Արփինե Հովհաննիսյան (նկարչուհի)

Արփինե Հովհաննիսյան
Ծնվել է	օգոստոսի 29, 1982 (41 տարեկան)
Ծննդավայր	Կիրովական, Հայկական ԽՍՀ, ԽՍՀՄ
Քաղաքացիություն	ԽՍՀՄ և Հայաստան
Կրթություն	ՎՊՀ
Մասնագիտություն	նկարչուհի
Անդամակցություն	Հայաստանի նկարիչների միություն
	ARPI Վիքիպահեստում

Արփինե Գևորգի Հովհաննիսյան (ԱՐՓԻ), օգոստոսի 29, 1982(1982-08-29), Կիրովական, Հայկական ԽՍՀ, ԽՍՀՄ), հայ նկարչուհի, Հայաստանի նկարիչների միության պատվավոր անդամ (2012), ICOM թանգարանների միջազգային կոմիտեի Հայաստանի ազգային խորհրդի անդամ (2018):

Կենսագրություն[խմբագրել | խմբագրել կոդը]

Ծնվել է 1982 թվականի օգոստոսի 29 -ին Կիրովականում (Վանաձոր)։

1999 թվականին, գերազանց առաջադիմությամբ, ավարտել է Վանաձորի Ստեփան Շահումյանի անվան թիվ 6 միջնակարգ դպրոցը,
1999 թվականին՝ Գեղագիտության Ազգային Կենտրոնի Վանաձորի մասնաճյուղի գեղանկարչության խմբակը` ուսանելով գեղանկարիչ Փափագ Ալոյանի խմբում,
2004 թվականին՝ ՎՊՄԻ ֆիզ.-մաթ․ ֆակուլտետի ֆիզիկայի բաժինը։
2006 թվականից աշխատում է Վանաձորի կերպարվեստի թանգարանում` որպես վերականգնող նկարիչ։

Ցուցահանդեսներ[խմբագրել | խմբագրել կոդը]

2004 թվականից մասնակցում է համաքաղաքային բոլոր ցուցահանդեսներին, Վանաձոր
2005 թվականից մասնակցում է հանրապետական ցուցահանդեսների, Երևան, Վանաձոր
2009 թվականի հոկտեմբերի 1 –ին ունեցել է անհատական ցուցահանդես Վանաձորի Շառլ Ազնավուրի անվան մշակույթի պալատում` շուրջ 50 տարաբնույթ աշխատանքներով (գեղանկար, գրաֆիկա, կոլաժ և քարե ու ապակե կոմպոզիցիաներ)։
2010 թվականին՝ վանաձորցի մի շարք նկարիչների հետ միասին՝ հինգ աշխատանքով, ցուցադրվել է նաև Ռուսաստանի Դաշնության հինգ տարբեր քաղաքներում։
2021 թ. –ի մարտի 5 -ից ապրիլի 4 -ը, «Коллегиум» ամենամյա միջազգային ցուցահանդես, Օրշա քաղաքի պատկերասրահ, Վիտեբսկի մարզ, Բելառուսիա^[1]
2022 թ. –ի մարտի 4 -ից 30 -ը, «Коллегиум» ամենամյա միջազգային ցուցահանդես, Օրշա քաղաքի պատկերասրահ, Վիտեբսկի մարզ, Բելառուսիա^[2]^[3]

Նկարչուհու աշխատանքները համալրում են Հայաստանի և արտերկրի մի շարք անհատական հավաքածուներ, իսկ աշխատանքներից երկուսը գտնվում են Վանաձորի կերպարվեստի թանգարանի հավաքածուում՝ մշտական ցուցադրության մեջ։

Անդամակցություն[խմբագրել | խմբագրել կոդը]

Հայաստանի նկարիչների միության պատվավոր անդամ, 2012։
ICOM թանգարանների միջազգային կոմիտեի Հայաստանի ազգային խորհրդի անդամ, 2018։
Հայաստանի համալսարանական կրթությամբ կանանց ասոցիացիայի անդամ, 2004։

Պարգևներ[խմբագրել | խմբագրել կոդը]

Մարզային և քաղաքային իշխանությունների կողմից արժանացել է մի շարք պատվոգրերի և շնորհակալագրերի։

Մեջբերումներ Արփինե Հովհաննիսյանի մասին[խմբագրել | խմբագրել կոդը]

Բարձրյալը նրան պարգևել է նվիրվածության և պատասխանատվության մեծ զգացում։ ԵՒ պարգևն այդ նրան ուղեկցում է ամեն քայլափոխի։ Աշխատանքի մեջ լրջամիտ ու տրամաբանված է, միևնույն ժամանակ՝ զգացմունքային ու համբերատար։ Նրա ստեղծագործություններում գիծը լակոնիկ է ու իմաստավորված, գույնը՝ զգայական ու հարմոնիկ հեղինակի հոգու տվայտանքներին։ Նա արդեն 10 տարուց ավելի, ուսումնասիրելով նաև այլ թանգարանների փորձն ու նվաճումները՝ Վանաձորի կերպարվեստի թանգարանում մեծ պատասխանատվությամբ կատարում է վերականգնողական նրբագույն ու ծանր աշխատանքը^[4]։

