնայած գերծանր քաշին, աչքի է ընկել բազմաթիվ ակրոբատիկ ունակություններով[4]։

Կարիերայի ընթացքում Բիգելոուն նվաճել է 13 չեմպիոնական տիտղոս, ընդ որում՝ մեկ անգամ հռչակվել է ECW աշխարհի ծանրքաշային, ինչպես նաև 2 անգամ՝ WCW աշխարհի թիմային չեմպիոն։ Չնայած «WWF»-ում որևէ չեմպիոնական տիտղոսի չարժանանալուն, ելույթներ է ունեցել կազմակերպության բազմաթիվ փեյ-փեր-վյուներում, այդ թվում՝ «Ռեսլմանիա XI»-ի գլխավոր իրադարձությունում։

1996 թվականին իր ուժերն է փորձել ընդհանուր մենամարտեր (MMA) սպորտաձևում՝ առաջնաելույթում պարտություն կրելով Կիմո Լեոպոլդոյի կողմից։

2000 թվականի հուլիսին կարողացել է այրվող տանից դուրս բերել 3 երեխայի՝ ընդ որում մարմնի 40%-ի շրջանում ստանալով երկրորդ աստիճանի այրվածքներ։ Կատարվածից հետո Բիգելոուն 2 ամիս շարունակ ապաքինվել է հիվանդանոցում[5][6]։

Մահացել է 2007 թվականի հունվարի 19-ին՝ 45 տարեկանում՝ կոկաինի և ցավազրկող դեղատեսակների գերդոզավորումից։ Կյանքի վերջին տարիներին ունեցել է բազմաթիվ առողջական խնդիրներ, այդ թվում սիրտ-անոթային համակարգի աթերոսկլերոզային խանգարումներ և մեջքի շարունակական ծանր ցավեր[7]։

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 «Բամ Բամ Բիգելոուի էջը»։ «Ռեստլինգի առցանց աշխարհ»։ Արխիվացված օրիգինալից 2008-09-27-ին։ Վերցված է 2008-09-19 
  2. Ring names/nicknames «Բամ Բամ Բիգելոուի» (ռուսերեն)։ Wrestlingzone.ru։ Վերցված է 2007-07-15 
  3. 3,0 3,1 http://www.wwe.com/inside/news/bambampasses
  4. http://www.wwe.com/classics/classic-lists/15-superstars-who-shouldve-been-bigger-deals/page-9
  5. «7 ռեստլերներ, ովքեր իրական կյանքում հերոսներ են»։ Արխիվացված է օրիգինալից 2015-10-16-ին։ Վերցված է 2015-10-16 
  6. «Արխիվացված պատճենը»։ Արխիվացված է օրիգինալից 2016-03-04-ին։ Վերցված է 2015-10-16 
  7. «Արխիվացված պատճենը»։ Արխիվացված է օրիգինալից 2012-08-15-ին։ Վերցված է 2015-10-16 

Արտաքին հղումներ[խմբագրել | խմբագրել կոդը]