- Նկարիչ Փափագ Ալոյան

:

...Այս հրաշք աղջկա համար աշխարհի կենտրոնն սկսվում է հենց հարազատ օջախից, որտեղ նա ապրում և արարում է ջերմ մթնոլորտում։ ԵՒ իսկապես, ցանկացած հայ արվեստագետի համար աշխարհի կենտրոնն իր արարելու վայրն է...^[5]

- Քանդակագործ, արծաթյա և ոսկյա զարդերի ձևավորող՝ Տիգրան Սարգսյան (քանդակագործ)

Լրացուցիչ աղբյուրներ (գրքեր և հոդվածներ)[խմբագրել | խմբագրել կոդը]

Հայաստանի նկարիչների միություն - ՀՀ նկարիչների միության 80 -ամյակին նվիրված պատկերագիրք, էջ. 262, Երևան, 2012:
Գագիկ Աղաբաբյան - «Մուսաների ծառաները», էջ 246, Վանաձոր «Սիմ տպագրատուն», 2013^[6]^[7]^[8]:
Վանաձորի կերպարվեստի թանգարան «Գեղանկար, գրաֆիկա, քանդակ, դեկորատիվ արվեստ» - ՀՈԲԵԼՅԱՆԱԿԱՆ ՊԱՏԿԵՐԱԳԻՐՔ՝ նվիրված Վանաձորի կերպարվեստի թանգարանի հիմնադրման 40 -ամյակին, էջ 109, Երևան, 2014:
«Գույներ և տարիներ» - Վանաձորի կերպարվեստի թանգարանի հիմնադրման 40 -ամյա հոբելյանին նվիրված հանրապետական ցուցահանդեսի ալբոմ, էջ 33, 2014։
«Կանչ»՝ Հայաստանի նկարիչների միության պատվավոր անդամների ստեղծագործություններ - էջ 29, Երևան, 2016^[9]:
Գագիկ Քարհանյան - «Կիրովական (ԳՈՒԳԱՐԱՑ ԱՇԽԱՐՀ ՉՔՆԱՂ ԼՈՌԻ)», գիրք 4, էջ 109, Երևան, «ԱՍՈՂԻԿ» 2017:
Հայաստանի նկարիչների միություն - ՀՀ նկարիչների միության 85 -ամյակին նվիրված պատկերագիրք, էջ 203, Երևան, 2017^[10]:
Համայնապատկեր (հանդես) #74 - էջ (30 - 31), Գլենդել, ԱՄՆ, 2017^[11]:
Վանաձորի կերպարվեստի թանգարան - պատկերագիրք, էջ 16, 17, 18,19, 20, 21, 2018:
«Արահետ» բազմաբնույթ պարբերական # 15 - էջ (46 - 47), Երևան, «ֆենոմեն» 2019^[12]:
«Լոռու մարզ» մարզային լրագիր #49 - էջ 3, հունվարի 28, Վանաձոր, 2006^[13]:
«Լոռու մարզ» մարզային լրագիր թիվ 15, - էջ 2, մարտի 2, Վանաձոր, 2011^[13]:
«Առավոտ» օրաթերթ, 21 ապրիլի, Երևան, 2012:
«Վանաձորյան Խճանկար» - (Արփինե Հովհաննիսյանի նկարներով օրացույցներ), հունվար, Վանաձոր, «Սիմ» 2013^[14] :
«Փաստ» օրաթերթ - 15 մայիսի, Երևան, 2019^[15]:
«Չմարող գույներ» - Վանաձորի կերպարվեստի թանգարանի հիմնադրման 45 -ամյակին նվիրված հանրապետական ցուցահանդեսի պատկերագիրք, 2019:
«… ՈՐՊԵՍ ՄԱՔՐՈՒԹՅԱՆ ՏԻՊԱՐ՝ ՀՐԵՇՏԱԿ, ՈՎ ՀՆԱԶԱՆԴՈՐԵՆ ԿՐՈՒՄ Է ԻՐ ԽԱՉԸ», հուլիսի, 2019^[16]:
«Առավոտ» օրաթերթ, 7-ը նոյեմբերի, Երևան, 2020^[17]:
«Լոռու մարզ» մարզային լրագիր թիվ 18, - էջ 3, մարտի 10, Վանաձոր, 2021^[13]:
«ԱՐԱՀԵՏ ԱԿՈՒՄԲ» -ի «ԱԼՄԱՆԱԽ #1» - ՖԲ «ԱՐԱՀԵՏ ԱԿՈՒՄԲ» -ի անդամների գրական-գեղարվեստական գործերի ընտրանի, էջ (210 - 213), հունվարի 31, Երևան, «ֆենոմեն» 2021, ակումբի ադմինիստրատոր և գրքի հրատ. խմբագիր, «ԱՐԱՀԵՏ» պարբերականի գլխավոր խմբագիր, «ՖԵՆՈՄԵՆ» հրատարակչության հիմնադիր-տնօրեն Միքայել Միրիջանյան